Vətən müharibəsindəki qələbəmiz xalqımızın qəhrəmanlıq salnaməsidir

Bakı:

30 °C

51 %

5 m/s

Əlaqə

AZ RU EN

Ana səhifə / YAP xəbərləri / Vətən müharibəsindəki qələbəmiz xalqımızın qəhrəmanlıq salnaməsidir

Vətən müharibəsindəki qələbəmiz xalqımızın qəhrəmanlıq salnaməsidir

06.11.2023 [14:38]

“2020-ci ilin 27 sentyabr tarixində Ermənistanın hərbi təxribatlarına cavab olaraq Azərbaycan Ordusunun başlatdığı əks-hücum əməliyyatları nəticəsində işğal altında olan tarixi torpaqlarımız azad olundu, həmin ərazilərimiz düşmən əsarətindən qurtarıldı. Bu zəfərimizin sayəsində ərazi bütövlüyümüz bərpa edildi və bu qələbə tariximizə qəhrəmanlıq salnamısi kimi daxil oldu. Şanlı tariximizə 44 günlük Vətən müharibəsi adı ilə daxil olan haqq uğrundakı savaşımız, əslində dünyada sülhün və ədalətin zəfər çalmasının təntənəsi idi”.

Bu sözləri açıqlamasında Yeni Azərbaycan Partiyası Binəqədi rayon təşkilatının sədri Vüsar İsmayılov bildirdi. Onun sözlərinə görə Azərbaycan Ordusu tarixi qələbəsinə imza atmaqla 30 ilə yaxın erməni təcavüzkarlarının işğalına, etnik təmizləmə, vandalizm əməllərinə məruz qalan ata-baba yurdumuzu əsarətdən xilas etdi. Dövlətimizin başçısı, müzəffər Ali Baş Komandan İlham Əliyev dəfələrlə ən ali beynəlxalq tribunalarındakı çıxışlarında bəyan edirdi ki, Azərbaycan tarixi torpaqlarını güzəştə getməyəcək, işğaldan azad edəcək və ərazi bütövlüyümüz bərpa ediləcək: “Artıq qüdrətli Azərbaycan öz tarixi, əbədi və əzəli torpaqları uğrunda mübarizə və müharibə apararaq ərazi bütövlüyünü bərpa edib. Xüsusilə vurğulamaq lazımdır ki, dövlətimiz və xalqımız bu müharibəni ləyaqətlə aparıb və zəfər çalıb. İşğalçı Ermənistan dövlətinin Vətən müharibəsi zamanı çoxsaylı müharibə cinayətləri törədərək, cəbhəboyu ərazilərdən uzaq məsafələrdə yerləşən dinc vətəndaşlarımızın yaşadığı şəhər və kəndləri raket atəşinə tutması və onları öldürməsi ermənilərin əsl xislətini bir daha ortaya qoyur. Azərbaycan dövləti isə müharibədən öncə aparılan sülh danışıqlarında olduğu kimi, müharibə zamanı və post müharibə dövründə də beynəlxalq hüquq normalarına uyğun davranıb, heç bir mülki şəhər və ya infrastruktur obyekti hədəf olaraq seçilməyib”.

Rayon təşkilatının sədrinin fikrincə, Vətən müharibəsində düşmən, eləcə də onun havadarları, bütün dünya dövlətimizin, xalqımızın və ordumuzun həmrəyliyini və qüdrətini gördü. Düşmən və onun havadarları anladı ki, Azərbaycan dövlətinin və xalqının iradəsini heç bir qüvvə sındıra bilməz. Vətən müharibəsində əldə olunmuş qələbə üçün canını fəda etmiş, bizlərə bu sevinci yaşadan qəhrəman övladlarımızın əziz xatirəsini ehtiramla və minnətdarlıqla anırıq: “Tarixi zəfərimizin dövlət səviyyəsində qeyd edilməsi məqsədilə dövlət başçısı, müzəffər Ali Baş Komandan İlham Əliyevin 2020-ci il dekabrın 3-də imzaladığı "Azərbaycan Respublikasında Zəfər Gününün təsis edilməsi haqqında" Sərəncamı ilə 8 noyabr – Şuşa şəhərimizin işğaldan azad olunduğu gün hər il ölkəmizdə Zəfər Günü kimi yüksək səviyyədə qeyd edilir. Sərəncamda da qeyd edildiyi kimi, Azərbaycan xalqının əzmi və iradəsi, iqtisadi gücü, müasir ordu quruculuğu və xalq-iqtidar birliyi ölkəmizin İkinci Qarabağ müharibəsindəki qələbəsini təmin edən mühüm amillər oldu. Prezident İlham Əliyevin bu qələbəni qeyd etmək üçün xüsusi bayram gününün təsis edilməsi barədə sərəncam imzalaması isə tariximizə dərin hörmət və şəhidlərimizə ehtiram hissindən qaynaqlanır”.

Paylaş:

Baxılıb: 648 dəfə