“Tərtər işi” ilə bağlı proses davam edir

Bakı:

9 °C

87 %

1 m/s

Əlaqə

AZ RU EN

Ana səhifə / Xəbər lenti / “Tərtər işi” ilə bağlı proses davam edir

“Tərtər işi” ilə bağlı proses davam edir

21.04.2022 [10:00]

28 yaşlı Elçin Quliyev ölümündən sonra bəraət aldı

SADİQ

“Tərtər işi” ilə bağlı cinayət işinin istintaqı zamanı üzə çıxan yeni detallarla əlaqədar daha bir neçə şəxs həbs edilib. KİV-in yaydığı məlumata görə, yenidən həbs edilənlər arasında daha öncə də bu işə görə azadlıqdan məhrum edilmiş şəxslər var ki, onlar cəzalarını tam çəkməmiş azadlığa çıxmışdılar. Daha öncə həbs həyatı yaşamış şəxslər - gizirlər Polad Əzizov, Elçin Əliyev və Sənan Maşıyev, baş gizir Cabir Qəhrəmanov və leytenant Ruslan Mikayılovdur.

Qeyd edək ki, bu cinayət işi özündə Müdafiə Nazirliyinin Tərtər, Ağdam, Beyləqan rayonları istiqamətində yerləşən hərbi hissələrində xidmət edən bəzi hərbi qulluqçuların qanunazidd əməllərini ehtiva etməkdədir. 2017-ci ilin may-iyun ayları ərzində həmin bölmələrin və digər hərbi hissələrin bir qrup hərbi qulluqçusu cinayət-prosessual qanunvericiliyin tələblərinə zidd olaraq müvafiq səlahiyyətlərə malik olmadıqları halda qanunsuzluqlar törətməkdə şübhəli hesab etdikləri şəxsləri sorğulama prosesinə cəlb edib. Sorğulamaya cəlb olunan şəxslərə fiziki və psixi zor tətbiq etməklə zərərçəkmiş şəxslərin ölümünə və digər ağır nəticələrə səbəb olan işgəncəyə, qeyri-insani və ləyaqəti alçaldan rəftara məruz qoymaları faktları ilə əlaqədar cinayət işi aparılmaqdadır. Cinayət işi üzrə icraat təzələnib və Baş prokurorun birinci müavini tərəfindən prosessual rəhbərliyi həyata keçirilən istintaq qrupu tərəfindən 16 dekabr 2021-ci il tarixdən bütün istiqamətlər üzrə yeni intensiv istintaq hərəkətləri aparılır.

Vurğulayaq ki, ilkin mərhələdə Məhkəmənin hökmünə əsasən, Cinayət Məcəlləsinin müxtəlif maddələri ilə ittiham olunan 22 nəfər barəsində 5 ildən 20 ilə qədər müddətə azadlıqdan məhrumetmə cəzaları çıxarılıb. Hökm, 1-ci mərhələdə 11 nəfər, 2-ci mərhələdə 7 nəfər, 3-cü mərhələdə 4 nəfər olmaqla 3-lü mərhələ şəklində çıxarılıb.

Yayılan məlumatlara görə, Tərtər işində Azərbaycan Silahlı Qüvvələrinin bir neçə əsgər və zabitinə işgəncə verilib, 25 nəfər uzunmüddətli həbs cəzası alıb və 12 nəfər işgəncədən dünyasını dəyişib.

Baş Prokurorluğun bununla bağlı yaydığı son məlumatda isə bildirilib ki, əvvəllər dövlətə xəyanət ittihamı ilə barələrində cinayət təqibi aparılmış, lakin sonradan bu hal öz təsdiqini tapmamaqla, hərbi xidmət əleyhinə olan cinayətlərə görə məhkum olunmuş 16 şəxs barəsində 16 cinayət işi üzrə verilmiş apellyasiya protestləri təmin edilib. Bununla yanaşı, əvvəllər dövlətə xəyanət ittihamı ilə barələrində cinayət təqibi aparılıb, lakin sonradan bu hal öz təsdiqini tapmamaqla digər cinayətlərə görə məhkum olunmuş daha 10 şəxs barəsində 10 cinayət işi üzrə müəyyən prosessual pozuntulara yol verilməsi halları aşkar edilib. Həmin işlər üzrə yekun məhkəmə qərarları ləğv edilərək ibtidai araşdırmaya qaytarılıb. Eyni zamanda, Tərtər hadisələri zamanı ölən mərhum Quliyev Elçin Mətləb oğlu ilə əlaqədar bütün xüsusatlar tam, hərtərəfli və obyektiv araşdırılaraq onun əməlində hər hansı cinayət tərkibi müəyyən edilməyib.

Barəsindəki cinayət təqibinə bəraətverici əsaslarla xitam verilib. 28 yaşlı Elçin Quliyev Tərtərdə N saylı hərbi hissənin 2-ci taborunun maddi-texniki təminat taqımının müddətdən artıq həqiqi hərbi xidmət qulluqçusu olub. Bildirilir ki, 2017-ci il may ayının 6-da 10 nəfər hərbçinin keçirdiyi sorğuda MAXE Quliyev ağır fiziki və psixoloji işgəncələrə məruz qalaraq ölüb. Tərtər hadisələri ilə bağlı təqsirləndirilən şəxs qismində tanınmış, lakin öldüyünə görə cinayət işinə bəraətverici əsaslar olmadan xitam verilib.

Paylaş:

Baxılıb: 616 dəfə