Heydər Əliyev
yeni azerbaycan logo

Ana səhifə / Dünya / Qırğızıstan seçkilərə hazırlaşır

Qırğızıstan seçkilərə hazırlaşır

26.11.2021 [16:47]

Bazar günü Qırğızıstanda Joqorku Keneşə (Ali Şura, parlament) seçkilər keçiriləcək. yeniazerbaycan.com Qırğızıstanın “Kabar” agentliyinə istinadən xəbər verir ki, Qırğızıstanın Seçki Komissiyası 21 partiyanın namizədlərinin, həmçinin 287 müstəqil namizədin siyahısını qeydə alıb.

Qırğızıstan prezidenti Sadır Japarov bundan əvvəl ölkənin ali qanunverici orqanına seçkilərin keçirilməsinin yeni prosedurunu nəzərdə tutan qanunu imzalayıb. Qanuna əsasən, deputatların sayı 120-dən 90-a, seçki baryeri 7 faizdən 5 faizə endirilib. Yeni parlament siyasi partiyalar (54 mandat) və birmandatlı seçki dairələri (36 mandat) siyahıları üzrə formalaşacaq. Bundan başqa, yeniliklərə görə, parlamentə düşmək üçün siyasi partiyalar ölkənin yeddi rayonunda, paytaxt Bişkek və Oş şəhərində 0,5 faiz səs toplamalıdır.

Qeyd edək ki, 28 noyabrda keçiriləcək seçkilərdə ölkənin siyasi tarixində ilk dəfə olaraq seçicilər bülletenlərdə siyasi partiyanı, partiya siyahısı üzrə deputatlığa namizədi və müstəqil namizədi qeyd edə biləcəklər.

Xatırladaq ki, Qırğızıstanda 3 milyon 703 min 420 vətəndaşın səsvermə hüququ var.

Paylaş
Baxılıb: 63 dəfə

Xəbər lenti

Hamısına bax

Hava dəyişəcək

29 Noyabr 15:05

ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30