Heydər Əliyev
yeni azerbaycan logo

Ana səhifə / YAP xəbərləri / Azərbaycan – Çin münasibətləri yüksələn templə inkişaf edir

Azərbaycan – Çin münasibətləri yüksələn templə inkişaf edir

23.01.2023 [10:33]

Cari ilin yanvar ayının 17-də Azərbaycan Respublikasının Prezidenti cənab İlham Əliyevin Dünya İqtisadi Forumunun illik toplantısında iştirak etmək üçün İsveçrə Konfederasiyasına səfəri başlayıb. Səfər çərçivəsində ölkə başçısı Çinin China Global Television Network televiziya kanalına geniş məzmunlu müsahibə verib.

Azərbaycan Respublikasının Prezidenti cənab İlham Əliyev qeyd edib ki, “30 il ərzində davam edən siyasi münasibətlər artıq bizim yaxşı tərəfdaş və bir-birinə etibar edən dostlar olduğumuzu nümayiş etdirir. Birlikdə beynəlxalq təsisatlar çərçivəsində çox yaxşı əməkdaşlığımız var. Biz həmişə bir-birimizin ərazi bütövlüyünü və suverenliyini dəstəkləyirik”

İki ölkə arasında formalaşmış siyasi, iqtisadi, ticarət, enerji, mədəniyyət, turizm, təhsil kimi sahələrdə əməkdaşlıq münasibətləri həm ikitərəfli, həm də çoxtərəfli müstəvidə yüksək səviyyədədir və tərəflər bir sıra strateji sahələrdə məhsuldar əməkdaşlıq etmişlər. Xüsusilə də ulu öndər Heydər Əliyevin 1994-cü ildə Çinə səfərindən sonra iki ölkə arasında əlaqələrin spektri genişləndirilmiş və həmin səfər ölkələrimiz arasında ikitərəfli münasibətlərin təməlini qoymuşdur.

Çin dünyanın ən böyük dövlətlərindən biridir. Dünyanın bütün ölkələri ilə qarşılıqlı surətdə faydalı əməkdaşlıq yaratmaq prinsiplərini rəhbər tutan Azərbaycan Respublikası Çinlə də bütün istiqamətlərdə sıx əlaqələrə malikdir.

Azərbaycan Respublikası yarandıqdan sonra onun müstəqilliyini tanıyan ilk ölkələrdən biri Çin Xalq Respublikası olmuşdur. İki ölkə arasında diplomatik əlaqələr isə 1992-ci ilin aprel ayının 2-də qurulmuşdur.

Azərbaycanda 120-yə yaxın Çin sərmayəli şirkət fəaliyyət göstərir. Çin tərəfindən irəli sürülən məşhur “Bir kəmər, bir yol” qlobal nəqliyyat dəhlizi layihəsini ilk dəstəkləyən ölkələrdən biri məhz Azərbaycandır. Prezident İlham Əliyevin 2015-ci ildə Çinə rəsmi səfəri zamanı “İpək yolu iqtisadi kəməri”nin yaradılma­sının birgə təşviqinə dair Anlaşma Memorandumu imzalanması həmin layihənin gerçəkləməsində önəmli rol oynayır.

Azərbaycanın müəllifi oldu­ğu Bakı – Tbilisi – Qars və Bakı Beynəlxalq Dəniz Ticarət Limanı “İpək yolu iqtisadi kəməri”nin tərkib hissəsi kimi mühüm yer tutur və ölkəmiz üçün bu nəqliyyat marşrut­ları ilə malların Çindən Avropaya, Avropadan isə Çinə gətirilməsi üçün ən qısa yoldur.

Nəqliyyat layihələrinin reallaşdırılması nəticəsində iqtisa­diyyatımız günü – gündən şaxələnir və neft-qaz gəlirlərindən asılılıq azalır. Məhz buna görədir ki, ötən il Azərbaycan ərazisindən tranzit da­şımalar 75 faiz artıb. Bu, təkcə infrastruktura görə deyil, eyni zaman­da, səmərəli idarəetmə nəticəsində gerçəkləşib.

Xalqlarımızın onilliklərdən bəri davam edən dostluq əlaqələrini, eləcə də, Çin və Azərbaycanın dövlət rəhbərlərinin bütün sahələrdə əməkdaşlığı inkişaf etdirmək istiqamətində səylərini nəzərə alaraq tam əminliklə söyləmək olar ki, bu dostluq münasibətləri bundan sonra da uğurla davam etdiriləcək və xalqlarımızın rifahının yaxşılaşmasına xidmət edəcəkdir.

Varis Rüstəmov,  YAP Sabirabad rayon təşkilatının sədri

Paylaş:
Baxılıb: 56 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Daha 39 casus

01 Fevral 12:06  

Xarici siyasət

Analitik

Sosial

Xəbər lenti

Siyasət

Dördüncü səfər...

01 Fevral 10:18  

Xəbər lenti

Tariflər yeniləndi

31 Yanvar 16:53

Xəbər lenti

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28