"Güclü dövlət naminə" Referendum Aktına səs verək!

Bakı:

20°C

68%

4m/s

Əlaqə

AZ RU EN

Ana səhifə / Gündəm / "Güclü dövlət naminə" Referendum Aktına səs verək!

"Güclü dövlət naminə" Referendum Aktına səs verək!

16.03.2009 [09:09]

“Yeni Azərbaycan” təşviqat qrupunun Səbail rayon şöbəsinin üzvləri bu deviz altında aksiya keçiriblər
Martın 18-də Konstitusiyaya təklif olunmuş əlavə və dəyişikliklərlə bağlı referendum keçiriləcək. Azərbaycanın gələcək inkişafı baxımından mühüm əhəmiyyət kəsb edən bu siyasi kampaniya ərəfəsində ölkənin bütün yaşayış məntəqələrində seçicilərlə görüşlər keçirən, təklif olunan əlavə və dəyişikliklərlə bağlı maarifləndirmə işi aparan “Yeni Azərbaycan” təşviqat qrupunun Səbail rayon şöbəsinin üzvləri dünən Hökumət Evinin qarşısında, dənizkənarı parkda maarifləndirmə aksiyası təşkil ediblər. Aksiyada, ümumilikdə, mindən artıq insan iştirak edib.
Aksiyanın keçirilməsində əsas məqsəd Azərbaycan Respublikasının Konstitusiyasına təklif olunan əlavə və dəyişikliklərlə bağlı insanlar arasında maarifləndirmə işi aparmaq olub. Aksiya çərçivəsində vətəndaşlara referendumla bağlı izahedici materiallar, braşürlər, bukletlər paylanılıb. Bu cür tədbirlərin əsas mahiyyəti isə paytaxtın müxtəlif yerlərində ayrı-ayrı sosial təbəqələrlə görüşərək onların Konstitusiyaya təklif olunan əlavə və dəyişikliklər barədə fikirlərini öyrənməkdən ibarət olub. Qeyd edək ki, bu cür tədbirlər vətəndaşların bütün kateqoriyalarını əhatə edir və ölkəmizin bütün bölgələrindən olan vətəndaşlarla sıx təmas qurmağa imkan verir. Təşviqat kampaniyası zamanı əldə olunan nəticələr onu göstərir ki, respublikamızın bütün rayonlarında olduğu kimi, paytaxt sakinləri də ümumxalq səsverməsinə çıxarılan əlavə və dəyişikliklər haqqında ətraflı məlumata malikdirlər. Onlar “Yeni Azərbaycan” təşviqat qrupunun referendumla bağlı keçirdiyi təşviqat kampaniyası nəticəsində Konstitusiyaya təklif olunan əlavə və dəyişikliklərin bütün təfərrüatlarına dair məlumat əldə ediblər.
Məlumat üçün bildirək ki, fikirlərini öyrəndiyimiz vətəndaşların mövqeyi də yuxarıda deyilənləri tam təsdiq edir. Onlar bizimlə söhbət zamanı bildirdilər ki, Konstitusiyaya təklif olunan əlavə və dəyişikliklər zəngin və qüdrətli Azərbaycanda demokratik dəyərlərin möhkəmlənməsi, insan hüquq və azadlıqlarının daha geniş şəkildə müdafiə olunması, vətəndaşların sosial həyat şəraitinin ən yüksək səviyyədə təmin olunması, ölkəmizin iqtisadi inkişafının yeni mərhələyə qədəm qoyması ilə bağlı kompleks islahatların həyata keçirilməsinə dərin baza yaradan təməllərə söykənir. Buna görə də, ümumxalq səsverməsinə çıxarılan bütün maddələrin dəstəklənməsi onların gələcək sosial həyatlarına zəngin təminat yaratması üçün mühüm rola malikdir.
Ramil VƏLİBƏYOV

Paylaş:

Baxılıb: 1303 dəfə