Bakıda AFFA-nın növbəti hesabat konfransı keçirilib

Bakı:

25 °C

73 %

10 m/s

Əlaqə

AZ RU EN

Ana səhifə / İdman / Bakıda AFFA-nın növbəti hesabat konfransı keçirilib

Bakıda AFFA-nın növbəti hesabat konfransı keçirilib

05.03.2019 [09:51]

Martın 4-də Bakıda AFFA-nın növbəti hesabat konfransı keçirilib.
AZƏRTAC xəbər verir ki, tədbirdə gənclər və idman naziri Azad Rəhimov, AFFA prezidenti Rövnəq Abdullayev, Azərbaycan millisinin baş məşqçisi Nikola Yurçeviç, futbol ictimaiyyətinin nümayəndələri, “Bakı-2019: Ulduzlar Finalı” ilə əlaqədar ölkəmizdə səfərdə olan məşhur veteran futbolçular və digər şəxslər iştirak ediblər.
AFFA-nın prezidenti Rövnəq Abdullayev tədbirdə çıxış edərək ölkəmizdə idmana göstərilən dövlət qayğısından danışıb. R.Abdullayev Azərbaycan Prezidenti İlham Əliyevin UEFA Avropa Liqasının final matçının ölkəmizdə təşkilinə dair Sərəncamının yüksək səviyyədə təşkilinə zəmin yaratdığını diqqətə çatdıraraq deyib: “Ötən il U-19 millimiz Avropa çempionatının elit raunduna yüksəlib. Həmçinin “Qarabağ” UEFA Avropa Liqasının qrup mərhələsində mübarizə aparıb. Təəssüflər olsun ki, millimiz Millətlər Liqasının pley-off mərhələsinə adlaya bilmədi. Yığmanın baş məşqçi postunda dəyişiklik edildi”.
Gənclər və idman naziri Azad Rəhimov Azərbaycanın dünyada idman ölkəsi kimi tanındığını deyərək cari ildə ölkəmizin UEFA Avropa Liqasının final oyununa, gələn il isə Avropa çempionatının final mərhələsinin dörd matçına ev sahibliyi edəcəyini bildirib. Qeyd edib ki, bütün bunlar ölkəmizdə futbolun inkişafından xəbər verir. AFFA-nın fəaliyyətini yüksək qiymətləndirən nazir qeyd edib ki, uşaqlar üçün mütəmadi liqalar təşkil olunur. Belə tədbirlər təkcə paytaxtda deyil, bölgələrdə, cəbhəyanı ərazilərdə keçirilir. Cocuq Mərcanlıda futbol meydançası inşa edilərək istifadəyə verilib.
Sonra AFFA-nın ötənilki fəaliyyətindən bəhs edən videoçarx nümayiş olunub.
AFFA-nın baş katibi Elxan Məmmədov hesabat məruzəsi ilə çıxış edərək bildirib ki, üç gün sonra UEFA Avropa Liqasının final oyununa onlayn bilet satışına start veriləcək. Statistika göstərir ki, həmişə biletlər qısa müddətdə satılır. Buna görə də azarkeşləri fəal olmağa çağırıram. Ötən ilin sonunda UEFA tərəfindən final oyununa 1500 VIP bilet satışa çıxarıldı. Həmin biletlərin qiyməti 890 avro idi. Həmin biletlər iki həftə ərzində satıldı. Azərbaycandan 19 VIP bilet alınıb.
“UEFA Avropa Liqasının final oyunu ilə əlaqədar 20 min azarkeşin hava yolu ilə ölkəmizə gələcəyi gözlənilir. Bileti olanlar və akkreditasiyadan keçmiş mətbuat nümayəndələri ictimai nəqliyyatdan ödənişsiz istifadə edəcəklər”, - deyə E.Məmmədov əlavə edib.
AFFA-nın baş katibi vurğulayıb ki, istərdik, ölkə çempionatında 10 güclü klub çıxış etsin. Klubların maliyyə mənbələri bilinsin, şəffaflıq təmin olunsun. Klublar AFFA kimi şəffaf olsunlar, maliyyə mənbələrini ictimaiyyətə göstərsinlər. Premyer Liqada iştirak üçün 2 milyon manat lazımdır. Bunu 25 faizini klublardan zəmanət kimi tələb edirik. Bu, UEFA-nın və FIFA-nın tələbidir. Bununla çempionatımızı və klublarımızı sığortalayırıq. Əsas məsələ şəffaflığın təmin olunmasıdır.
FIFA-nın Avropa ölkələri üzrə əlaqələndiricisi Byorn Vassallo ölkəmizdə idmanın inkişafına göstərilən dövlət qayğısını yüksək qiymətləndirib. O, Azərbaycanda futbolun inkişafı istiqamətində görülən tədbirlərin əhəmiyyətindən danışıb.
Konfransda AFFA-nın maliyyə hesabatı dinlənilib və müstəqil audit tərəfindən şəffaf dəyərləndirilib.
Sonda “Bakı 2019: Ulduzlar Finalı” adlı qarşılaşmadan bəhs edən videoçarx təqdim olunub.

Paylaş:

Baxılıb: 1216 dəfə