Heydər Əliyev
yeni azerbaycan logo

Ana səhifə / Xəbər lenti / MSK-da Belarus və Rusiya İttifaqının Parlament Assambleyasının nümayəndə heyəti ilə görüş keçirilib

MSK-da Belarus və Rusiya İttifaqının Parlament Assambleyasının nümayəndə heyəti ilə görüş keçirilib

06.02.2024 [11:12]

Mərkəzi Seçki Komissiyasının (MSK) sədri Məzahir Pənahov 2024-cü il fevralın 7-də keçiriləcək növbədənkənar Azərbaycan Respublikası Prezidenti seçkilərini izləmək üçün ölkəmizdə səfərdə olan Belarus və Rusiya İttifaqının Parlament Assambleyasının nümayəndə heyəti ilə görüşüb. Secki-2024.az saytı xəbər verir ki, MSK sədri Məzahir Pənahov görüşdən məmnunluğunu ifadə edib və prezident seçkiləri ilə əlaqədar görülmüş işlər barədə qonaqlara geniş məlumat verib.

Məzahir Pənahov seçkilərdə aşkarlığın və şəffaflığın təmin olunmasında müşahidəçilik institutunun mühüm rol oynadığını bildirib: “MSK beynəlxalq təşkilatlarla əməkdaşlığa daim xüsusi əhəmiyyət verir”.

O, beynəlxalq müşahidəçilərin Azərbaycanda keçirilən seçkilərə böyük maraq göstərməsini yüksək qiymətləndirib.

MSK sədri bildirib ki, dünyanın bir sıra nüfuzlu beynəlxalq media orqanları bu seçkilərdə iştirak etmək üçün müvafiq qaydada müraciət edib: “Onların seçki prosesini sərbəst izləməsi üçün bütün lazımi addımlar atılıb. ABŞ-dən “Associated Press”, Yaponiyada “Kyodo News”, “Nikkei”, Almaniyadan “ZDF Televsiyası”, İtaliyadan “La Repubblica”, Türkiyədən “Anadolu Ajansı”, “TRT”, “İhlas Haber Ajansı”, Rusiyadan “Rossiya 24”, “RTR”, “TASS”, “İzvestiya” və s. kimi hətta adını sadalamadığım mühüm xəbər mərkəzləri prosesə qoşulacaq. Bütün bu sadaladığım faktlar beynəlxalq aləmin qarşıdan gələn seçkilərə olan marağını bir daha nümayiş etdirir”.

Belarus və Rusiya İttifaqı Parlament Assambleyasının büdcə, vergilər və maliyyə bazarı üzrə Komissiyasının sədri Viktor Seliverstov da öz növbəsində dəvətə görə təşəkkürünü ifadə edərək Azərbaycanda olmaqdan, seçkiləri müşahidə etməkdən məmnunluğunu ifadə edərək fevralın 7-də keçiriləcək prezident seçkilərinin yüksək səviyyədə keçirilməsi üçün müvafiq şəraitin yaradıldığını diqqətə çatdırıb.  

Paylaş:
Baxılıb: 141 dəfə

Xəbər lenti

Hamısına bax

Xəbər lenti

Xəbər lenti

İqtisadiyyat

Xəbər lenti

Xəbər lenti

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31