Azərbaycan ədaləti bərpa edən gücə sahibdir

Bakı:

16 °C

88 %

4 m/s

Əlaqə

AZ RU EN

Ana səhifə / YAP xəbərləri / Azərbaycan ədaləti bərpa edən gücə sahibdir

Azərbaycan ədaləti bərpa edən gücə sahibdir

19.10.2022 [16:17]

Ramil Orucov,

YAP Gəncə şəhər təşkilatının sədri

Ölkə Başçımız cənab İlham Əliyev Astanada keçirilən Asiyada Qarşılıqlı Fəaliyyət və Etimad Tədbirləri üzrə Müşavirənin 6-cı Zirvə Toplantısında növbəti dəfə dünya ictimaiyyətinin diqqətini Azərbaycan həqiqətlərinə, faşist ideologiyasına xidmət edən Ermənistanın apardığı soyqırımı siyasətinə yönəltdi.

Azərbaycan Prezidentinin çıxışında nəzər saldığı ən önəmli məsələlərdən biri Qarabağ münaqişəsinin həll olunmasına baxmayaraq, işğalçı Ermənistanın sərhəddə törətdiyi təxribatlar oldu.

44 günlük Vətən müharibəsi rəşadətli Ordumuz ermənilərin “yenilməz ordu” mifini məhv etdi və sübuta yetirdi ki, Azərbaycan ədaləti bərpa edən gücə sahibdir. 44 günlük Vətən Müharibəsi nəticəsində ölkəmiz uzunmüddətli işğala son qoyaraq ərazi bütövlüyümüzü, suveren hüquqlarımızı bərpa etdi. Dəfələrlə atəşkəs elan olunmasına baxmayaraq, düşmən tərəfdən davamlı olaraq atəşkəs rejimi pozulub, hərbi təxribatlar törədilib. 2020-ci il sentyabrın 27-də başlayan təxribatda isə düşmən layiqli cavabını, xalqımız isə erməni işğalçıları tərəfindən törədilən bütün vəhşiliklərin, terror aktlarının, şəhidlərimizin qisasını aldı. Ali Baş Komandan, Prezident cənab İlham Əliyevin qətiyyəti, milli maraqlara xidmət edən siyasəti nəticəsində xalqımız birlik göstərdi, tarixi ədaləti bərpa etdi. Öz gücünə beynəlxalq hüququn və tarixi ədalətin bərpa olunmasına nail olan Azərbaycan heç bir beynəlxalq norma və prinsipləri pozmadan, humanizm göstərərək haqlı olduğunu dünyaya bəyan etdi.

Vətən müharibəsindən iki il sonra, məkirli niyyətindən çəkinməyən düşmən sentyabrın 12-13-də Ermənistanın Azərbaycanla dövlət sərhədində genişmiqyaslı hərbi təxribat törətdi. Sözsüz ki, Azərbaycan silahlı qüvvələrinin bu təxribatın qarşısını qətiyyətlə aldı. Lakin bu təxribat iki ölkə arasında normallaşdırma prosesinə böyük bir zərbə oldu.

Azərbaycanın milli maraqlarını hər zaman qətiyyətlə müdafiə edən Prezident cənab İlham Əliyev tutarlı, dəqiq və faktlarla növbəti dəfə də bütün bu təxribatlara görə məsuliyyətin Ermənistanın hərbi-siyasi rəhbərliyinin üzərinə düşdüyünü deyib.

Ölkəmizə qarşı olan təxribatlarla erməni vandalları bir daha sübut etdilər ki, revanşist fikirlərindən hələ də əl çəkməyib, sülh danışıqlarına ciddi yanaşmırlar. Qəsdən atəşkəsin şərtlərini yerinə yetirməyən, sülhə gedən yolda təxribatlar yaradan erməni faşistləri dünya ictimaiyyətində münaqişənin hələ də bitmədiyi fikrini yaratmağa çalışır, özlərinin köməyə ehtiyacı olan məzlumlardan ibarət olduqlarını göstərmək istəyirlər.

İkinci Qarabağ müharibəsi başa çatandan sonra Azərbaycanın 250-dən çox vətəndaşının əsasən işğal dövründə basdırılan minaların partlaması nəticəsində həlak olduğunu və ya ciddi xəsarət aldığını diqqətə çatdıran dövlətimizin başçısı deyib: “Eyni zamanda, bizim tərəfimizdən Ermənistan istehsalı olan piyada əleyhinə 1400 mina aşkarlanıb. Bu minalar 2021-ci ildə Laçın rayonu ilə sərhəd ərazidə basdırılıb. Həmçinin Azərbaycanın bir hərbi mövqeyindən digərinə aparan yollar minalanıb. Silahlı toqquşmalar davam edib, aktiv faza maksimum 8 saat çəkib. Bəzilərinin hesab etdiyi kimi, Azərbaycan Ermənistan ərazisini işğal etmək niyyətində olmayıb. Nə bir şəhər, nə də bir kənd işğal olunmayıb”.

Ölkəmizi dünyaya təcavüzkar kimi göstərib, beynəlxalq aləmdə çətin vəziyyətdə qoymağı hədəfləyən erməni revanşistləri unutmasınlar ki, müstəqil Azərbaycan dövləti hər zaman olduğu kimi, təxribatlara, terrora, məkirli niyyətlərə layiqli cavab verib və ərazi bütövlüyümüzü qoruyub, hər zaman da qoruyacaq, düşmənə aman verməyəcək.

Paylaş:

Baxılıb: 497 dəfə