YAP Qazax rayon təşkilatının yeni ərazi partiya təşkilatı təsis edilib

Bakı:

11 °C

93 %

2 m/s

Əlaqə

AZ RU EN

Ana səhifə / YAP xəbərləri / YAP Qazax rayon təşkilatının yeni ərazi partiya təşkilatı təsis edilib

YAP Qazax rayon təşkilatının yeni ərazi partiya təşkilatı təsis edilib

23.06.2022 [11:19]

22 iyun 2022-ci il tarixdə Yeni Azərbaycan Partiyası Qazax rayon təşkilatının “Heydər Əliyev prospekti 99” ünvanında yerləşən yeni ərazi partiya təşkilatının təsis yığıncağı keçirildi.

Tədbirin əvvəlində Ümummilli Lider Heydər Əliyevin və şəhidlərimizin əziz xatirəsi bir dəqiqəlik sükutla yad edildi.

YAP Qazax rayon təşkilatının sədri Anar Nəbiyev tədbir iştirakçılarını salamlayaraq, Yeni Azərbaycan Partiyasının 30 il ərzində keçdiyi şərəfli yoldan, qazandığı uğurlardan, geniş və ətraflı danışdı. O, qeyd etdi ki, Ümummilli Lider Heydər Əliyevin memarı olduğu Yeni Azərbaycan Partiyası regionun ən güclü siyasi partiyası olmaqla yanaşı, ölkəmizin əldə etdiyi bütün nailiyyətlərdə, uğurlarda, qazanılan qələbələrdə xüsusi rol oynayır. Yeni Azərbaycan Partiyası günbəgün öz sıralarını vətənpərvər, sağlam, əqidəli təəssübkeşlər hesabına genişləndirir ki, bu da, partiyamızın günü – gündən gəncləşən ziyalılar partiyasına, ümumxalq partiyasına çevrilməsindən xəbər verir.

Rayon təşkilatının sədri YAP Qazax rayon təşkilatının mövcud durumundan, həyata keçirdiyi tədbirlərdən, gördüyü işlərdən də ətraflı bəhs etdi. Təsis yığıncağında ABB Qazax filialının müdiri Rahib Vəliyev, “AccessBank” QSC-nin Qazax filialının müdiri Emil Qurbanov, Finoko BOKT-nın kredit mütəxəssisi Elşən Əliyev çıxış etdilər. Natiqlər bildirdilər ki, bu gün bu tədbirdə iştirak edən şəxslər uzun illərdir ki, Yeni Azərbaycan Partiyasının üzvüdürlər və onlar “Heydər Əliyev prospekti 99” ünvanında yeni ərazi partiya təşkilatının təsis edilməsi ilə bağlı YAP Qazax rayon təşkilatının sədrinə müraciət etmişlər. Yeni Azərbaycan Partiyası Qazax rayon təşkilatının sədri də bu müraciətə öz müsbət münasibətini bildirərək, adı çəkilən ünvanda yeni ərazi partiya təşkilatının yaradılması ilə bağlı qərar vermişdir. Odur ki, bizim müraciətimizə müsbət münasibət bildirildiyinə görə öz minətdarlığımızı bildiririk və bundan sonra da partiya sıralarında yüksək fəallıq göstərəcəyik.

Təsis yığıncağında təşkilati məsələyə də baxıldı, Ariz Mehtiyev ərazi partiya təşkilatının sədri, Orxan Məmmədov isə sədr müavini seçildilər.

Təsis yığıncağının sonunda YAP Qazax rayon təşkilatının sədri Anar Nəbiyev yeni seçilən sədr və müavini təbrik edərək, onlara lazımi tapşırıq və tövsiyyələrini verdi, gələcək fəaliyyətlərində uğurlar arzuladı. Möhtərəm Prezidentimiz, Müzəffər Ali Baş Komandanımız, Yeni Azərbaycan Partiyasının sədri İlham Əliyev cənabları başda olmaqla bütün siyasi həmfikirlərini 26 iyun – Azərbaycan Silahlı Qüvvələri Günü münasibətilə təbrik etdi.

Paylaş:

Baxılıb: 568 dəfə