Heydər Əliyev
yeni azerbaycan logo

Ana səhifə / İdman / Odina Əliyeva yığmamızdan imtina edib?

Odina Əliyeva yığmamızdan imtina edib?

11.01.2022 [16:35]

“İndi bu sualı cavablandırmaq asan deyil”
“Mənim yenidən İndoneziya çempionatında çıxış etməyim, irəli və ya geri addım atmaqla bağlı deyil”. Bu sözləri “Yeni Azərbaycan”a milli komandamızın voleybolçusu Odina Əliyeva deyib. 
31 yaşlı voleybolçu ötən yay Braziliyanın “Sesi” klubu ilə 1 il müddətinə müqavilə bağlasa da, az öncə İndoneziyadan aldığı təklifi müsbət dəyərləndirdi. “Cakarta Elektrik”lə müqavilə bağlayan milliləşdirilən idmançı 2021/22 mövsümünün sonunadək Asiya ölkəsində çıxış edəcək. 
Cənubi Amerikadan Asiyaya köçməsi barədə danışan Əliyeva bildirib ki, aldığı təklifdən imtina etmək olmazdı: “Bu təklifi rədd edə bilməzdim. Ümumiyyətlə, bu ölkəni çox sevirəm”.
Azərbaycan yığması ötən il Avropa çempionatında uğursuz çıxışla yadda qaldı. Millimiz 24 komandanın qatıldığı final mərhələsini sonuncu yerdə başa vurdu. Əliyeva həmin vaxt heyətə dəvət olunsa da, onu yığmamızın heyətində görə bilmədik. Bu səbəbdən Odinanın Azərbaycan yığmasından imtina etdiyi barədə söhbətlər dolaşırdı. 
Əslində isə buna səbəb imtina yox, başqa amillər imiş: “Son illərdə milli komandada olmamağımın bəzi səbəbləri oldu. Bunlardan biri də səhhətimlə bağlı idi. Bu, o demək deyil ki, mən artıq milli komandada çıxış etməyəcəm və ya imtina edirəm. Hazırda bununla bağlı planım yoxdur. Bunu zaman göstərəcək”.
Azərbaycan yığması Qızıl Avropa Liqasının qrup mərhələsində mübarizə aparacaq ki, qrupdakı rəqiblərimiz Macarıstan, Ukrayna və Rumıniya milliləri olacaq. Avropa çempionatında fiasko ilə yadda qalan komandamızın bu dəfə qrupdan çıxmaq şansı varmı? 
Əliyeva bildirib ki, hazırda qarşıdakı yarışlar haqqında fikir bildirmək çətindir: “İndi bu sualı cavablandırmaq asan deyil. Çünki milli komandaya hansı oyunçuların cəlb olunacağı haqqında dəqiq məlumatım yoxdur. Milli komandamızın heyəti tam müəyyən olunduqdan sonra bu sualı cavablandırmaq daha rahat olacaq”.

Paylaş
Baxılıb: 105 dəfə

Xəbər lenti

Hamısına bax

Sosial

Müsahibə

İqtisadiyyat

MEDİA

İqtisadiyyat

Gündəm

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31