Ermənistanda seçkiqabağı dövrdə həm iqtidar daxilində, həm də müxalifətdə parçalanma müşahidə edilir

Bakı:

18 °C

88 %

4 m/s

AZ RU EN

Ana səhifə / Dünya / Ermənistanda seçkiqabağı dövrdə həm iqtidar daxilində, həm də müxalifətdə parçalanma müşahidə edilir

Ermənistanda seçkiqabağı dövrdə həm iqtidar daxilində, həm də müxalifətdə parçalanma müşahidə edilir

09.05.2021 [00:35]

Ermənistanda siyasi qarşıdurma daha da güclənir. Erməni mətbuatı yazır ki, son hadisələr siyasi böhranın səngiməsinə o qədər də təsir göstərməyib. Belə ki, seçkilərdə iştirakını elan edən siyasi qüvvələr mövcud hakimiyyətin kənarlaşdırılmasını əsas hədəf seçərək yenidən kütləvi aksiyalara start verirlər.

Qeyd edək ki, seçkiqabağı blokların və ittifaqların formalaşması zamanı müşahidə edilən proseslər məğlub ölkənin böhrandan çıxa bilməyəcəyinə dəlalət edir. Bu durum, eyni zamanda, faşizm ideyalarının daşıyıcısı olan qüvvələrin Ermənistanın son məğlubiyyətindən nəticə çıxarmadıqlarını göstərir. Məsələn, faşist Qaregin Njdenin davamçıları və tərəfdarlarının təmsil olunduğu siyasi qüvvələr də hakimiyyətə can atır. Belə ki, millətçi təmayüllü “Daşnaksutyun” və “Yüksələn Ermənistan” partiyaları artıq rəsmən sabiq prezident Robert Koçaryanın rəhbərliyi altında seçkilərdə iştirakını elan edib.

Bu arada Paşinyanın rəhbərlik etdiyi “Vətəndaş müqaviləsi” partiyası növbədənkənar parlament seçkilərində müstəqil şəkildə iştirak edəcək. “Aysor.am”ın yazdığına görə, “Mənim addımım” parlament fraksiyasının rəhbəri Lilit Makunts bildirib ki, partiya rəhbərliyi artıq bununla bağlı qərar qəbul edib. Xatırladaq ki, “Mənim addımım” bloku “Vətəndaş müqaviləsi” və “Missiya” partiyalarından ibarətdir.

Qeyd edək ki, hakimiyyət daxilində ilk seçkiqabağı qalmaqal da baş verib. “AntiFake.am” saytı yazır ki, “Vətəndaş müqaviləsi” partiyasının ofisində “Yerkrapa” könüllülər birliyinin sədri Sasun Mikaelyan ilə ərazi idarəetmə və inkişaf naziri vəzifəsini icra edən Suren Papikyan arasında gərgin söhbət təhqirlərlə müşayiət olunan davaya çevrilib. Sayt yazır ki, bu insidentdə Paşinyanın qaynı Hraçya Hakopyan da iştirak edib. Bütün bunlar onu göstərir ki, seçkiqabağı dövrdə hakimiyyətdaxili parçalanma və qarşıdurma daha da güclənir.

Qeyd edək ki, bəzi ekspertlər növbədənkənar parlament seçkiləri zamanı ciddi qarşıdurmaların olacağını istisna etmirlər. “News.am” yazır ki, konstitusiya məhkəməsinin sabiq aparat rəhbəri Edqar Kazaryan seçkilərin cəmiyyətdə əlavə gərginliyə səbəb olacağını düşünür: “Toqquşmaların olacağını proqnozlaşdırıram. Çox təhlükəli proses gedir. İndiki məqamda bu prosesi yalnız parlamentin yeni baş nazir seçməsi dayandıra bilər”.

Qeyd edək ki, istefa verən Paşinyanın baş nazir vəifəsində qalmasına etiraz edən E.Kazaryan artıq neçə gündür ki, təkbaşına hökumət binası qarşısında etiraz aksiyası keçirir.

Yeri gəlmişkən, “Tert.am” isə yazır

ki, Serj Sarkisyanla ittifaqa razı olan “Vətən” partiyasının sədri Artur Vanetsyan müxalifətin pərakəndə şəkildə seçkiyə getməsini şərh erməkdən çəkinib. Eks-prezident L.Ter-Petrosyan isə müxalifətdəki parçalanmanın səbəbkarı kimi onun seçkilərdə ittifaq təklifini rədd edən sabiq prezident S.Sarkisyanı göstərib.

Göründüyü kimi, məğlub ölkədə həm iqtidar, həm də müxalifətin daxilində parçalanma müşahidə edilir. Ekspertlərin fikrincə, yaranmış vəziyyət onu göstərir ki, 20 iyun seçkiləri Ermənistanda ciddi toqquşmalara gətirib çıxara bilər.

Qaşqay ZİYƏDDİNOĞLU

Paylaş:

Baxılıb: 1030 dəfə