Heydər Əliyev yeni azerbaycan logo

Ana səhifə / Xəbər lenti / “Mən dəyərəm min cavana” tamaşası növbəti dəfə səhnədə

“Mən dəyərəm min cavana” tamaşası növbəti dəfə səhnədə

17.05.2022 [10:46]

MÜŞFİQƏ

Azərbaycan Dövlət Akademik Musiqili Teatrında mayın 15-də Xalq artisti Faiq Sücəddinov və yazıçı-dramaturq Tamara Vəliyevanın “Mən dəyərəm min cavana” iki hissəli musiqili komediyası nümayiş olunub.

Xatırladaq ki, tamaşa illər öncə görkəmli teatr və kino aktyoru, “Şöhrət” ordenli Xalq artisti Hacıbaba Bağırovun sağlığında onun 75 illik yubileyi münasibətilə hazırlanmışdı. Lakin tamaşanın premyerasından 1 il öncə - 2006-cı ildə böyük sənətkarın 74 yaşında qəfil dünyasını dəyişməsi bütün planları dəyişir və 2007-ci ildə “Mən dəyərəm min cavana” onu sevənlərə bir təskinlik kimi təqdim olunur.

Gözlənilməz və maraqlı situasiyalarla zəngin səhnə əsərinin ilk nümayişindən illər keçsə də, yenə də öz aktuallığını itirmir və çox böyük maraqla baxılır.

Rollarda Xalq artisti, “Şöhrət” ordenli İlham Namiq Kamal, Əməkdar artistlər Ələkbər Əliyev, Əkbər Əlizadə, Nərgiz Kərimova, Səidə Şərifəliyeva, aktyorlar Elxan İsmayılov, Ülviyyə Əliyeva, Gülçöhrə Abdullayeva, Səmədzadə Xasiyev, Rəsmiyyə Nurməmmədova, Ruslan Mürsəlov, Türkel Tariqpeyma yer alıblar.

Zalda canlı orkestrin müşayiəti ilə səslənən musiqi, yüksək zövqlə səhnələşdirilən tamaşa üçün qurulan rəngarəng dekorasiyalar, öz sehrinə salan işıqlar, rəqslər, aktyorların geyimləri böyük maraqla qarşılandı. Tamaşaçılarla dolu olan zal işinin öhdəsindən məharətlə gələn peşəkar sənətçiləri uzun müddət ayaq üstə alqışladı.

Paylaş:
Baxılıb: 125 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Mədəniyyət

Xəbər lenti

Xarici siyasət

MEDİA

Üzü Qarabağa...

24 İyun 10:13

İqtisadiyyat

Prezident bu gün

Prezident bu gün

24 İyun 10:00

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30