YAP Sumqayıt şəhər təşkilatı “Şuşadan dünyaya tolerantlıq ismarıcı” mövzusunda konfrans keçirib

Ana səhifə / YAP xəbərləri / YAP Sumqayıt şəhər təşkilatı “Şuşadan dünyaya tolerantlıq ismarıcı” mövzusunda konfrans keçirib

YAP Sumqayıt şəhər təşkilatı “Şuşadan dünyaya tolerantlıq ismarıcı” mövzusunda konfrans keçirib

20.05.2022 [17:49]

Yeni Azərbaycan Partiyası Sumqayıt şəhər təşkilatında “Şuşadan dünyaya tolerantlıq ismarıcı” mövzusunda konfrans keçirilib. Tədbirdə YAP İdarə Heyətinin üzvü, partiyanın Sumqayıt şəhər təşkilatının sədri Ramiz Hüseynov, YAP İdarə Heyətinin üzvü, Milli Məclisinin deputatı Hikmət Babaoğlu, Qarabağ müharibəsi veteran Zahid Abbasov, Dini Qurumlarla iş üzrə Dövlət Komitəsinin Sumqayıt bölgəsi üzrə şöbə müdiri Yalçın Abdullayev, Qafqaz Müsəlmanları İdarəsinin bölgə üzrə səlahiyyətli nümayəndəsi Rauf Sərdarov, Həyat sözü-2 Xristian Dini İcmasının rəhbəri Elçin Paşayev, Sumqayıtda Yəhudi icmasının ravini Menaxem Mendel, Malakan xristian ruhani dini icmasının rəhbəri Matriona Panamaryova, Bəhayi dini icmasının nümayəndələri, partiya üzvləri iştirak ediblər.

Tədbir iştirakçıları əvvəlcə Azərbaycanın müstəqilliyi və ərazi bütövlüyü uğrunda canlarından keçmiş Vətən övladlarının xatirəsini bir dəqiqəlik sükutla yad ediblər. Tədbiri giriş nitqi ilə açan Ramiz Hüseynov bildirib ki, Şuşa təkcə Azərbaycan xalqının deyil, bütün türk dünyasının qürur ünvanıdır. Qarabağın incisi Şuşanın Azərbaycanın mədəniyyət paytaxtı elan edilməsi, həm də 2022-ci ilin “Şuşa İli” elan edilməsi ilə bağlı Sərəncamlar gələcək uğurlara hesablanmış böyük məqsədləri və amalları özündə ehtiva edən müdrik qərarlardır. Şuşada keçirilən V “Xarıbülbül” Beynəlxalq Folklor Festivalı ilə bir daha Azərbaycanın mədəniyyət paytaxtından bütün dünyaya tolerantlıq, dostluq, qardaşlıq və sülh ismarıcları verildi.

Milli Məclisin deputatı Hikmət Babaoğlu vurğulayıb ki, işğaldan azad olunmuş ərazilərdə ilk bərpa və quruculuq işlərinin məhz Şuşada həyata keçirilməsi, Qarabağın tacı olan Şuşanın xalqımız üçün nə qədər önəmli, müqəddəs və əziz olduğunun göstəricisidir. Tarixi-mədəni əhəmiyyəti və Azərbaycan xalqı üçün müstəsna mənəvi dəyərə malik olması Şuşaya xüsusi qayğı və həssaslıqla yanaşılmanı zəruri edir: “Prezident İlham Əliyevin 2022-ci ili “Şuşa İli” elan etməsilə milli-mədəni və tarixi irsimizin qorunması və təbliğ olunması istiqamətində vacib bir dönəm başlandı. Hələ ötən il mayın 7-də Şuşanın Mədəniyyət paytaxtı kimi bəyan edilməsi Şuşa ilə bağlı bir sıra məqamlara geniş kontekstdə nəzər yetirilməsini gündəmə gətirdi”.

Çıxış edən digər natiqlər də bildiriblər ki, Şuşa nəinki Azərbaycan üçün, həm də region üçün ciddi əhəmiyyətə malik bir məkandır. Qarabağda həyata keçirilən bərpa prosesi dünya üçün yeni bir nümunə olur və burada öyrəniləsi çoxlu dərslər var.

Paylaş:

Baxılıb: 173 dəfə

Xəbər lenti

Hamısına bax