Rusiyalı jurnalistdən Nikol Paşinyanın ünvanına ağır sözlər

Bakı:

17 °C

55 %

4 m/s

Əlaqə

AZ RU EN

Ana səhifə / Dünya / Rusiyalı jurnalistdən Nikol Paşinyanın ünvanına ağır sözlər

Rusiyalı jurnalistdən Nikol Paşinyanın ünvanına ağır sözlər

23.11.2018 [08:48]

Sergey Dorenko: Paşinyan siyasət sahəsində seçim edə bilmədiyi kimi, cinsi azlıqlara münasibətdə də mövqeyini müəyyən edə bilməyib
Ermənistanda keçiriləcək növbədənkənar parlament seçkilərinə artıq sayılı günlər qalıb. Və ötən hər gün baş nazir vəzifəsini icra edən Nikol Paşinyanın qalmaqallı addımları ilə yadda qalır. Onun sonuncu biabırçı addımı isə noyabrın 1-də buraxılan parlamentin üzvlərini noyabrın 22-də zorla parlamentə gətirib 2019-cu ilin büdcəsini qəbul etdirməsi olub. Əslində, söhbət Ermənistandan getdiyi üçün buna təəccüblənməmək olardı. Amma ən maraqlısı odur ki, ermənisayağı bu hadisəni erməni mediası da “absurd” kimi qiymətləndirib.
Lakin N.Paşinyanın biabırçılığı bunlarla yekunlaşmır. Və onunla bağlı daha bir qalmaqla hətta Ermənistanın Rusiyadakı səfirliyi də qarışıb. Belə ki, N.Paşinyanın vaxtilə Fransa səfəri ilə bağlı çıxışı və yürütdüyü siyasət rusiyalı jurnalist, teleaparıcı, “Danışır Moskva” radiostansiyasının baş redaktoru Sergey Dorenko tərəfindən sərt tənqid edilib. Yayılan məlumatlara görə, cinsi azlıqların nümayəndələrinin Ermənistanda forum keçirmək məsələsinə N.Paşinyanın tərəddüdlü münasibətinə toxunan S.Dorenkonun fikirləri Ermənistanda böyük rezonans doğurub. Bəs bu ölkənin Rusiyadakı səfirliyinin də sərt cavab verdiyi müsahibədə S.Dorenko N.Paşinyanla bağlı hansı qalmaqallı ifadəni işlədib?
Qeyd edək ki, rusiyalı jurnalist rəhbəri olduğu radiostansiyanın “Podyom” verilişində aparıcı Anastasiya Onoşkonun suallarını cavablandırıb. Birbaşa efirdə söhbətin mövzusu cinsi azlıqlara gəlincə, Ermənistanda keçirilməsi planlaşdırılan və bəzi mühafizəkarların, o cümlədən II Qareginin qarşı çıxması ilə təxirə salınan cinsi azlıqların LGTB forumuna və N.Paşinyanın buna münasibətinə toxunulub. Daha doğrusu S.Dorenko Fransa səfərindən sonra N.Paşinyanın parlamentdə çıxışını yada salaraq Ermənistanın baş naziri vəzifəsini icra edən bu şəxsin Parisdə qaldığı mehmanxanada ona qəhvə gətirən erməni oğlandan bəhs etməsini xüsusi vurğulayıb. Jurnalist LGTB forumunun keçirilməsinin mümkünlüyü barədə çıxışına görə N.Paşinyanı mühafizəkar ermənilərdən fərqləndirib və onun siyasətçi kimi sonunun yaxınlaşdığını iddia edib: “Düşünürəm ki, bununla Paşinyan siyasət sahəsində intihar edib. O, Parisdə bir mehmanxanada sevdiyi başqa bir erməni oğlanla Ermənistandan Fransaya qaçan oğlan haqqında həsrətlə danışıb”.
S.Dorenkonun sözlərinə görə, N.Paşinyan siyasətçi kimi düzgün mövqe tutmalı və fəaliyyətinə kölgə salmamalıdır. Parlamentdə homoseksual oğlandan və onun gözəl gözlərindən danışan N.Paşinyan haqqında tamam başqa cür düşünməyə başladığını deyən S.Dorenko onun cinsi azlıqları müdafiə etdiyini və siyasətçi kimi danışmadığını söyləyib. “Paşinyan siyasət sahəsində seçim edə bilmədiyi kimi, cinsi azlıqlara münasibətdə də mövqeyini müəyyən edə bilməyib”, - deyən S.Dorenko bundan sonra seçicilərin bu siyasətçi haqqında yaxşı düşünməyəcəklərini bildirərək, Paşinyanı “biseksual-intelligent” adlandırıb.
Ən nəhayət, rusiyalı jurnalist N.Paşinyanı homoseksuallıqda, avropalılara yarınmaqda günahlandıraraq ona Avropaya getməyi məsləhət görüb: “Bu, avropalı görünməyə cəhddir. Lakin açıq demir. Onda açıq şəkildə de: avropalıyam, cinsi azlıqlar da mənim dostumdur. Avropalı ol, amma burada o tərəfə, bu tərəfə rəqs etmə. Əks təqdirdə, düşünürük ki, siz nəsə gizlədirsiniz”.
Onu da xatırladaq ki, bu ayın əvvəlində bütün ermənilərin katolikosu II Qaregin də LGBT forumunu tənqid edərək keçirilməsinə qarşı çıxmışdı. Bundan sonra II Qareginə qarşı növbəti etiraz askiyası keçirilmişdi. Bu isə vaxtaşırı II Qareginə qarşı yeni hakimiyyətin də dəstəklədiyi aksiyaların Ermənistanda yaşayan cinsi azlıq nümayəndələrinin iştirakı ilə baş tutduğuna dəlalət edir. Çünki Qərb dəyərlərinə inteqrasiyanı prioritet tutduğunu deyən N.Paşinyanın, ümumiyyətlə, məhz həmin məsələyə görə II Qareginə təzyiq göstərdiyi iddia edilir.
Bu ölkənin Rusiyadakı səfirliyinin S.Dorenkonun N.Paşinyanla bağlı qalmaqallı ifadələrinə görə verdiyi bəyanata gəlincə, ən maraqlısı odur ki, Ermənistan səfirliyi diplomatik missiyanın hansısa media orqanında səsləndirilən bəyanatlara münasibət bildirməsinin düzgün olmadığını etiraf edib. Bununla yanaşı, səfirlik guya rus jurnalistin canlı yayımda Ermənistanı, erməni xalqını və hakimiyyəti təhqir etdiyini bildirib.
Həqiqət isə odur ki, baş verən xaos mühitindən istifadə edərək hakimiyyətə yiyələnən N.Paşinyan çıxışları, addımları və verdiyi sərsəm bəyanatları ilə siyasətçi olmadığını dəfələrlə sübut edib.
Qaşqay ZİYƏDDİNOĞLU

Paylaş:

Baxılıb: 1185 dəfə