Heydər Əliyev
yeni azerbaycan logo

Ana səhifə / Maraqlı / ABŞ-da 43 il günahsız yerə həbsdə olan şəxs azadlığa çıxıb!

ABŞ-da 43 il günahsız yerə həbsdə olan şəxs azadlığa çıxıb!

24.11.2021 [12:13]

 

1979-cu ildə 18 yaşında həbs olunan Kevin Striklend 43 ildən sonra azadlığa çıxıb. yeniazerbaycan.com Türkiyənin “Hürriyyət” qəzetinə istinadən xəbər verir ki, ABŞ-ın Kanzas-Siti şəhərində üç qətlə görə günahsız yerə məhkum olunaraq 43 il həbsdə olan Kevin Striklend, nəhayət azadlığına qovuşub. İndi 62 yaş olan K.Striklend 18 yaşında həbsxanadan çıxanda "Bu günün gələcəyinə inanmazdım", -deyə bildirib.

K.Striklendin haqsız yerə məhkum edilməsi ABŞ-ın tarixində 7-ci, Missuri ştatının tarixində ən uzun müddət qanunsuz məhkumluq çəkən şəxs olub. Lakin Kanzas-Siti şəhərinin yerləşdiyi Missuri ştatının qanunlarına görə, bədbəxt adam uzun illər ərzində günahsız məhkumluq həyatı yaşadığına görə heç bir təzminat tələb edə bilməyəcək. 15 min 487 gün həbsdən sonra azadlığa çıxan K. Striklendin vəkillərindən biri deyib: “Əlbəttə, biz sevinirik, amma heç kim ona həbsxanada keçirdiyi illəri qaytara bilməz. Üstəlik, Kevin bir qəpik belə təzminat ala bilməyəcək”.

Xatırladaq ki, 1979-cu ildə Kevin Striklend 3 cinayət işinə görə ömürlük həbs cəzasına məhkum edilib. 43 ildən sonra "sözügedən cinayətləri törətdiyinə dair heç bir dəlil olmadığı" əsas gətirilərək bəraət alıb.

K.Striklend məhkəmədə sözügedən qətllərin baş verdiyi gecə evdə olduğunu, bütün gecəni televizora baxdığını söyləsə də, məhkəməni buna inandıra bilməyib.

Paylaş
Baxılıb: 55 dəfə

Xəbər lenti

Hamısına bax
ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30