Heydər Əliyev
yeni azerbaycan logo

Ana səhifə / Dünya / BMT Belarus və Polşa sərhədindəki vəziyyətdən narahatdır

BMT Belarus və Polşa sərhədindəki vəziyyətdən narahatdır

10.11.2021 [11:49]

 

UNHCR, IOM və UNICEF Polşa-Belarus sərhədindəki vəziyyəti təcili olaraq yumşaltmağa çağırır. yeniazerbaycan.com-un Türkiyənin “Anadolu” agentliyinə istinadən verdiyi xəbərə görə, Birləşmiş Millətlər Təşkilatının Qaçqınlar üzrə İdarəsi (UNHCR), Beynəlxalq Miqrasiya Təşkilatı (BMqT) və Birləşmiş Millətlər Təşkilatının Uşaq Fondu (UNİCEF) Belarus və Polşa sərhədindən yüzlərlə miqrantın toplandığı barədə son hesabatlardan təşviş keçirir. BMT-nin mətbuat xidməti xəbər verir ki, BMT-nin adıçəkilən qurumları hər iki ölkəni sığınacaq axtaran şəxslərin təhlükəsizliyini təmin etməyə və onların hüquqlarına hörmət etməyə çağırır.

Xatırladaq ki, Əfqanıstan və digər ölkələrdən Belarus ərazisindən keçməklə Avropa İttifaqı ölkələrinə, xüsusən də Polşaya getməyə çalışan qadın və uşaqların da daxil olduğu böyük bir qaçqın və miqrant qrupu Polşa ilə sərhəd yaxınlığında daha bir müvəqqəti düşərgə quraraq, “Bruzqi” buraxılış-keçid məntəqəsindən Polşaya keçmək üçün icazə tələb edirlər.

Bunu nəzər alan BMT-nin müvafiq qurumları hər iki ölkənin hökumətlərini problemi təcili həll etməyə çağırır. Xüsusilə, onlar bu insanlara humanitar çıxışın təmin edilməsini, həmçinin beynəlxalq müdafiəyə ehtiyacı olanların sığınacaq istəməsinə icazə verilməsini tələb edirlər. BMT son həftələrdə transsərhəd böhranının bir neçə qaçqın və miqrantın ölümünə səbəb olduğunu xatırladır və belə faciələrin təkrarlanmasının qarşısını almağa çağırır. Öz növbəsində, BMT-nin Qaçqınlar üzrə Ali Komissarlığı və BMqT bəyan edir ki, bu məsələdə Belarus hakimiyyətinə dəstək göstərməyə, qaçqın və miqrantlara yerindəcə məsləhətlər verməyə hazırdır.

Paylaş
Baxılıb: 137 dəfə

Xəbər lenti

Hamısına bax

Prezident bu gün

04 Dekabr 00:11

Prezident bu gün

03 Dekabr 09:59

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31