Heydər Əliyev
yeni azerbaycan logo

Ana səhifə / Xəbər lenti / Bakıda "MADE IN UZBEKISTAN" sərgisi

Bakıda "MADE IN UZBEKISTAN" sərgisi

10.12.2021 [14:51]

Yaxın günlərdə Bakıda Özbəkistan məhsullarının sərgisinə start veriləcək.  yeniazerbaycan.com Özbəkistan Respublikasının Azərbaycandakı səfirliyinə istinadən xəbər verir ki,  15-17 dekabr 2021-ci il tarixlərində “Baku Marriott Hotel Boulevard” mehmanxanasında Özbəkistan məhsullarının “MADE IN UZBEKISTAN” universal sərgisinin rəsmi açılışı olacaq.

Xəbərdə qeyd edilir ki, Özbəkistan Respublikasının İnvestisiya və Xarici Ticarət Nazirliyi yanında İxracın Təşviqi Agentliyi Özbəkistan Respublikasının Azərbaycandakı səfirliyinin yardımı ilə ənənəvi olaraq “Made in Uzbekistan” brendi altında milli pavilyon təşkil edir.

Pavilyonda tekstil, dəri və ayaqqabı, qida, kimya, elektrik, əczaçılıq, metallurgiya, tikinti, mebel və maşınqayırma sənayesi istehsalçıları olan 80-dən çox Özbəkistan şirkəti iştirak edəcək. Bununla yanaşı, özbək xalqının şərabçılıq mədəniyyəti, turizm potensialı və xalq tətbiqi sənəti təqdim olunacaq.

Sərginin əsas məqsədi Özbəkistanın istehsal potensialı ilə geniş tanışlıq, Özbəkistan məhsullarının təbliği, Özbəkistan və Azərbaycan işgüzar dairələri arasında əlaqələrin qurulması və inkişaf etdirilməsidir.

İştirakçıların qarşıya qoyduğu tapşırıqların səmərəli icrası üçün sərgi çərçivəsində işgüzar görüşlər, təqdimatlar, mətbuat konfransları və digər tədbirlər keçiriləcək.

Eyni zamanda, Azərbaycanın biznes ictimaiyyətinin nümayəndələri dekabrın 16-da saat 10:30-da başlayacaq B2B formatında işgüzar görüşlərə dəvət olunublar. Sərgiyə giriş və B2B görüşlərdə iştirak ödənişsizdir.

Paylaş
Baxılıb: 168 dəfə

Xəbər lenti

Hamısına bax

İqtisadiyyat

İqtisadiyyat

Siyasət

Xəbər lenti

Xəbər lenti

Xəbər lenti

Xəbər lenti

Müsahibə

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31