Heydər Əliyev
yeni azerbaycan logo

Ana səhifə / Dünya / Avstriyada peyvənddən imtinaya görə 3,6 min avro cərimə tətbiq ediləcək

Avstriyada peyvənddən imtinaya görə 3,6 min avro cərimə tətbiq ediləcək

06.12.2021 [14:33]

 

Avstriya COVID-ə qarşı peyvənddən imtinaya görə vətəndaşları cərimələməyi planlaşdırır. yeniazerbaycan.com-un Rusiyanın “İnterfaks” agentliyinə istinadən verdiyi xəbərə görə, ölkədə koronavirusa qarşı peyvənddən imtina edənlər cərimələnəcək.

“Die Presse” nəşri hökumət tərəfindən hazırlanan qanun layihəsinə istinadən yazır ki, peyvənd olunmaq istəməyənlər 3,6 min avro məbləğində cərimə ödəməli olacaqlar. Cəriməni ödəməkdən imtina edən şəxs dörd ay müddətinə həbs oluna bilər. 7,2 min avro məbləğində cərimə isə peyvənd edilməsinin zəruriliyi ilə bağlı səlahiyyətlilərin iki bildirişinə məhəl qoymayanlara tətbiq ediləcək.

Cərimə peyvəndlə əlaqədar həyat və sağlamlıqları üçün təhlükə olan şəxslərə, həmçinin hamilə qadınlara və 12 yaşınadək yeniyetmələrə şamil edilməyəcək.

Dekabrın 6-da müzakirəyə təqdim edilən layihə Avstriya parlamentinin hər iki palatası tərəfindən təsdiqlənməlidir.

Xatırladaq ki, bundan əvvəl ölkə hakimiyyəti koronavirusa yoluxma hallarının artması fonunda 2022-ci ilin fevralından başlayaraq məcburi peyvənd elan etmişdi.

Paylaş
Baxılıb: 170 dəfə

Xəbər lenti

Hamısına bax

Sosial

Müsahibə

İqtisadiyyat

MEDİA

İqtisadiyyat

Gündəm

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31