Hörmüz boğazında neft axınları mayın sonu və ya iyunun əvvəlində tədricən bərpa oluna bilər

Bakı:

27 °C

45 %

4 m/s

AZ RU EN

Ana səhifə / Dünya / Hörmüz boğazında neft axınları mayın sonu və ya iyunun əvvəlində tədricən bərpa oluna bilər - PROQNOZ

Hörmüz boğazında neft axınları mayın sonu və ya iyunun əvvəlində tədricən bərpa oluna bilər - PROQNOZ

14.05.2026 [23:12]

Hörmüz boğazının mayın sonuna qədər faktiki olaraq bağlı qalacağı, neft axınlarının bu ayın sonu və ya iyunun əvvəlində tədricən bərpa olunacağı proqnozlaşdırılır.

AZƏRTAC xəbər verir ki, bu barədə ABŞ-nin Enerji İnformasiya Administrasiyasının (EIA) məlumatında deyilir.

Bildirilir ki, Yaxın Şərqdə davam edən münaqişə səbəbindən təchizat fasilələrinin müddəti ilə bağlı gözləntilər yuxarıya doğru yenidən nəzərdən keçirilib. Neft axınlarının bərpasından sonra belə, istehsalın və ticarətin qısa müddətdə normal vəziyyətə qayıtması gözlənilmir və münaqişədən əvvəlki səviyyələrə qayıtmaq yalnız ilin sonunda və ya 2027-ci ilin əvvəlində mümkün olacaq.

EIA-ya görə, Yaxın Şərqdə xam neft hasilatının azaldılması əvvəlki hesablamalarla müqayisədə artıb, aprel ayında gündəlik orta hesabla 10,5 milyon barel istehsal dayandırılıb. Hazırda istehsalçıların saxlama tutumunun limitlərə yaxınlaşması səbəbindən daha da azaltmalar etmək məcburiyyətində qalacağı və bu rəqəmin may ayında gündəlik təxminən 10,8 milyon barelə çatacağı proqnozlaşdırılır.

Gözləntilərin yuxarıya doğru yenidən nəzərdən keçirilməsinə ABŞ-nin İran neft ixracına qarşı blokadasının Tehran administrasiyasını hasilatı azaltmağa məcbur edəcəyi ilə bağlı qiymətləndirməsi təsir göstərib. Hörmüz boğazının bağlanmasından sonrakı ilkin qiymətləndirmələr qlobal bazar profisitinin və anbarlarda yığılan neft ehtiyatlarının qısamüddətli pozuntuları ödəmək üçün kifayət olduğunu göstərib. Lakin, münaqişə və təchizat pozuntuları davam etdikcə qlobal neft ehtiyatlarının azalmağa davam etdiyi bildirilib.

Qurum neft tələbatının yüksək qiymətlərə təklifdən daha tez reaksiya verdiyini bildirib, artan qiymətlərin qlobal neft istehlakını azaldacağını və bazarı yenidən tarazlığa yaxınlaşdıracağını proqnozlaşdırıb. Hasilat azalmaları və neft axınında pozuntular davam edərsə, tələbatın zəifləməsinin daha da nəzərə çarpacağı qiymətləndirilir.

EIA yanacaq istehlakının azaldılması tədbirləri, yanacaq çatışmazlığı və emal olunmuş neft məhsulları ixracına qoyulan məhdudiyyətlərlə bağlı xəbərləri nəzərə alaraq qlobal neft tələbatı üçün artım proqnozunu aşağıya doğru yenidən nəzərdən keçirib. Tələbin azalmasının xüsusilə Yaxın Şərqdən xam neftdən asılı olan Asiya ölkələrində cəmləşəcəyi gözlənilir. Buna uyğun olaraq, qlobal neft tələbatının cari ildə orta hesabla gündəlik 0,2 milyon barel artacağı proqnozlaşdırılır. Bu proqnoz ötən ay gözlənilən 0,6 milyon barel artımdan və fevral ayındakı 1,2 milyon barellik artım proqnozundan azdır.

Paylaş:

Baxılıb: 386 dəfə