Mübariz Qurbanlı: Ulu öndər Heydər Əliyev müstəqil dövlətçiliyin təməl prinsiplərini müəyyənləşdirib

Bakı:

25 °C

69 %

10 m/s

AZ RU EN

Ana səhifə / Siyasət / Mübariz Qurbanlı: Ulu öndər Heydər Əliyev müstəqil dövlətçiliyin təməl prinsiplərini müəyyənləşdirib

Mübariz Qurbanlı: Ulu öndər Heydər Əliyev müstəqil dövlətçiliyin təməl prinsiplərini müəyyənləşdirib

12.12.2013 [09:40]

“Ulu öndər Heydər Əliyevin Azərbaycanda siyasi hakimiyyətə gəlişinin iqtisadi, siyasi, soisal, mənəvi, psixoloji, ideoloji əhəmiyyəti var”. Bunu “Trend”-ə Yeni Azərbaycan Partiyası (YAP) İcra katibinin müavini, millət vəkili Mübariz Qurbanlı deyib.
M.Qurbanlı qeyd edib ki, Ulu öndər Heydər Əliyevin hakimiyyətə gəlişi ölkəmizi yalnız iqtisadi cəhətdən irəli aparmadı, eyni zamanda, Azərbaycan xalqının mənəvi aləmində, psixoloji durumunda, milli şüurunda böyük təkamülün, böyük dəyişikliyin yaranmasına gətirib çıxartdı: “Bu addımlar həm 1969-1982, həm də 1982-87-ci illərdə atılıb, xüsusilə 1993-2003-cü illərdə müstəqil dövlət quruculuğu istiqamətində həyata keçirdiyi siyasətdə Ulu öndər Heydər Əliyev müstəqil dövlətçiliyin təməl prinsiplərini müəyyənləşdirib. Bu prinsiplər bu gün də Azərbaycan üçün, Azərbaycan xalqı üçün çox önəmlidir və hesab edirəm ki, bu prinsiplər gələcəkdə də xalqımız tərəfindən daim istifadə olunacaq”.
M.Qurbanlı vurğulayıb ki, Ulu öndər Heydər Əliyevin həyat amalı, zaman və məkan anlayışına sığmayan siyasi fəaliyyətinin əsas məqsədi azad və müstəqil dövlət qurmaq idi: “Tarixə müasir Azərbaycanın memarı olaraq düşən Ümummilli lider Heydər Əliyev hər zaman Azərbaycanı özünə güvənən qüdrətli bir ölkəyə çevirmək istəyirdi. Bu yolda qəti addımlar atır, əməli işlər görür, özünün iqtisadi inkişaf yolunda olan Azərbaycanın etibarlı, sağlam gələcəyini qururdu. Xalq Onu sevir, parlaq zəkasını qiymətləndirir və öz liderinə, Onun yeritdiyi siyasi kursa inanaraq ardınca gedirdi”.
YAP İcra katibinin müavini qeyd edib ki, Azərbaycanın dövlət müstəqilliyinin bərpası ərəfəsində gedən prosesdə Heydər Əliyev tarixi şəxsiyyət, lider olaraq Azərbaycan xalqının taleyinə təsir göstərən əhəmiyyətli addımlar atdı: “1993-cü ilin yayında Azərbaycan “olum, ya ölüm” dilemması qarşısında qaldığı bir vaxtda xalqın təkidlə Heydər Əliyevin hakimiyyətə qayıtmasını tələb etməsi heç də təsadüfi deyil. Həmin il iyunun 15-də müdrik siyasətçinin, təcrübəli dövlət xadiminin hakimiyyətə tarixi qayıdışı ilə Azərbaycan tarixinin Heydər Əliyev dövrünə, özünün yeni, daha əzəmətli mərhələsinə qədəm qoydu. Bu qayıdışla ölkənin ictimai-siyasi, sosial-iqtisadi, elmi-mədəni həyatında, beynəlxalq əlaqələrində dönüş yarandı, elmi əsaslara, beynəlxalq norma və prinsiplərə uyğun şəkildə müstəqil dövlət quruculuğu prosesi başlandı. Beləliklə, Ümummilli lider Heydər Əliyevin birinci hakimiyyəti ölkənin formalaşdırılmasına hesablanmışdısa, Onun ikinci hakimiyyəti əsl qurtuluş oldu”.

Paylaş:

Baxılıb: 1156 dəfə