/ / Azərbaycandakı dini konfessiya rəhbərləri Böyük Britaniyanın Baş nazirinə müraciət ünvanlayıblar
Azərbaycandakı dini konfessiya rəhbərləri Böyük Britaniyanın Baş nazirinə müraciət ünvanlayıblar
25.03.2025 [13:33]
Azərbaycandakı dini konfessiya rəhbərləri Böyük Britaniya və Şimali İrlandiya Birləşmiş Krallığının Baş naziri Kir Starmerə müraciət ünvanlayıblar.
AZƏRTAC müraciəti təqdim edir:
-Hörmətli Baş nazir,
Müxtəlif dinlərə mənsub insanların tarixən birlikdə sülh və harmoniya şəraitində yaşadıqları Azərbaycanın dini liderləri olaraq, Birləşmiş Krallıqdakı və İrlandiyadakı erməni kilsəsinin Yeparxiyasının rəhbəri yepiskop Ovakim Manukyanın və Böyük Britaniyanın bir neçə bəzi din xadimi ilə birgə Sizə ünvanladığı və yanlışlıq yaradan son məktubla bağlı dərin narahatlığımızı bildirmək üçün Sizə müraciət edirik. Bölgəmizdəki siyasi hadisələrə din prizmasından baxaraq, bu məktub yanlış məlumatlar ehtiva edir və açıq şəkildə Ermənistanla Azərbaycan arasında mövcud sülh prosesini təhlükəyə atmaq səylərinin bir hissəsidir.
Ermənistanla Azərbaycan arasında münaqişənin yeganə səbəbi 30 ildən artıqdır ölkəmizin Qarabağ bölgəsinin Ermənistan tərəfindən işğalı olub. İndi Azərbaycan öz ərazilərini azad etdikdən, beynəlxalq səviyyədə tanınmış sərhədləri boyunca suverenliyini və ərazi bütövlüyünü bərpa etdikdən sonra münaqişə başa çatdı.
Hazırda Azərbaycanda məhkəmə qarşısına çıxan erməni vətəndaşlar “əsir” və ya “hərbi əsir” deyillər. 1991-2023-cü illərdə, eləcə də SSRİ-nin son illərində Ermənistanın Azərbaycana hərbi təcavüzü çərçivəsində azərbaycanlılara qarşı ağır hərbi cinayətlər törətdiklərinə dair çoxsaylı etibarlı və konkret sübutlar mövcuddur. BMT-nin Baş Assambleyası və Təhlükəsizlik Şurasının rəsmi sənədi kimi dərc edilmiş "Azərbaycan Respublikasının işğal olunmuş ərazilərində hərbi cinayətlər və Ermənistan Respublikasının məsuliyyəti haqqında" 2019-cu il üzrə hesabatda (a/74/676 – S/2020 / 90) ermənilərin işğal zamanı törətdikləri insanlıq əleyhinə cinayətlər haqqında ətraflı məlumat verilir: https://t.co/bSVDxuJYSZ
Bəzi şəxslərin əsassız iddialarına baxmayaraq, bu şəxslərin vəkil hüququ təmin olunur, heç vaxt hər hansı bir pis rəftardan şikayət etməyiblər və məhkəmə prosesləri şəffaf şəkildə aparılır. Bu yaxınlarda - martın 13-də BMT-nin İnsan Hüquqları Şurasının Əsassız Həbslər üzrə İşçi Qrupunun rəyində (a/HRC/VGAD/2024/46) Ruben Vardanyan işi üzrə ədalətli məhkəmə icraatından imtina edilməsi barədə iddialar rədd olundu, məhkəmə prosedurları isə beynəlxalq standartlara uyğun olaraq qəbul edildi.
Bu məhkəmə prosesi günahsız təcavüz qurbanlarının hüquqlarının təmin edilməsi, ədalət mühakiməsinin həyata keçirilməsi və hərbi təcavüzdə, insanlığa qarşı cinayətlərdə və müharibə cinayətlərində ittiham olunan şəxslərin məsuliyyətə cəlb edilməsi üzrə Azərbaycanın münaqişədən sonrakı səylərinin bir hissəsidir. Ona görə də bu erməni şəxslərin azad edilməsi çağırışları müharibə cinayətlərinin qurbanı olmuş minlərlə azərbaycanlıya hörmətsizlik, eləcə də Azərbaycanın məhkəmə sisteminə müdaxilə əlamətidir. Bu çağırışlar həmçinin beynəlxalq normaların, eləcə də insanlığın əsas prinsiplərinin təhqir və pozulmasıdır. Cəzasızlıqla barışmaq olmaz.
Hörmətli Baş nazir, Azərbaycan dünyada dini və mədəni müxtəlifliyin mənəvi sərvət kimi qəbul edildiyi unikal məkandır. Multikulturalizm Azərbaycanda dövlət siyasətidir və biz fəxr edirik ki, dünyada etnik, dini, irqi ayrı-seçkiliyin gücləndiyi bir vaxtda Azərbaycan müsəlmanların, xristianların, yəhudilərin və digər konfessiyaların nümayəndələrinin harmoniya, firavanlıq şəraitində necə bir yerdə yaşamalarının nümunəsi kimi çıxış edir.
Hamımız bilirik ki, eyni şey İngiltərə üçün də xasdır. Burada inklüzivlik, inteqrasiya və qarşılıqlı hörmətə sadiqlik həyatın bütün təbəqələrindən olan insanların inkişaf etmələrinə və harmoniyada yaşamalarına imkan verdi.
