Seçki həftəsinin texniki qüsurları

Bakı:

16 °C

72 %

4 m/s

Əlaqə

AZ RU EN

Ana səhifə / Siyasət / Seçki həftəsinin texniki qüsurları

Seçki həftəsinin texniki qüsurları

11.06.2024 [10:50]

“Qoca qitə”də islamofobiya genişlənəcək

Ötən həftə Avropa Parlamentinə səsvermə prosesi bir sıra reallıqları yenidən göz önünə çıxardı - “qoca qitə”nin hər yerdə “axtardığı” ideal seçki prosesinin ən kiçik zərrəsi belə son səsvermədə tapılmadı. Ayrı-ayrı ölkələrin “təcrübəsinə” baxıldıqda ideoloji mənzərəni belə təsvir etmək mümkündür - Avropa özünün tənəzzülünü yeni sağ mərkəzçi qrupların qələbəsi, ultramillətçilərin önə çıxması ilə “refreş” etməkdədir. Bu isə nəticə etibarı ilə yeni dönəmdə islamofobiyanın, irqi ayrı-seçkiliyin, dözümsüzlüyün fərqli istiqamətlərdə daha yüksək sürətlə yayılmasına yol açacaq. Onsuz da, Fransa və bu kimi ölkələrdə miqrantlara münasibətdə “Avropa avropalılar üçündür” şüarının səsləndirilməsi və ideoloji əsasa çevrilməsi, fərqli irqə mənsub insanların səbəbsiz şəkildə təqib olunması, hətta qətlə yetririlməsi kimi presedentlər adi hal almışdı - artıq, bu addımlar “hakimiyyət ideologiyası ilə səsləşdiyi” üçün heç kimə təəccüblü görünməyəcək.

Sağ mərkəzin “pirr qələbəsi”...

Bəli, seçkilərin nəticələri gözlənildiyi formadadır - onsuz da Avropa Parlamentinə (AP) seçkilər öncəsi ekspertlərin verdikləri proqnozlar heç də nikbin nəticələrə söykənmirdi. Son aylarda, hətta illərdə Avropa Parlamenti üçün spesifikləşmiş korrupsiya və rüşvət qalmaqalları, qərəzli “lobbiçilik” seçkilərin nəticələri üçün “məşq” kimi xarakterizə olunurdu. Başqa sözlə, bəzi deputatların növbəti “seçki siyahısı”nda təmsil olunmaq üçün xüsusilə fəal erməni lobbisinə boyun əydiyi, qərəzli çıxışlar etməsi, hətta qondarma qətnamələrə “qol çəkməsi” belə gözə dəyirdi. Bu isə seçkinin nəticələri ilə bağlı ürəkaçan vədlər ortaya qoymurdu.

Nəhayət ki, başa çatan seçkilərin nəticələri hər şeyi ortaya qoyur - Almaniyada belə ifrat sağçı partiya olan “Almaniya üçün alternativ” səslərin 16 faizə yaxınını qazanaraq Avroparlamentdə 15 yer qazanıb. Belçikada isə mandatların 3-nü sağçılar, 3-nü isə liberallar qazanıb. Hətta baş nazir Aleksandr De Kros seçkilərdən sonra istefa verib. İspaniyada isə sağ mərkəzçi müxalif partiya Xalq Partiyası avroparlamentdə 22 deputatla təmsil olunmaq haqqını əldə edib. Siyahıdakı dövlətlərə ayrı-ayrılıqda baxdıqda bir daha bəlli olur ki, seçkilərin nəticələri Avropa üçün nələr vəd edir...

Seçki pozuntuları...

Seçkilər həm də çoxsaylı texniki qüsurları ilə yadda qalıb. Məsələn, xarici mətbuatın məlumatına görə, Estoniyada onlayn səsvermə saytlarında texniki nasazlıqlar baş verib. Yüklənmə üçün lazım olan proqramla bağlı problem yaranıb. Seçki idarəetmə xidmətinin bəzi funksionerləri bununla bağlı açıqlama vermək məcburiyyətində qalıblar.

Ən böyük texniki problemlər isə Belçikada yaşanıb. Ölkə sakinləri Avropa Parlamentinə və ölkənin federal parlamentinə seçkilər zamanı problemlə üzləşiblər. Bu barədə DHnet portalı məlumat yayıb. Vurğulayaq ki, qanuna görə, seçicilər çağırış vərəqəsi ilə seçkilərə dəvət olunur - Belçikada seçkilərdə iştirak məcburidir və bu qaydanın pozulması birinci buraxılmaya görə 80 avroya, dördüncü və sonrakılara görə 2 min avroya qədər cərimə ilə cəzalandırılır. Bu norma bütün səviyyədə seçkilərə aiddir. Amma şəhər kənarında yaşayan şəxslərə verilən dəvətnamələr Belçikada xüsusilə çoxluq təşkil edən ilbizlər (molyuksklar) tərəfindən yeyilib. Beləliklə, bir çox seçiciyə verilən səsvermə kağızı ünvanına belə çatmayıb. Eyni zamanda, seçkinin gedişi müddəttində kompüterlər söndürülüb. Bir neçə dəfə baş verən bu hadisə zamanı həm səsvermə prosesi dayanıb, həm də sosial şəbəkələrdə yayılan məlumatlara görə, rəqəmlərdə dəyişikliklər hiss edilib. Bu isə nəticə etibarı ilə seçkilərin şəffaflığına kölgə salan amil kimi qeydə alınıb.

SADİQ

Paylaş:

Baxılıb: 673 dəfə