“Əli Əhmədov Ümummilli liderimiz Heydər Əliyevin ən uğurlu kadr seçimlərindən biridir”

Bakı:

4 °C

60 %

9 m/s

Əlaqə

AZ RU EN

Ana səhifə / Daxili siyasət / “Əli Əhmədov Ümummilli liderimiz Heydər Əliyevin ən uğurlu kadr seçimlərindən biridir”

“Əli Əhmədov Ümummilli liderimiz Heydər Əliyevin ən uğurlu kadr seçimlərindən biridir”

09.10.2012 [01:36]

Kərim Kərimov: Gülər Əhmədovaya havadar çıxan məmurlara xəbərdarlıq edirəm ki, belə hərəkət etməsinlər, onu himayə etməkdən çəkinsinlər
Son günlər fəaliyyəti qadağan edilmiş Azərbaycan Beynəlxalq Universitetinin sabiq rektoru Elşad Abdullayevlə eks millət vəkili Gülər Əhmədova arasında məlum videogörüntü məsələsi gündəmin əsas müzakirə predmetlərindən birinə çevrilib. Vurğulamaq yerinə düşər ki, artıq hüquq-mühafizə orqanları məsələ ilə bağlı istintaq işi başladıb və araşdırmalar aparılır. Qeyd edək ki, bu video kadrlar ictimaiyyət tərəfindən heç də birmənalı qarşılanmadı və cəmiyyətin tanınmış simaları, dövlət rəsmiləri bu dələduzluq hadisəsi ilə bağlı açıqlamalar verdilər. Maraqlıdır ki, bu açıqlamalardan sonra həmin kadrlarda əks olunanlar şantaj yolunu seçərək bir sıra yersiz fikirləri ilə yenidən gündəmə gəlmək istəyir, bəzi insanlara şər-böhtan atırlar.
Məsələyə münasibət bildirən YAP İdarə Heyətinin üzvü Kərim Kərimov qəzetimizə açıqlamasında deyib ki, YAP-ın Sədr müavini-İcra katibi, millət vəkili Əli Əhmədov haqqında Gülər Əhmədovanın danışmağa mənəvi haqqı çatmır. K.Kərimov bildirib ki, YAP-ın İcra katibi Əli Əhmədov cəmiyyət tərəfindən tanınan, hörmət olunan, öz fəaliyyəti və dövlətçiliyimizə xidməti ilə seçilən insanlardandır. Bu baxımdan, Gülər Əhmədova kimilərinin yersiz açıqlamaları yalnız uğursuzluqla müşayiət oluna bilər: “Mən xüsusilə vurğulamaq istəyirəm ki, Əli Əhmədov Ümummilli liderimiz Heydər Əliyevin ən uğurlu kadr seçimlərindən biridir. Bir məqamı diqqətdən qaçırmaq olmaz ki, Ulu öndər Heydər Əliyev Azərbaycanın inkişafında xüsusi yeri olan Yeni Azərbaycan Partiyasına İcra katibi vəzifəsinə seçdiyi kadrı-Əli Əhmədovu 400 min nəfər partiya üzvünün içindən seçmişdi. Çünki millət vəkili Əli Əhmədov təsadüfi seçim deyildi. Ulu öndər Heydər Əliyevi Azərbaycana hakimiyyətə dəvət edən 91 nəfər vətənpərvər ziyalılarımızdan biridir”.
K.Kərimov bildirib ki, məhz Əli Əhmədov YAP İcra katibi vəzifəsinə seçildikdən sonra partiyada nizam-intizam, səliqə-səhman, mütəşəkkillik, birlik daha da gücləndirilib: “Əli Əhmədov kristal kimi təmiz insandır. Mənim Əli Əhmədovun şəxsiyyətinə, vətənpərvərliyinə, dövlət üçün xidmətlərinə, gözəl alimliyinə böyük hörmətim var. Gülər Əhmədova kimilərinin Əli Əhmədov haqqında belə açıqlamaları, tərbiyəsiz hərəkəti yolverilməzdir. Mən, eyni zamanda, Gülər Əhmədovaya havadar çıxan məmurlara xəbərdarlıq edirəm ki, belə hərəkət etməsinlər, onu himayə etməkdən çəkinsinlər. Çünki bu ayıbdır”.
Pərviz SADAYOĞLU

Paylaş:

Baxılıb: 1877 dəfə