Keçmiş səfirdən Ermənistan hakimiyyətinə çağırış: “Paşinyanı siyasi arenaya dəvət edirəm”

Bakı:

18 °C

94 %

1 m/s

Əlaqə

AZ RU EN

Ana səhifə / Xəbər lenti / Keçmiş səfirdən Ermənistan hakimiyyətinə çağırış: “Paşinyanı siyasi arenaya dəvət edirəm”

Keçmiş səfirdən Ermənistan hakimiyyətinə çağırış: “Paşinyanı siyasi arenaya dəvət edirəm”

02.09.2023 [10:15]

Aysu ABBASOVA

“Ermənistanın baş naziri Nikol Paşinyanı siyasi arenaya qayıtmağa dəvət edirəm. Çünki Paşinyan həm hazırkı davranışları ilə vaxt qazanmağa çalışır, həm də bir müddətdir oynadığı oyunlarla sülh prosesini uzatmağa davam edir”.

Bu fikirləri yeniazerbaycan.com-a açıqlamasında Türkiyənin ölkəmizdəki keçmiş səfiri, "İMZA" Sosial İnkişafa Dəstək İctimai Birliyinin Türkiyə təmsilçisi Hulusi Kılıç deyib.

O qeyd edib ki, artıq oyun bitib və Laçındakı şou getdikcə gülünc hal almaqdadır, eləcə də bu şounun izləyicisi azalmaqdadır: “Birləşmiş Millətlər Təşkilatının Təhlükəsizlik Şurasınında biabır olan Ermənistan diasporu, diplomatiyası yeni oyunlar axtarışındadır. Erməni diasporu Azərbaycanda heç bir etibarı olmayan Fransa prezidenti Makronun izi ilə gedir. 10 TIR-dan ibarət yardım ləvazimatını Azərbaycan torpağı olan Qarabağa göndərməyə çalışır. Sual yaranır. Azərbaycandan icazə almadan 10 TIR-ı necə göndərə bilərsən?! Azərbaycan bölgədə söz sahibi olan, suveren bir dövlətdir. Bu mənada torpaqlarının necə idarə olunacağına Azərbaycan qərar verir. Azərbaycan humanist bir ölkədir və Laçın-Ağdam yolunu açaraq lazımlı yardımı etməkdədir. Xankəndidə yaşayan ermənilərin ac olduğunu iddia edirlər. Onlar ac olsalar, Azərbaycanın göndərdiyi 40 ton unu qəbul edərdilər. Belə çıxır ki, aclıq məsələsi sadəcə bir oyundan ibarətdir və Qarabağda yaşayan ermənilər də siyasi oyuncaq kimi istifadə edilir.

Qarabağda yaşayan ermənilər Azərbaycan vətəndaşıdırlar. Mən Qarabağda yaşayan ermənilərə təkrar səslənirəm, böyükləriniz, sizi idarə edənlər rahatlıq içində yaşayarkən siz onların oyuncağı olursunuz və əziyyət çəkirsiniz. Ona görə də tez bir zamanda Azərbaycana yaxınlaşın və bu oyunlar bitsin. Çünki bu oyunun qazananı yoxdur. Ermənistan rəhbərliyinə təkrar səslənmək istəyirəm - 10 noyabr üçtərəfli Bəyanatı 3 ölkə arasında həyata keçirilməkdədir. Ancaq siz ABŞ-dan, Fransadan, Brüsseldən dəstək gözləyirsiniz. Bununla da tərəflərin sayını artırırsınız. Buna gərək yoxdur. Çünki Azərbaycan tez bir zamanda bölgədə əmin-amanlıq olması üçün sülh əlini uzatdı. Azərbaycanla Ermənistan sülh sazişi imzalasa, Türkiyə ilə Ermənistan arasındakı əlaqələr də normallaşacaq. Artıq Ermənistana heç bir xeyri olmayan diaspor Ermənistan üzərindən əlini çəksin. Çünki bu, Ermənistana zərər verir. Siyasi oyunlar bitsin və bölgədə sülh, yaxın qonşuluq olsun. Biz heç bir xalqa düşmən deyilik. Türkiyə hər zaman Azərbaycanın yanında olacaqdır”.

Paylaş:

Baxılıb: 805 dəfə