Heydər Əliyev
yeni azerbaycan logo

Ana səhifə / İqtisadiyyat / Azər Badamov: 2022-ci ilin dövlət büdcəsi əhəmiyyətli şəkildə sosialyönümlülüyünü qoruyacaq

Azər Badamov: 2022-ci ilin dövlət büdcəsi əhəmiyyətli şəkildə sosialyönümlülüyünü qoruyacaq

17.10.2021 [13:53]

"Ölkəmizdə həyata keçirilən dövlət siyasəti vətəndaşlarımızın sosial rifahının yüksəldilməsində mühüm rol oynayır. Cənab Prezidentimiz hər zaman bildirib ki, bizim dövlət siyasətimizin mərkəzində məhz Azərbaycan vətəndaşı və onun maraqları dayanır. Bu baxımdan, atılan addımlar, aparılan islahatlar birmənalı şəkildə vətəndaşların gəlirlərinin artırılmasına istiqamətlənib. Prezident İlham Əliyevin "Əhalinin sosial rifahının qorunması sahəsində əlavə tədbirlər haqqında" Sərəncamı da məhz bu qəbildəndir".

Bu fikirləri yeniazerbaycan.com-a açıqlamasında Milli Məclisin deputatı Azər Badamov deyib. Onun sözlərinə görə, Sərəncamda əməkhaqlarının, əmək pensiyalarının və sosial müavinətlərin, təqaüdlərin və digər sosial ödənişlərin məbləğlərinin artırılmasının təmin edilməsi ilə bağlı gələn il üçün dövlət büdcəsi layihəsinə müvafiq təkliflərin hazırlanıb təqdim edilməsi nəzərdə tutulub. Bu isə onu deməyə əsas verir ki, 2022-ci il üçün nəzərdə tutulan dövlət büdcəsi əhəmiyyətli şəkildə sosialyönümlülüyünü qoruyacaq:  "Azərbaycanda bu kimi addımlar mütəmadi xarakter daşıyır. 2019-cu ildə vətəndaşların sosial rifahının yüksəldilməsi üçün  iki sosial islahat zərfi qəbul olunaraq icra edilmişdi. Bunun nəticəsində isə müavinət və təqaüdlərin məbləğinin orta hesabla 92 faizi,  əmək pensiyasının minimum məbləğinin isə 72 faizi artmışdı. Bu islahat nəticəsində 2018-ci ilin əvvəli ilə müqayisədə orta aylıq nominal əməkhaqqında  39 faiz artım müşahidə olunmuşdu. Bu islahatlar pandemiya dövründə də davam etdirilib," – deyən millət vəkili əlavə edib ki, dünyada gedən bir sıra iqtisadi-siyasi proseslər qlobal miqyasda bazar qiymətlərinin artımına, idxal olunan məhsulların əmtəə göstəricilərinin yüksəlməsinə yol açıb. Bu baxımdan, 2022-ci il üçün nəzərdə tutulan dövlət büdcəsində müvafiq olaraq əməkhaqqlarının və pensiyaların artırılması ilə bağlı təkliflərin hazırlanması ortaya çıxa biləcək problemlərin həllində əsaslı rola malik olacaq.

Pərviz Sadayoğlu

Paylaş
Baxılıb: 145 dəfə

Xəbər lenti

Hamısına bax

Prezident bu gün

04 Dekabr 00:11

Prezident bu gün

03 Dekabr 09:59

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31