Heydər Əliyev
yeni azerbaycan logo

Ana səhifə / Mədəniyyət / “Kremerata Baltika” kamera orkestri Heydər Əliyev Mərkəzində

“Kremerata Baltika” kamera orkestri Heydər Əliyev Mərkəzində

02.12.2021 [14:09]

Heydər Əliyev Mərkəzində “Qremmi” mükafatı laureatı “Kremerata Baltika” kamera orkestrinin konserti olub.

AZƏRTAC xəbər verir ki, klassik musiqi gecəsində Əməkdar artist Fuad İbrahimovun dirijorluğu ilə Nino Rota, Frederik Şopen, Feliks Mendelsonun əsərləri səsləndirilib.

Konsertdə solistlər- beynəlxalq müsabiqələr laureatı Georgiy Osokin (fortepiano), Əməkdar artist Elvin Hoca Qəniyev (skripka) çıxış ediblər.

Həzin musiqi, simli alətlərin harmonik ifası, akustika gecəyə xüsusi ab-hava qatıb.

“Nizami Gəncəvi İli” çərçivəsində keçirilən konsert proqramında həmçinin Fikrət Əmirovun “Nizami” simfoniyası da yer alıb. Sonda səsləndirilən Fikrət Əmirovun “Nizami” simfoniyası tamaşaçılarda fəxarət hissi doğurub. Qeyd edək ki, Fikrət Əmirov Nizami Gəncəvinin xatirəsinə həsr edilmiş simfoniyanı şairin anadan olmasının 800 illiyi münasibətlə yazıb. Bəstəkar simfoniya üzərində dəfələrlə işləyib. Simfoniyada Nizaminin ümumiləşmiş obrazı yaradılıb. Bəstəkar şairin obrazına ehtiramla yanaşıb və ona xüsusi münasibət bəsləyib ki, bu da əsərə səmimilik, incəlik, gənclik təravəti, lirik hərarət və romantik ruh verib. Eyni zamanda, simfoniya özünün fəlsəfi mənası və lakonik ifadə tərzi ilə diqqəti cəlb edir. Buna görə də musiqidə ifadə olunan gizli hisslər, düşüncələr, əhvalatlar da təbii qavranılır. Elə bu səbəblərdən də simfoniya hər dəfə səslənəndə dinləyici qəlbini riqqətə gətirir.

Xatırladaq ki, dünyada məşhur olan skripka ifaçısı Gidon Kremer 1997-ci ildə yaratdığı “Kremerata Baltika” kamera orkestrinə Latviya, Litva və Estoniyadan olan 23 istedadlı gənc musiqiçini cəlb etmişdir. Kremerata Baltika” ilk dəfə 1997-ci ildə Avstriyada keçirilən “Lokenhaus” festivalındakı çıxışı ilə yadda qalıb. Tamaşaçıların rəğbətini qazanan musiqi kollektivi dünyada fərqli ifaları ilə seçilir. Bu gün Avropanın tanınmış orkestrlərindən olan “Kremerata Baltika” dünyanın 50-dən çox ölkəsində, 600 şəhərində mindən çox konsert proqramı ilə çıxış edib.

Paylaş
Baxılıb: 223 dəfə

Xəbər lenti

Hamısına bax

Siyasət

Siyasət

Sosial

Xəbər lenti

Yeni texnologiyalar

Xəbər lenti

Siyasət

Müsahibə

Xarici siyasət

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31