Bakı Enerji Həftəsi Azərbaycanın qlobal enerji liderliyini bir daha təsdiqlədi

Bakı:

26 °C

48 %

3 m/s

Əlaqə

AZ RU EN

Ana səhifə / YAP xəbərləri / Bakı Enerji Həftəsi Azərbaycanın qlobal enerji liderliyini bir daha təsdiqlədi

Bakı Enerji Həftəsi Azərbaycanın qlobal enerji liderliyini bir daha təsdiqlədi

02.06.2026 [16:39]

Fəsli Nəbiyev

YAP Gənclər Birliyinin sədr müavini

İyunun 1-də Bakı Enerji Həftəsinin rəsmi açılış mərasimində çıxış edən Prezident İlham Əliyev Azərbaycanın son 30 ildə enerji sahəsində keçdiyi inkişaf yolunu, qlobal enerji təhlükəsizliyinə verdiyi töhfələri və gələcək strateji hədəflərini ətraflı şəkildə təqdim etdi. Dövlət başçısının çıxışı bir daha göstərdi ki, Azərbaycan bu gün yalnız enerji istehsalçısı deyil, həm də beynəlxalq enerji təhlükəsizliyinin formalaşmasında mühüm rol oynayan etibarlı tərəfdaşdır.

Prezident İlham Əliyev vurğulayıb ki, Azərbaycanın enerji uğurlarının əsası Ulu Öndər Heydər Əliyevin müəyyən etdiyi inkişaf strategiyası ilə qoyulub. 1994-cü ildə imzalanan “Əsrin müqaviləsi” ölkəmizin iqtisadi müstəqilliyinin möhkəmləndirilməsinə, xarici investisiyaların cəlb olunmasına və milli enerji sektorunun sürətli inkişafına geniş imkanlar açıb. Həmin dövrdə ağır siyasi və iqtisadi şəraitdə olan Azərbaycan enerji resurslarından düzgün istifadə etməklə qısa müddətdə regionun aparıcı dövlətinə çevrilə bilib.

Bu gün Azərbaycan qazı 16 ölkəyə ixrac olunur və onların 10-u Avropa İttifaqının üzvüdür. Bakı-Tbilisi-Ceyhan, TANAP və TAP kimi strateji layihələr ölkəmizin təşəbbüsü ilə reallaşdırılaraq Avrasiyanın enerji xəritəsini dəyişib. Azərbaycanın həyata keçirdiyi bu layihələr təkcə iqtisadi əhəmiyyət daşımır, eyni zamanda müxtəlif dövlətlər arasında əməkdaşlığın və qarşılıqlı etimadın möhkəmlənməsinə xidmət edir.

Dövlət başçısı çıxışında enerji siyasətinin yalnız karbohidrogen ehtiyatları ilə məhdudlaşmadığını da qeyd edib. Azərbaycan paralel olaraq yaşıl enerji sahəsində genişmiqyaslı layihələr həyata keçirir. Qarabağ və Şərqi Zəngəzurda formalaşdırılan yaşıl enerji zonaları, günəş və külək enerjisi layihələri ölkəmizin dayanıqlı inkişaf və enerji keçidi istiqamətində qətiyyətli addımlar atdığını nümayiş etdirir. Gələcək illərdə bərpaolunan enerji istehsalının əhəmiyyətli dərəcədə artırılması planlaşdırılır.

Prezident İlham Əliyev xüsusi olaraq vurğulayıb ki, Azərbaycanın bütün uğurlarının əsasında milli maraqlara söykənən müstəqil siyasət dayanır. Məhz bu siyasət nəticəsində ölkəmiz iqtisadi sabitliyini təmin edib, sosial rifahı yüksəldib, güclü ordu qurub və ərazi bütövlüyünü bərpa edib. Enerji sektorunda qazanılan nailiyyətlər isə Azərbaycanın beynəlxalq mövqeyinin daha da möhkəmlənməsinə xidmət edir.

Bakı Enerji Həftəsində səsləndirilən fikirlər bir daha təsdiqlədi ki, Azərbaycan qlobal enerji təhlükəsizliyinin etibarlı təminatçılarından biri kimi öz rolunu uğurla davam etdirir. Prezident İlham Əliyevin rəhbərliyi ilə həyata keçirilən enerji strategiyası ölkəmizin iqtisadi qüdrətinin, beynəlxalq nüfuzunun və davamlı inkişafının əsas sütunlarından biri olaraq qalır.

Paylaş:

Baxılıb: 380 dəfə