Heydər Əliyev
yeni azerbaycan logo

Ana səhifə / Xəbər lenti / Dünya mətbuatının gündəmi olmalı...

Dünya mətbuatının gündəmi olmalı...

25.01.2023 [11:00]

Türkiyəli professor: Qərbi azərbaycanlıların mövzusu kölgədə qalmamalıdır

“İndiki Ermənistan, yəni keçmişdə Qərbi Azərbaycandan olan Azərbaycan türklərinin öz vətənlərinə qayıtması mövzusu təəssüf ki, beynəlxalq miqyasda çox da səslənmir. Hesab edirəm ki, bu mövzu Türkiyə də daxil olmaqla dünya mətbuatının gündəminə gətirilməlidir.”

Ankara Hacı Bayram Vəli Universitetinin müəllimi, “Haber Türk” telekanalının mütəxəssisi, professor Mehmet Şahin “Yeni Azərbaycan”ın Türkiyə təmsilçisinə bu fikirləri bildirib.

Professor deyib ki, Azərbaycan Qarabağ mövzusunu beynəlxalq aləmdə tanıtdığı kimi, Qərbi azərbaycanlıların öz doğma vətənlərində yaşama hüququ ilə bağlı da aktiv fəaliyyətdə olmalıdır: “Qarabağ mövzusuna Azərbaycan diasporu çox yaxşı sahiblənib, zamanla Xocalı qətliamı, 20 Yanvar mövzusu çox səsləndi, hələ də davam edir. Mənim fikrimcə, Qərbi azərbaycanlılar mövzusu, digər mövzuların kölgəsində qalır.  Bu mövzunun sadəcə Azərbaycanda gündəmə gəlməsi yetərli deyil. Həm Ermənistanın təcavüzkar siyasətini, xüsusilə “türksüz Ermənistan” siyasətinin dünya gündəminə gətirilməsi üçün bu mövzuda mütəmadi olaraq fərqli-fərqli dillərdə, xüsusilə ingilis dilində toplantılar edilməsində və bunun sadəcə Azərbaycanda deyil, dünyanın fərqli yerlərində gündəmə gətirilməsində böyük fayda var. Bu məsələ Türkiyə gündəmində də çox aktiv olmalıdır.”

Mehmet Şahin onu da qeyd edib ki, Azərbaycan həm dövlət olaraq, həm də bu ölkənin maddi-mənəvi zərərə məruz qalan məcburi köçkünləri, qaçqınları olaraq Ermənistandan təzminat alma tələbini beynəlxalq aləmdə gündəmə  gətirməlidir: “Bütün dünya bilməlidir ki, Ermənstan sadəcə Qarabağ mövzusunda problem yaratmır, başqa köklü, illərlə toplanıb qalmış, həllini tapmalı olan problemlər də var ki, həllini gözləyir. Ermənistan təxribatları üzündən öz tarixi dədə-baba torpaqlarından didərgin olan insanlar vətənlərinə qayıda bilmirlər. Ermənistan illərlə Azərbaycana və insanlarına  vurduğu maddi-mənəvi zərərlərin haqqını ödəməlidir. Azərbaycan dövlət olaraq, xalq olaraq beynəlxalq hüququn tələbləri çərçivəsində bu haqqını tələb etməli, bu mövzu beynəlxalq aləmdə geniş şəkildə təbliğ olunmalıdır. Dünya hələ də özünü fitnə-fəsad yuvasına çevirən Ermənistanı kifayət qədər tanımır”.

Sevil Hilalqızı Ünal,

Ankara

Paylaş:
Baxılıb: 57 dəfə

Xəbər lenti

Hamısına bax

İqtisadiyyat

Xəbər lenti

Xəbər lenti

Siyasət

Xəbər lenti

Sosial

Siyasət

Analitik

Bayram, yoxsa matəm?

28 Yanvar 10:27

Xəbər lenti

Dünya

Arxiv
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31