31 mart - Azərbaycanlıların soyqırımı günü Qaradağ rayonunda qeyd edilib

Bakı:

22 °C

46 %

4 m/s

Əlaqə

AZ RU EN

Ana səhifə / YAP xəbərləri / 31 mart - Azərbaycanlıların soyqırımı günü Qaradağ rayonunda qeyd edilib

31 mart - Azərbaycanlıların soyqırımı günü Qaradağ rayonunda qeyd edilib

31.03.2023 [14:27]

31 mart 2023-cü ildə Qaradağ rayonunun Sahil qəsəbəsindəki “31 mart Azərbaycanlıların soyqırımı abidə-kompleksi” önünə əklilqoyma mərasimi keçirildi.

Tədbirdə Qaradağ RİH başçısı Süleyman Mikayılov, YAP Qaradağ Rayon Təşkilatının sədri Qafar Əliyev, Milli Məclisin deputatı Səbinə Xasayeva, qazilər, şəhid ailələri və ictimaiyyət nümayəndələri iştirak etmişlər.

Tədbir iştirakçıları abidə önünə əklil və gül dəstələri qoymuş, erməni daşnaklarının bolşeviklərlə birləşərək azərbaycanlılara qarşı həyata keçirdiyi soyqırımının 105 ildönümünü yad etmişlər. Rayonun idarə, müəssisə və təşkilat rəhbərləri, hərbiçilər, məktəblilər və mərasimə toplanmış ictimaiyyət nümayəndələri soyqırım qurbanlarının əziz xatirəsini yad edərək abidə önünə gül dəstələri qoymaqla öz dərin ehtiramlarını bildirmişilər.

Məlum olduğu kimi, 1918-ci il martın 30-u gecə saatlarında Bakıda başlanan kütləvi qırğınlar 30 mindən çox günahsız insanın, o cümlədən çoxlu sayda qoca, qadın və uşaqların öldürülməsi ilə nəticələnib.

Martın 30-dan aprelin 2-dək davam edən kütləvi qırğınlarda Stepan Şaumyanın rəhbərlik etdiyi erməni bolşevik- daşnaq dəstələri Bakıda minlərlə insanı qətlə yetirib, müsəlman ziyarətgahlarını yandırıb, Bakı əhalisinin yüz milyonlarla manatlıq əmlakını qarət ediblər. Kütləvi qırğınlar zamanı şəhərin ən möhtəşəm məscidi sayılan Təzəpir məscidi aramsız top atəşinə tutulub, ermənilər Bakının ən böyük memarlıq incilərindən olan “İsmailiyyə” binasını yandırıblar.

Azərbaycanlılara qarşı həyata keçirilən soyqırımı siyasəti təkcə Bakı şəhəri ilə məhdudlaşmayıb. Martın 31-də erməni daşnakları Şamaxı, Quba, Naxçıvan,İrəvan quberniyası, Lənkəran, Muğan bölgəsi, Qarabağ, Xoy, Urmiya, Van,Qars və digər bölgələrdə minlərlə kəndi yandırıb orada yaşayan on minlərlə günahsız müsəlman əhalini qətlə yetiriblər.

1918-ci il iyulun 15-də Azərbaycan Demokratik Respublikasının yaratdığı Fövqəladə Təhqiqat Komissiyası bu qırğınlarla bağlı çoxsaylı sənədləri toplayaraq hökumətə təqdim edib, 1919-cu ildə Azərbaycan parlamenti 31 Mart tarixinin Azərbaycanlıların Soyqırımı günü kimi qeyd olunması barədə qərar qəbul edib.

Sovet hakimiyyəti illərində bu tarix yaddaşlardan silinsə də, müstəqillik dövründə tarixi sənədlər əsasında 31 mart 1918-ci ildə Azərbaycan xalqının başına gətirilən faciəvi hadisələrlə bağlı çoxsaylı araşdırmalar aparılıb, kitablar dərc olunub. 1998-ci il martın 26-da Ümummilli lider, prezident Heydər Əliyev “Azərbaycanlıların soyqırımı haqqında” fərman imzalayıb və həmin gündən başlayaraq 31 Mart tarixi Azərbaycanlıların Soyqırımı günü kimi qeyd olunur.

Paylaş:

Baxılıb: 421 dəfə