Heydər Əliyev
yeni azerbaycan logo

Ana səhifə / Xəbər lenti / Mütəxəssis: Fermerlər Avropa istehsalı olan texnikalara üstünlük verirlər

Mütəxəssis: Fermerlər Avropa istehsalı olan texnikalara üstünlük verirlər

11.05.2024 [10:45]

Ölkəmizdə  kənd təsərrüfatı sahəsində texniki vasitələrin çatışmazlıqları yerli təchizatçı şirkətlərin hesabına xaricdən idxal olunmaqla həyata keçirilir. 

Kənd Təsərrüfatı üzrə mütəxəssis Nicat Quluzadə "Yeni Azərbaycan" - a açıqlamasında bildirir ki, ölkəmizdə kənd təsərrüfatı sahəsində suvarma sistemlərində, otbiçən, ottoplayan, gübrəsəpən, toxumsəpən, Diski-mala, Riper, yemüyüdən, yemqarışdıran və s  maşınlarda  çatışmazlıqlar müşahidə olunur: "Amma onları da əsasən qonşu ölkələrdən idxal edirlər. Bundan əlavə heyvandarlıqda istifadə olunan alətlər, bağçılıq alətlərində də çatışmazlıqlar var.  Gəncə şəhərində traktorlar istehsal olunsa da, bəzi fermerlər Avropa istehsalı olan texnikaları da almaqda maraqlı görünür. Bu traktorlar yerli istehsal olunan analoqundan bir sıra xüsusiyyətinə görə üstündür. Dövlət bu kimi texnikaları ölkəyə gətirərkən həm 18%-lik ƏDV-dən, həm də gömrük rüsumundan azad edib. Bundan əlavə də ölkəyə gətirilən kənd təsərrüfatı texnikasına görə fermerlər AKİA-dan (Aqrar Kredit İnkişaf Agentliyindən) 40% dövlət subsidiyasını geri ala bilir. Fermer üçün yeganə şərt həmin vəsaiti tapıb bu texnikaları almaqdır. Yerli istehsal və xaricdən idxal sayəsində ölkəmiz kənd təsərrüfatı sahəsində texniki vasitələr ilə təmin olunur".

N. Quluzadə açıqlamasında qeyd edib ki, ümumilikdə ölkədə olan yerli və xarici texniki avadanlıqların istismarı zamanı müəyyən qaydalara əməl etmək lazımdır: "Əsas problem yerli texniki heyətin yetəri səviyyədə təhsilli olmamasıdır. Əksər texniki işçilər praktiki təlimlər keçməklə müəyyən yeni peşələrə sahib olublar. Bu da özlüyündə müəyyən çətinliklər yaradır. Müasir suvarma sistemləri dedikdə avtomatik damlama-sulama sistemləri, PİVOT və TAMBURLU suvarma avadanlıqları nəzərdə tutulur. Bu avadanlıqlar isə xüsusi təlimlər keçməyi tələb edir".

Mütəxəssisin sözlərinə görə ölkəmizə suvarma sistemlərini əsasən bizə yaxın ölkə olan Türkiyədən idxal edilir: "Suvarma sistemi özlüyündə bir neçə qrupa bölünür. Avtomatik idarəetməli damlama-sulama avadanlıqlarının demək olar ki, 90%-i Türkiyədən idxal olunur. İdxal olunan ölkələr sırasında da  qismən  də olsa Çin və İran da var. Pivot sulama avadanlıqları əsasən ABŞ, Fransa, Kanada, Türkiyədən idxal olunur. Qeyd edim ki, ABŞ bu sahədə liderliyini qoruyur.  Tamburlu sulama avadanlıqları isə İtaliya və Türkiyədən idxal olunur. Biz də öz növbəsində  müraciət edən fermerlərə bu sahədə hər cür dəstəyi verir, onların əsas tələbinə uyğun düzgün suvarma sistemlərinin seçilməsində köməklik edirik".

Havar Şəfiyeva

Paylaş:
Baxılıb: 108 dəfə

Xəbər lenti

Hamısına bax

Ədəbiyyat

Mədəniyyət

Siyasət

Siyasət

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31