Göygöldə 31 Mart Azərbaycanlıların soyqırımı gününə həsr olunmuş tədbir keçirilib

Bakı:

21 °C

52 %

4 m/s

Əlaqə

AZ RU EN

Ana səhifə / YAP xəbərləri / Göygöldə 31 Mart Azərbaycanlıların soyqırımı gününə həsr olunmuş tədbir keçirilib

Göygöldə 31 Mart Azərbaycanlıların soyqırımı gününə həsr olunmuş tədbir keçirilib

31.03.2023 [18:53]

Yeni Azərbaycan Partiyası Göygöl rayon təşkilatı Ərazi Partiya təşkilatlarında 31 Mart Azərbaycanlıların soyqırımı gününə həsr olunmuş tədbir keçirmişdir.

Tədbirdə YAP Göygöl rayon təşkilatının sədri Vüqar İsayev, Heyvandarlıq Elmi Tədqiqat İnstitutunun direktoru Mahir Hacıyev, Göygöl Dövlət Aqrar İnkişaf Mərkəzinin direktoru Elməddin Əhmədov, YAP Gənclər Birliyinin üzvü Fərid Dünyamaliyev, Respublika Süni Mayalanma Mərkəzinin direktoru Elton Əbdürrəhmanov, Ərazi Partiya Təşkilat sədrləri və YAP fəalları iştirak etdi. Əvvəlcə soyqırım qurbanlarının xatirəsi bir dəqiqəlik sükutla yad edilmişdir.

YAP Göygöl rayon təşkilatı üzrə Heyvandarlıq Elmi Tədqiqat İnstitutu ƏPT-nin sədri Mahir Hacıyev tədbiri açaraq, tarix boyu təcavüzkar siyasət yeridən, qanlı əməllərindən dönməyən, “Dənizdən-dənizə böyük Ermənistan” yaratmaq xülyasından əl çəkməyən ermənilərin zaman-zaman xalqımızı soyqırıma məruz qoymasından, havadarlarının köməyi ilə əzəli torpaqlarımızı işğal etməyi özlərinin məqsədlərinə çevirdiklərini bildirmiş, təkcə ötən əsrdə Azərbaycan xalqının dörd dəfə (1905-1907, 1918-1920, 1948-1953, 1988-1993-cü illərdə) erməni millətçiləri tərəfindən hüquqlarının pozulmasını, qeyri-insani rəftarla, vandal hərəkətlərlə müşayiət olunan soyqırımına və deportasiyaya məruz qaldığını önə çəkmişdir.

YAP Göygöl rayon təşkilatının sədri Vüqar İsayev çıxış edərək vurğulamışdır ki, 1918-ci ilin mart günlərindəki qırğınlar zamanı ermənilər üç gün ərzində Bakıda 12 min soydaşımızı vəhşicəsinə qətlə yetirmişlər. Sonrakı günlərdə Bakı və Gəncə quberniyalarında, Quba, Xaçmaz, Şamaxı, Lənkəran, Muğan qəzalarında və digər bölgələrdə də ermənilər tərəfindən qanlı faciələr törədilmişdir. Mart hadisələri zamanı yüzlərlə şəhərimiz və kəndimiz, o cümlədən Qarabağ ərazisində azərbaycanlıların yaşadıqları 150-dən çox kənd xarabalığa çevrilmiş, Şuşada görünməmiş qırğınlar törədilmişdir. 50 mindən çox soydaşımız, o cümlədən Bakıda 30 minə yaxın azərbaycanlı qətlə yetirilmiş, məscidlər, məktəblər yandırılmış və dağıdılmışdır. Təkcə Zəngəzurda 115, İrəvan quberniyasında isə 211 kənd xarabalığa çevrilmiş, əhalisi misli görünməmiş amansızlıqla qətlə yetirilmişdir. Ulu öndər Heydər Əliyevin yenidən hakimiyyətə qayıdışından sonra 31 mart soyqırımına prinsipial yanaşma nümayiş etdirilmiş, erməni millətçilərinin xalqımıza qarşı illərlə yürütdüyü soyqırımı və deportasiya siyasətinin mahiyyəti bütünlüklə açıqlanmış və ifşa olunmuşdur. Ümummilli lider Heydər Əliyevin “Azərbaycanlıların soyqırımı haqqında” 26 mart 1998-ci il tarixli fərmanı ilə xalqımıza qarşı törədilmiş ağır cinayətlərə hüquqi-siyasi qiymət verilmişdir. Bu gün isə Prezident cənab İlham Əliyevin rəhbərliyi ilə erməni təcavüzünün nəticələrinin aradan qaldırılması, respublikamızın ərazi bütövlüyünün və suverenliyinin təmin olunması, aparıcı dünya dövlətləri və nüfuzlu beynəlxalq dairələr tərəfindən ölkəmizin ədalətli mövqeyinin etiraf olunması və müdafiəsi istiqamətində ardıcıl və məqsədyönlü işlər görülür. Dövlət başçısı cənab İlham Əliyevin 30 dekabr 2009-cu il tarixli “Quba şəhərində Soyqırımı Memorial Kompleksinin yaradılması haqqında” sərəncamı bu istiqamətdə mühüm addımlardan biridir. Heydər Əliyev Fondunun prezidenti, Azərbaycanın Birinci vitse-prezidenti Mehriban xanım Əliyevanın rəhbərliyi ilə Heydər Əliyev Fondunun soyqırımla bağlı həqiqətlərin dünya ictimaiyyətinə çatdırılması istiqamətində gerçəkləşdirdiyi mühüm layihələr xüsusi qeyd edilməlidir.

Daha sonra natiqlərdən Qafar Məmmədov, Seymur Əsədzadə, Valeh Əsədov çıxış edərək, ermənilərin 200 illik tarix boyunca təkcə Azərbaycana deyil, bütün qonşu dövlətlərə - Türkiyəyə, İrana, Gürcüstana qarşı da, ərazi iddiaları irəli sürdüyünü və “böyük Ermənistan” yaratmaq iddiasında olduğunu, təcavüzkar siyasətini bu gün də davam etdirdiyini diqqətə çatdırmış, bir sıra tarixi faktlara istinad edərək erməni daşnak partiyasının havadarlığı ilə ötən əsrin əvvəllərindən etibarən əzəli Azərbaycan torpaqlarında törədilmiş qırğınlar və soyqırımı siyasətindən ətraflı bəhs etmişlər.

Sonda 31 Mart Azərbaycanlıların soyqırımı gününə həsr olunmuş videoçarx nümayiş olunmuşdur

Paylaş:

Baxılıb: 461 dəfə