Azərbaycan bundan sonra da İlham Əliyevin rəhbərliyi altında yeni zəfərlərə imza atacaq

Bakı:

15 °C

82 %

6 m/s

Əlaqə

AZ RU EN

Ana səhifə / YAP xəbərləri / Azərbaycan bundan sonra da İlham Əliyevin rəhbərliyi altında yeni zəfərlərə imza atacaq

Azərbaycan bundan sonra da İlham Əliyevin rəhbərliyi altında yeni zəfərlərə imza atacaq

04.10.2022 [11:34]

YAP Ağdam rayon təşkilatının sədri

Mansur Quliyev

2020-ci il sentyabrın 27-dən başlayaraq Azərbaycan dövlətçilik tarixinin ən şərəfli səhifələri yazıldı. Müzəffər Ordumuzun rəşadəti, Prezident İlham Əliyevin Azərbaycana qarşı yönələn bütün diplomatik həmlələri yüksək peşəkarlıqla dəf etməsi sayəsində işğal altındakı torpaqlarımız düşmən tapdağından azad edildi və əsl sahiblərinə qaytarıldı.

Böyük Zəfərin ilk müjdəsi isə 4 oktyabr 2020-ci il tarixdə Cəbrayıl rayonunun işğaldan azad olunması oldu, bu qələbə əsgər və zabitlərimizi növbəti qələbəyə ruhlandırdı. Məhz Cəbrayıl rayonunun işğaldan azad olunması Zəngilan və Qubadlı istiqamətlərində ordumuzun irəliləməsinə böyük stimul vermiş oldu. Bu gün digər rayonlarımız kimi Cəbrayıl rayonuda azaddır və burada da ölkə Prezidenti cənab İlham Əliyevin müvafiq tapşırıqlarına əsasən quruculuq-bərpa işləri uğurla davam etdirilir.

44 günlük şanlı Vətən Müharibəsində Azərbaycan xalqı 30 il davam edən işğala son qoymaq üçün öz ölkə Prezidenti cənab İlham Əliyevin ətrafında birləşdi, birliyini, iradəsini və gücünü ortaya qoydu, ədaləti, beynəlxalq hüququ bərpa etdi. Müzəffər Ali Baş Komandan cənab İlham Əliyevin rəhbərliyi altında şanlı Azərbaycan ordusu 2020-ci il noyabrın 8-də Şuşanı işğaldan azad etməklə Vətən müharibəsini tarixi Qələbə ilə başa vurdular.

Böyük qürur hissi ilə deyə bilərik ki, Ermənistan cəmi 44 günə Azərbaycan qarşısında diz çökdü, 30 illik münaqişəyə Azərbaycan öz gücü, qüdrəti ilə son qoydu və tarixi ədaləti bərpa etdi. Prezident cənab İlham Əliyev Azərbaycan tarixinə xilaskar və Müzəffər Komandan kimi adını yazdırdı.

44 günlük Vətən müharibəsi xalqımızın birliyini, ordumuzun qüdrətini və ən əsası Müzəffər Ali Baş Komandanımız cənab İlham Əliyevin qətiyyətini , əsl liderlik bacarıqlarını bir daha dünyaya nümayiş etdirdi.

Bu gün Azərbaycanın siyasi və iqtisadi potensialı artıb, ölkəmiz regionda söz sahibi olan dövlətə çevrilib, beynəlxalq siyasət səhnəsində nüfuzu və mövqeyi daha da möhkəmlənib. Xüsusi ilə qeyd etmək lazımdır ki, həyata keçirilən siyasət ölkəmizin müstəqil, dünyəvi və demokratik dövlət quruculuğu yolu ilə inamla irəliləməsinə, regionda həlledici söz sahibi olmasına, bərabərhüquqlu və qarşılıqlı faydalı tərəfdaşlıq əlaqələrinin qurulmasına əlverişli zəmin yaradıb. Onu da vurğulamaq lazımdır ki, Azərbaycan regionda, Cənubi Qafqazda sülhün və təhlükəsizliyin əsas təminatçısıdır.

Torpaqlarımızın, ərazi bütövlüyümüzün azadlığı uğrunda canından keçmiş, hər zaman qürur və and yerimiz olan Şəhidlərimizə Allah rəhmət eləsin, Qazilərimizə isə şəfa nəsib etsin.

Azərbaycan bundan sonra da Müzəffər Ali Baş Komandanımız cənab İlham Əliyevin rəhbərliyi altında yeni yeni zəfərlərə imza atacaq və suveren dövlət kimi bölgədə və regionda dayanıqlı sülhün bərqərar olmasına öz müsbət töhfələrini verəcək.

Paylaş:

Baxılıb: 561 dəfə