“Tarix yazan imza" adlı tədbir keçirilib

Bakı:

19 °C

63 %

4 m/s

Əlaqə

AZ RU EN

Ana səhifə / YAP xəbərləri / “Tarix yazan imza" adlı tədbir keçirilib

“Tarix yazan imza" adlı tədbir keçirilib

06.05.2023 [19:04]

2023-cü il mayın 5-də Qaradağ rayonunun Lökbatan qəsəbəsində yerləşən Abşeron Logistika Mərkəzində YAP Qaradağ rayon təşkilatı ilə birlikdə Ümumilli lider Heydər Əliyevin anadan olmasının 100-cü ildönümü ilə əlaqədar "Tarix yazan imza" adlı tədbir keçirildi.

Tədbirdə əvvəlcə Dövlət Himni səsləndirilib, Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib.

Sonra Ümummilli Liderin həyatından və dövlətçilik fəaliyyətindən bəhs edən film nümayiş olunub.

Tədbiri açan Abşeron Logistika Mərkəzinin İdarə heytəinin sədri Ziya Ağayev bildirib ki, Azərbaycan Respublikasının Prezidenti İlham Əliyevin sərəncamı ilə 2023-cü il "Heydər Əliyev" ili elan edilib və bu münasibətlə tədbir təşkil edilib. O, tədbirə təşrif gətirən yüksək qonaqları salamlayıb və onları tədbir iştirakçılarına təqdim edib. Ziya Ağayev müasir müstəqil Azərbaycan dövlətinin memarı və qurucusu, Ümummilli Lider Heydər Əliyev fenomenal şəxsiyyət olduğunu, onun Azərbaycana rəhbərlik etdiyi hər iki dövrdə: həm SSRİ, həm də müstəqillik illərində respublikamızın yüksəliş illəri olduğunu bildirib.

Tədbirdə çıxış edən digər qonaq-Türkiyə Silahlı Qüvvələri Quru qoşunlarının generalı, Türkiyənin Azərbaycandakı səfrliyinin keçmiş hərbi attaşesi, hərbi ekspert Yücel Karayüz "Türkiyə-Azərbaycan münasibətləri - müasir dövrdə" mövzusunda ətraflı çıxış edib. O, Türkiyə - Azərbaycan münasibətlərinin strateji müttəfiqlik xarakteri daşıdığını, Atatürk-Heydər Əliyev ideyalarının hazırda Türkiyə Prezidenti Rəcəb Tayyib Ərdoğan və Azərbaycan Prezidenti İlham Əliyev tərəfindən çox yüksək səviyyədə davam etdirildiyini, bu münasibətlərin 44 günlük İkinci Qarabağ- Vətən Müharibəsində öz müsbət nəticəsini verdiyini bildirib.

YAP Qaradağ rayon təşkilatının sədri Qafar Əliyev tədbirdə çıxış edərək Ulu Öndər Heydər Əliyevin Sovet hakimiyyəti dövründə Azərbaycana rəhbərlik etdiyi illərdə bugünkü müasir, müstəqil Azərbaycan dövlətinin möhkəm təməlinin qoyulduğunu, müstəqillik illərində isə milli ruhun və azərbaycançılıq məfkurəsinin daha da möhkəmləndirildiyini və bu əsas üzərində müasir, müstəqil Azərbaycan dövlətinin formalaşdırıldığını bildirib. Çıxışının sonunda Qafar Əliyev Heydər Əliyevin Azərbaycan xalqının xilaskarı və müasir Azərbaycan dövlətinin isə banisi və qurucusu, həmçinin də Yeni Azərbaycan Partiyasının yaradıcısı olduğunu qeyd edib.

Daha sonra tədbirdə çıxış edənlər: Qaradağ raron İcra Hakimiyyətinin başçısının birinci müavini Emil Abbasov, Milli Məclisin deputatı Aydın Hüseynov, Abşeron Logistika Mərkəzinin Müşahidə Şurasının sədri Xudu Rzayev və başqalrı Ulu Öndərin rəhbərliyi ilə yeni Azərbaycanın parlaq gələcəyi üçün lazım olan bütün addımların atıldığını, Azərbaycan dövlətini tənəzzüldən xilas edərək tərəqqi yoluna çıxardığını, müəllifi olduğu yeni neft və yeni iqtisadi strategiyanın ölkəmizi regionun lider dövlətinə çevirdiyini, 44 Günlük müharibədə əvəzsiz rol oynadığını, Azərbaycanın müstəqilliyinin əbədiliyinin təməlinin qoyulduğunu vurğulayıb və bu müdrik siyasətin Azərbaycanın hazırkı prezidenti cənab İlham Əliyev tərəfindən uğurla davam etdirildiyini, Ulu Öndər Heydər Əliyevin siyasi kursunun ən layiqli davamçısı olan Prezident İlham Əliyevin və Birinci Vitse-Prezident Mehriban xanım Əliyevanın xalqımız qarşısında misilsiz xidmətlərindən danışıblar.

Paylaş:

Baxılıb: 617 dəfə