Azərbaycanın maliyyə-bank sistemi sağlam və rəqabətə dözümlüdür

Bakı:

19 °C

63 %

9 m/s

Əlaqə

AZ RU EN

Ana səhifə / İqtisadiyyat / Azərbaycanın maliyyə-bank sistemi sağlam və rəqabətə dözümlüdür

Azərbaycanın maliyyə-bank sistemi sağlam və rəqabətə dözümlüdür

20.08.2010 [09:59]

“Muds” beynəlxalq reytinq agentliyi respublikamızın bank sektorundakı vəziyyəti sabit qiymətləndirib
2010-ci ilin baş vurduğumuz aylarında respublikamızda müşahidə olunan yüksək inkişaf dinamikası beynəlxalq maliyyə qurumlarının və reytinq agentliklərinin Azərbaycanla bağlı yeni nikbin proqnozlar səsləndirməsinə səbəb olub. Dünyanın tanınmış reytinq agentliyi “Muds” (“Moody’s Investors Service”) respublikamızın maliyyə və bank sistemindəki vəziyyətin normal olduğunu bildirib və ümumilikdə bank sektoruna pozitiv qiymət verib. Təşkilat Azərbaycanın bank sistemi üzrə proqnozunu “sabit” dəyərləndirib.
“Muds”un ekspertlərinin qənaətinə görə, Azərbaycan bankları ötən müddət ərzində böhrana qarşı dözümlülük nümayiş etdirib və likvidliyini qoruyub saxlaya bilib. 2009-cu ildə dünya maliyyə-bank sistemində qlobal resessiyaların kəskin xarakter aldığı dövrdə belə Azərbaycanın bank sektoru xarici təsirlərə dözümlülük nümayiş etdirib, xüsusilə də, ilin ikinci yarısından başlayaraq bank-maliyyə sektorunda sabitliyin dərinləşməsi müşayiət olunub. Azərbaycan bankları öz daxili və xarici maliyyələşmə mənbələrini bərpa etməklə yanaşı, ötən il 1,2 milyard dollar həcmində xarici borcu geri ödəməklə inkişafı davam etdirib, aktivlərinin həcmini 9 faizə yaxın artırmağa nail olub. Azərbaycanın bank sistemi öz öhdəliklərinin təxminən 80 faizi səviyyəsində likvid aktivlərə malikdir ki, bu da minimal normadan 30 faiz çoxdur.
Reytinq agentliyi bu fikirdədir ki, Azərbaycan hökumətinin həyata keçirdiyi effektiv siyasət maliyyə sabitliyinin möhkəmlənməsinə səbəb olub ki, bu da bankların sağlam fəaliyyəti üçün stimul verib. Eyni zamanda, ölkədə müşahidə olunan sabit makroiqtisadi mühit bank sistemində də dinamikaya təsir göstərib, iqtisadiyyatda artım templərinin əldə olunmasında banklar rol oynayıb. “Moods” ekspertlərinin fikrincə, son bir ildə Azərbaycan banklarının aktivlərinin keyfiyyəti və likvidliyində sabitləşmə müşahidə olunub, əksər bankların gəlirliliyi artıb, divident əldə etmək imkanları yüksəlib. Bundan başqa, bankların iqtisadiyyata kredit qoyuluşlarında payı da artmaqdadır.
ümumilikdə, maliyyə-bank sistemindəki mövcud tendensiyanı müsbət dəyərləndirən beynəlxalq reytinq agentliyi bankların kapitallaşmasını təqdir edib və onların aktiv maliyyə qurumu kimi fəaliyyətinin genişlənməsi qənaətinə gəlib. Bütün bu amilləri nəzərə alan “Muds” Azərbaycanın bank sektoru ilə bağlı müsbət rəy verib. “Muds”in aparıcı analitiki və hazırlanan hesabatın müəllifi Lev Dorf bildirib ki, ölkəmizin iqtisadi, invesitisiya, maliyyə sabitliyinin dözümlü olması iqtisadiyyatın inkişaf dinamikasının stabil artım templəri ilə davam etməsinə əlverişli zəmin yaradıb.
İqtisadiyyatın maliyyə vəsaitlərinə olan ehtiyacının ödənilməsində fəallığını artıran banklar ötən il makroiqtisadi pozitivliyin yüksəlməsinə öz töhfəsini verib. 2009-cu ildə olduğu kimi, 2010-cu ilin birinci yarısında da bankların bir çox göstəricilər üzrə vəziyyəti yaxşılaşıb. Məsələn, bu ilin ötən dövrü ərzində bankların aktivləri 4,4 faiz, kredit portfeli isə 5,2 faiz artıb. Həmçinin, əhalinin banklara yerləşdirdiyi əmanətlərinin artımı 9,8 faiz olub. Lev Dorf bank sektorunda maliyə sabitliyinin möhkəmləndirilməsində və bu sahədə nəzarət və tənzimləmə siyasətinin təkmilləşdirilməsində Mərkəzi Bankın attdığı addımları da təqdir edib. Xüsusilə də, 2010-cu ilin əvvəllərindən bank sistemində maliyyə ehtiyatlanması və kapitallaşma siyasətinin davam etdirilməsi, likvidlik göstəricilərinin artırılması, kredit portfelinin keyfiyyətinə nəzarətin gücləndirilməsi, risk potensialının artırılması ilə bağlı həyata keçirilən siyasət yüksək qiymətləndirilir.
Mərkəzi Bankın uçot dərəcələrini, faiz dəhlizinin parametrlərini və məcburi ehtiyat normalarını dəyişməz saxlaması, manatın məzənnəsinin sabit səviyyədə saxlanmasına yönəlmiş siyasəti davam etdirməsi müsbət qiymətləndirilib. İnvestisiya mühitinin cəlbediciliyi, həmçinin, nizamnamə kapitalı xarici ölkələrə məxsus olan bankların da fəaliyyətinə mühüm təsir göstərib, onların kredit qoyuluşlarında və iqtisadiyyatın müxtəlif sahələrinə dəstəyində payı artıb. Məsələn, 2009-cu ildə xarici kapitalın iştirakı ilə yaradılan bankların Azərbaycan iqtisadiyyatına yatırdığı vəsaitlər 2 milyard manatı keçib ki, bu da ümumi kreditlərin 25 faizi deməkdir. Bu ilin birinci yarısında isə bu rəqəm 1 milyard manatdan xeyli artıq olub. “Muds” bunu xarici maliyyə qurumlarının Azərbaycan iqtisadiyyatına, investisiya bölmələrinə olan dərin inam və etibarın əyani təzahürü kimi səciyyələndirir.
Elbrus CƏFƏRLİ

Paylaş:

Baxılıb: 1590 dəfə