Azərbaycanın enerji siyasəti sülhə və əməkdaşlığa əsaslanır

Bakı:

24 °C

55 %

3 m/s

Əlaqə

AZ RU EN

Ana səhifə / YAP xəbərləri / Azərbaycanın enerji siyasəti sülhə və əməkdaşlığa əsaslanır

Azərbaycanın enerji siyasəti sülhə və əməkdaşlığa əsaslanır

07.03.2024 [11:25]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Azərbaycanın sülhə və əməkdaşlığa əsaslanmış enerji siyasəti regionda sabitliyin, təhlükəsiz, davamlı inkişafın təmin olunmasına xidmət edir. Qərb-Şərq, Şimal-Cənub birləşdirici logistik dəhlizlər üzrə çoxsaylı vacib layihələri həyata keçirməsi, yeni çağırışlara əsaslanan enerji siyasətinə olan sadiqliyi dünya dövlətlərinin Azərbaycana olan marağını artırmaqdadır. Qalib ölkənizin Müzəffər Prezidenti cənab İlham Əliyev Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclasları zamanı “Euronews” televiziyasına verdiyi müsahibəsində Azərbaycanın sülhə və əməkdaşlığa əsaslanmış enerji siyasətinin əhəmiyyətindən, ölkəmizin bu günün real hadisələrindən, ölkəmizin dayanıqlı enerjinin gələcəyindən ətraflı bəhs edib.

Azərbaycanda bərpa olunan enerji mənbələrindən istifadə hər zaman diqqət mərkəzində olub. Ölkəmiz bu gün nəinki xam neft, neft məhsulları və təbii qaz, eyni zamanda, elektrik enerjisinin böyük istehsalçısı və ixracatçısıdır.

Çox maraqla qarşılanan “Euronews” televiziyasına verdiyi müsahibədə dövlətimizin başçısı Azərbaycanın davamlı inkişafını, postmünaqişə dövrünün reallıqlarının dünya ictimaiyyətinə çatdırmaqda növbəti addım oldu.

Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclasında Prezident İlham Əliyevin çıxışı zamanı qeyd etdiyi kimi, “Bizim sözümüz imzamız qədər dəyərlidir. Əminəm ki, qarşımıza qoyduğumuz bütün planlar həyata keçiriləcəkdir”.

Zəfərdə də, quruculuqda da, dünyanı heyran edən layihələri gerçəkləşdirən Azərbaycan Prezident İlham Əliyevin qeyd etdiyi kimi nefti inkişafa çevirdi, sərvətin ədalətli paylanmasını təmin etməyə nail oldu. Son 20 ildə yoxsulluğun səviyyəsini 50 faizdən 5 faizə endirdi.

Bu gün beynəlxalq aləmdə sabit ölkə və etibarlı tərəfdaş kimi tanınan müstəqil Azərbaycan ölkə Prezidenti cənab İlham Əliyevin rəhbərliyi ilə istər regional, istərsə də beynəlxalq əməkdaşlıq kontekstində çox mühüm tərəfdaş kimi çıxış edir. Dünyanın inkişaf etmiş dövlətləri qarşılıqlı etimada və milli maraqlara əsaslanan müstəqil siyasət həyata keçirən Azərbaycanla dostluq, əməkdaşlıq əlaqələri qururlar.

Dövlət Başçısı nəinki müsahibələrində, eləcə də ən mötəbər tribunalarda səsləndirdiyi fikirlərində daim Azərbaycanın regionda təhlükəsizliyin, əməkdaşlığın, rifahın təmin edilməsi təşəbbüsləri ilə çıxış etdiyini bütün dünyaya çatdırır. Azərbaycan Prezidenti, Qalib Lider cənab İlham Əliyev tərəfindən həyata keçirilən düzgün, məqsədyönlü siyasət regionun ümumi tərəqqisinə, sabitliyin bərqərar olmasına mühüm töhfələr verir. Dünya dövlətlərinin yekdil qərarı ilə bu il COP29-a ev sahibliyinin Azərbaycana həvalə edilməsi də öz növbəsində ölkəmizin həyata keçirdiyi enerji layihələrinə, ümumilikdə enerji siyasətinə yer kürəsində verilən qiymətin bariz göstəricisidir.

Paylaş:

Baxılıb: 492 dəfə