Türkiyə bütün dünyaya lazımdır

Bakı:

22 °C

68 %

6 m/s

Əlaqə

AZ RU EN

Ana səhifə / Xəbər lenti / Türkiyə bütün dünyaya lazımdır

Türkiyə bütün dünyaya lazımdır

05.05.2023 [11:27]

Türkiyədə baş verən bütün siyasi proseslər, eyni zamanda, onun iqtisadi inkişafı Azərbaycan üçün çox mühüm əhəmiyyət kəsb edən amildir. Çünki biz strateji partnyoruq və birmənalı şəkildə bir millət, iki dövlət prinsipindən çıxış edirik. Son teknofest festivalında da Azərbaycan Prezidenti İlham Əliyev bir millət iki dövlət prinsipi ilə yanaşı, bir yumruq məsələsini də qeyd etdi. Bu gün biz Türkiyə ilə bir yerdə olan qardaş, eyni zamanda, xarici siyasətdə ümumi maraqlardan başqa dostluq, qardaşlıq münasibəti olan bir dövlətik. Burada baş verən istənilən proses mütləq şəkildə Azərbaycandan da yan ötmür. Bu mənada qardaş ölkədə seçki ərəfəsində həyata keçən proseslərin şərhinə davam edirik...

Milli Məclisin Azərbaycan-Türkiyə parlamentlərarası işçi qrupunun üzvü Arzu Nağıyev “Yeni Azərbaycan”a açıqlamasında bildirib ki, birinci Qarabağ müharibəsi zamanında Türkiyə kimi güclü bir dövlət bizim yanımızda olsaydı, problem bu qədər uzanmazdı: “Biz bunu Vətən müharibəsində hiss etdik ki, yanımızda Türkiyə kimi ciddi, döyüşkən, eyni zamanda, tam şəkildə dəstək verən dostumuz, qardaşımız var. Əsas məqam da ondan ibarətdir ki, istər Bosniya hadisələrində, istər Herseqovinada, istərsə də müxtəlif istiqamətlərdə müsəlman dövlətlərinin yanında NATO-nun üzvü olan Türkiyə kimi bir dövlət olsaydı, düşünürəm ki, çox böyük acınacaqlı faciələrdən qaçmaq olardı. Bu gün Türkiyədə baş verən hadisələr, Türkiyənin gələcəyi, seçkiləri bizim üçün çox böyük önəm daşıyır. Rəcəb Tayyib Ərdoğanın prezidentliyi dövründə Azərbaycan Türkiyə münasibətləri istər parlamentlər, istərsə də dövlət başçılarının şəxsi münasibətləri səviyyəsində ən yüksək nöqtədədir. Gələcəkdə yüksək tribunalardan Azərbaycanın, eyni zamanda, Türkiyənin sözünü demək üçün bizim dostluğumuz vacibdir və bu siyasət davam etdirilməlidir. Ona görə də, bu seçkilər həm Azərbaycan, həm Türkiyə, həm də gələcək dünya düzəni üçün çox mühüm əhəmiyyət kəsb edir. Tək regional məsələlər deyil, beynəlxalq səviyyədə də güc bu gün beynəlxalq hüququ üstələyib. Ona görə də, güclü bir dostun, tərəfdaşın olması çox önəmlidir. Bu da seçkilərdən asılı olan məsələdir. Düşünürəm ki, Türkiyə də bu məsələyə böyük önəm verir və məhz dostluq qrupunun bir üzvü kimi çox istərdim ki, bu siyasət bundan sonra da davam etdirilsin”.

Deputat qeyd edib ki, Türkiyənin son 20 ildə istər hərbi cəhətdən, istər iqtisadi cəhətdən, istərsə də texnoloji cəhətdən inkişafına nəzər salsaq, görərik ki, bu çətin və şərəfli işdən məhz Türkiyə dövləti çox üzüağ çıxdı: “Bu gün də onun istər hərbi hava qüvvələri, istər silah-sursatla, istərsə də intellektual səviyyəli məhsullarla əlaqədar tətbiq etdiyi texnologiyalar bütün dünyaya lazımdır. Bu çox mühüm amil olmaqla yanaşı, həm də dünyada sülhün bərqərar olmasında çox böyük töhfələr verir”.

Günel ABBASOVA

Paylaş:

Baxılıb: 599 dəfə