Ermənistanda sosial-iqtisadi tənəzzül və ictimai-siyasi gərginlik davam edir

Bakı:

16 °C

67 %

9 m/s

Əlaqə

AZ RU EN

Ana səhifə / Dünya / Ermənistanda sosial-iqtisadi tənəzzül və ictimai-siyasi gərginlik davam edir

Ermənistanda sosial-iqtisadi tənəzzül və ictimai-siyasi gərginlik davam edir

09.02.2019 [10:35]

Nikol Paşinyan ötən müddət ərzində işğalçı ölkənin qarşılaşdığı sosial-iqtisadi və siyasi problemlərin həlli istiqamətində heç bir uğurlu addım ata bilməyib, iqtisadiyyatın inkişafı ilə bağlı hər hansı plan irəli sürməyib
Ermənistanın işğalçı, təcavüzkar siyasət nəticəsində regional və beynəlxalq miqyasda təcrid vəziyyətinə düşməsi bu ölkə daxilində mövcud olan sosial-iqtisadi tənəzzülün daha da dərinləşməsini şərtləndirib. Heç nisbi müstəqilliyə də malik olmayan, total tənəzzülün müşahidə olunduğu Ermənistan ciddi siyasi, iqtisadi və demoqrafik böhranla qarşı-qarşıyadır. Dərin iqtisadi tənəzzül və xaos insanların həyat şəraitini olduqca çətinləşdirdiyi üçün ekspertlər işğalçı ölkənin gələcəyinin qeyri-müəyyən olduğunu bildirirlər. Xüsusi diqqət yetirilən məqam budur ki, Nikol Paşinyan ötən müddət ərzində ölkənin qarşılaşdığı sosial-iqtisadi və siyasi problemlərin həlli istiqamətində heç bir uğurlu addım ata bilməyib, iqtisadiyyatın inkişaf etdirilməsi ilə bağlı hər hansı plan irəli sürməyib.
Bundan başqa, işğalçı ölkədə küçə ixtişaşları nəticəsində hakimiyyəti ələ keçirən Nikol Paşinyan faktiki olaraq Azərbaycanın işğal olunmuş Dağlıq Qarabağ və digər rayonlarına nəzarət edən kriminal dəstənin fəaliyyətinə göz yumur. Daha dəqiq desək, Ermənistanın maliyyələşməsində narkotrafikdən gələn gəlir mühüm rol oynayır. Transmilli kriminal qruplar Azərbaycanın Ermənistan tərəfindən işğal olunmuş ərazilərində fəaliyyətlərini genişləndirirlər. Yeri gəlmişkən, Böyük Britaniyanın məşhur araşdırmaçı-jurnalisti Harold Keyn “NarkoQarabağ” kitabında birbaşa təsdiq edir ki, Dağlıq Qarabağ ərazisi narkotiklərin istehsalı və satışı üçün münbit bir əraziyə çevrilib. Narkoticarət Ermənistanın işğalçı və Dağlıq Qarabağın cinayətkar rejimlərinin havadarlığı ilə həyata keçirilir və bundan böyük məbləğdə qazanc əldə edilir. Ermənistan və Dağlıq Qarabağ cinayətkarları işğal etdikləri Dağlıq Qarabağ və ondan kənardakı 7 rayonun ərazisindəki Azərbaycana məxsus yeraltı və yerüstü sərvətləri talan etməklə məşğuldurlar.
Digər tərəfdən, işğalçı ölkədə iqtisadi tənəzzül siyasi gərginliyin artmasını şərtləndirib. Başqa sözlə, vətəndaşlarla hakimiyyət arasındakı uçurum özünü daha çox ictimai-siyasi gərginlikdə, xüsusilə də etiraz aksiyalarında göstərir. Yəni Ermənistanda ictimai-siyasi vəziyyət gərgin olaraq qalır. İrəvanla yanaşı, işğalçı ölkənin əyalətlərində də aksiyalar səngimir. Belə ki, İrəvanda küçə ticarətçiləri və elm adamları etiraz aksiyası keçirirlər, həmçinin Arşaluys və Divi yaşayış məntəqələrində əhali hökumətdən narazılığını bildirir. Bundan başqa, Armavir əyalətinin Arşaluys kəndində polis əməkdaşları ilə etirazçılar arasında qarşıdurmanın baş verməsi ictimai-siyasi gərginliyin daha bir təzahürüdür.
Bütövlükdə, Ermənistanda sosial-iqtisadi tənəzzül və ictimai-siyasi gərginlik davam edir. Ekspertər qeyd edirlər ki, bütün bu hallar Ermənistanın yeni siyasi kataklizmlərə sürükləndiyini göstərir. İşğalçı siyasətini davam etdirən bu ölkədə qarşıdakı dövrdə siyasi, iqtisadi böhranın dərinləşəcəyinə, xarici siyasətdə silsilə uğursuzluqların artacağına dair yekun qənaət ifadə etmək heç də çətin deyil. Bildirilir ki, bu ölkənin sosial-iqtisadi problemləri aradan qaldırmaq üçün kifayət qədər güc və potensiala malik olmaması nəticəsində yaranan situasiya hakimiyyətlə xalq arasında ciddi qarşıdurmaya zəmin yaradır. Odur ki, ekspertlər işğalçı ölkənin gələcəyinə dair müsbət proqnozlar vermirlər.
NURLAN

Paylaş:

Baxılıb: 2570 dəfə