Böyük Britaniyada yaşayan və inkişaf edən Azərbaycan icması Britaniya cəmiyyətinin qonaqpərvərliyinin və həmrəyliyinin bariz nümunəsidir. Ermənistanla Azərbaycan arasında əvvəlki münaqişənin dinlə heç bir əlaqəsi yoxdur.
Təəssüf ki, bəzi erməni din xadimləri sülh prosesini pozmaq üçün Ermənistan ilə Azərbaycan arasında əvvəlki münaqişə kontekstində ixtilaf doğuran dini ritorikadan istifadə ediblər.
Erməni cəmiyyətindəki bu daxili fikir ayrılıqlarının indi başqa ölkələrə yayılması təəccüblü olmasa da, London arxiyepiskopu və Böyük Britaniyanın bəzi digər dini liderlərinin yalan şərhlər əsasında bölgəmizdə siyasi müzakirələrə cəlb edilməsi narahatlıq doğurur.
Ermənistan və Azərbaycan 2020-ci ildən intensiv sülh danışıqları aparırlar. Nəzərəçarpan irəliləyiş olsa da, bir neçə məsələ həll edilməmiş qalır. Biz Böyük Britaniyaya Ermənistanla Azərbaycan arasında keçmiş münaqişəyə dair balanslaşdırılmış mövqeyinə və regionumuzda mövcud sülh prosesini dəstəklədiyinə görə minnətdarıq. Biz əminik ki, Böyük Britaniya hökuməti Azərbaycanın regionda möhkəm sülhün bərqərar olması, eləcə də öz vətəndaşları üçün ədalətin təmin edilməsi üzrə səylərini bundan sonra da dəstəkləyəcək. Son dərəcə məsuliyyətli işinizdə Sizə ən xoş arzularımızı bildirir, Birləşmiş Krallıq xalqının daha da çiçəklənməsi və rifahı üçün dua edirik.
Səmimiyyətlə,
Şeyxülislam Allahşükür Paşazadə
Qafqaz Müsəlmanları İdarəsinin sədri
Aleksiy
Rus Pravoslav Kilsəsinin
Bakı və Azərbaycan Yeparxiyasının yepiskopu
Milix Yevdayev
Azərbaycandakı Dağ Yəhudiləri İcmasının rəhbəri
Aleksandr Şarovski
Bakıdakı Avropa Yəhudiləri İcmasının rəhbəri
Robert Mobili
Alban-Udi Xristian Dini İcmasının sədri
Zamir İsayev
Bakıdakı Sefarad Yəhudi Dini İcmasının rəhbəri.
Xəbər lenti
Hamısına bax
Dünya
18 Aprel 23:41
Mədəniyyət
18 Aprel 23:35
YAP xəbərləri
18 Aprel 23:12
Siyasət
18 Aprel 22:51
YAP xəbərləri
18 Aprel 22:29
Sosial
18 Aprel 22:14
Dünya
18 Aprel 21:53
YAP xəbərləri
18 Aprel 21:37
Siyasət
18 Aprel 21:19
YAP xəbərləri
18 Aprel 20:55
Xəbər lenti
18 Aprel 20:11
Dünya
18 Aprel 19:47
Analitik
18 Aprel 19:42
YAP xəbərləri
18 Aprel 19:24
İdman
18 Aprel 19:15
YAP xəbərləri
18 Aprel 18:37
Siyasət
18 Aprel 18:10
Xəbər lenti
18 Aprel 17:24
YAP xəbərləri
18 Aprel 17:23
İqtisadiyyat
18 Aprel 17:22
YAP xəbərləri
18 Aprel 17:16
YAP xəbərləri
18 Aprel 17:14
YAP xəbərləri
18 Aprel 16:57
Gündəm
18 Aprel 16:55
YAP xəbərləri
18 Aprel 16:35
YAP xəbərləri
18 Aprel 16:21
İdman
18 Aprel 16:06
Sosial
18 Aprel 16:02
Xəbər lenti
18 Aprel 15:55
Siyasət
18 Aprel 15:45
YAP xəbərləri
18 Aprel 15:42
Gündəm
18 Aprel 15:28
Sosial
18 Aprel 15:05
YAP xəbərləri
18 Aprel 15:00
İqtisadiyyat
18 Aprel 14:41
Gündəm
18 Aprel 14:28
Sosial
18 Aprel 13:51
Dünya
18 Aprel 13:50
Sosial
18 Aprel 13:39
Gündəm
18 Aprel 13:01
İqtisadiyyat
18 Aprel 12:54
Sosial
18 Aprel 12:00
İdman
18 Aprel 10:31
Hadisə
18 Aprel 10:29
Gündəm
18 Aprel 10:28
Sosial
18 Aprel 10:26
İqtisadiyyat
18 Aprel 10:25
İdman
18 Aprel 10:25
İqtisadiyyat
18 Aprel 10:15
Hadisə
18 Aprel 10:09
Dünya
18 Aprel 10:05
Mədəniyyət
18 Aprel 09:58
Siyasət
18 Aprel 09:47
Siyasət
18 Aprel 09:34
Analitik
18 Aprel 09:27
Ədəbiyyat
18 Aprel 09:20
Analitik
18 Aprel 09:11
Analitik
18 Aprel 08:59
Mədəniyyət
18 Aprel 08:41
Analitik
18 Aprel 08:38
MEDİA
18 Aprel 08:15
YAP xəbərləri
17 Aprel 23:38
Dünya
17 Aprel 23:16
İdman
17 Aprel 22:54
YAP xəbərləri
17 Aprel 22:27
Dünya
17 Aprel 22:19
Siyasət
17 Aprel 21:57
Siyasət
17 Aprel 21:51
Hərbi
17 Aprel 21:37
YAP xəbərləri
17 Aprel 21:15
