Azərbaycan etibarlı əllərdədir

Bakı:

31 °C

45 %

7 m/s

Əlaqə

AZ RU EN

Ana səhifə / YAP xəbərləri / Azərbaycan etibarlı əllərdədir

Azərbaycan etibarlı əllərdədir

10.03.2023 [11:36]

Azərbaycan Respublikasının Milli Məclisi, parlamentin deputatları, rəhbərliyi ölkəmizin uğurlu inkişafı istiqamətində böyük rol oynamışlar, parlament tərəfindən qəbul edilmiş qanunlar bizim uğurlu inkişafımızın hüquqi bazasını gücləndirmişdir.

Bu gün altıncı çağırış Milli Məclis də möhtərəm Prezidentimiz cənab İlham Əliyevin rəhbərliyi ilə ölkəmizdə aparılan genişmiqyaslı və çoxşaxəli islahatlara, onların dərinləşməsi işinə öz ciddi təkanını nümayiş etdirir.Bütün siyasi qüvvələrin iştirak etdiyi seçkilər nəticəsində çoxpartiyalı parlament formalaşıb, bu, demokratiyanın inkişafında önəmli addımdır. Altıncı çağırış Milli Məclis çoxpartiyalı məclisdir, bu mənada siyasi sistemin təkmilləşdirilməsi işində Milli Məclisin böyük rolu vardır. Bütün siyasi qüvvələr rəqabət mühitində keçirilmiş seçkilərdə iştirak ediblər.

Müxalifət partiyalarının nümayəndələri altıncı çağırış Milli Məclisin rəhbərliyində və komitələrin rəhbərliyində təmsil olunur. Sözügedən fakt Azərbaycanda siyasi sistemi möhkəmləndirmək, siyasi münasibətləri sağlam zəmində gücləndirmək üçün böyük əhəmiyyətə malikdir.

Prezident Administrasiyasının nümayəndələri bütün siyasi qüvvələrin rəhbərləri ilə görüşlər keçirir. Qanunvericilik sahəsində də siyasi sistemin təkmilləşdirilməsi üçün Milli Məclis tərəfindən lazımi addımlar atılır və Azərbaycanda çoxpartiyalı sistem daha da möhkəm əsaslar üzərində qurulur.Ölkədə aparılan islahatlar həm konseptual xarakter, həm də struktur xarakteri daşıyır, kadr islahatları aparılır.

Bu gün biz müstəqil ölkə kimi yaşayırıq, müstəqil siyasət aparırıq, heç kimin işinə qarışmırıq. Ölkəmiz bundan sonra da bu müstəqillik və inkişaf yolu ilə gedəcək. Azərbaycan xalqı əmin-amanlıq, sabitlik, təhlükəsizlik şəraitində yaşayır. Əldə etdiyimiz ən böyük uğurlardan biri siyasi sabitlikdir.

Azərbaycan sosial dövlətdir və atılan bütün addımlar bunu təsdiqləyir. Möhtərəm Prezidentimiz cənab İlham Əliyev tərəfindən təqdim olunan sərəncamlar, minimum pensiyanın, eləcə də minimum əməkhaqlarının artırılması mühüm addımlardandır. Ölkəmizdə şəffaflıqla bağlı gedən proseslər, kölgə iqtisadiyyatına qarşı olan proseslər bizim iqtisadi imkanlarımızı gücləndirir, vergi bazasını genişləndirir, kölgə iqtisadiyyatına qarşı çox ciddi zərbə vurur.

Avropa İttifaqı ilə əməkdaşlıq artım dinamika ilə inkişaf edir. Avropa İttifaqına üzv olan doqquz ölkə ilə Azərbaycanın strateji tərəfdaşlıq sənədləri vardır. 9 ölkə Avropa İttifaqına üzv ölkələrin üçdə biridir. Azərbaycanın xarici siyasəti situativ deyil. Qonşu ölkələrlə sağlam, işgüzar və dostluq əsasında qurulmuş münasibətlər var. Müsəlman aləmində ölkəmizin böyük nüfuzu var.

Azərbaycanın xarici siyasəti gənc müstəqil dövlətimizə beynəlxalq aləmdə böyük nüfuzqazandırır. Azərbaycanın sözünü deyən, istənilən problemin müzakirəsi zamanı ölkəmizin mövqelərini dəstəkləyən ölkələrin siyahısı gündən-günə genişlənir.

Ulu Öndərin şah əsəri olan müstəqil Azərbaycan etibarlı əllərdədir. Bu gün möhtərəm Prezidentimiz cənab İlham Əliyev rəhbərliyi altında Azərbaycan sürətli, dinamik və hərtərəfl inkişaf yolu ilə irəliləməkdədir.

YAP Naftalan şəhər təşkilatının sədri Rövlan Heydərov

Paylaş:

Baxılıb: 537 dəfə