Dövlət Sosial Müdafiə Fondunun təqdim etdiyi elektron xidmətlərdən ümumilikdə 700 minə yaxın vətəndaş yararlanıb

Bakı:

24 °C

78 %

10 m/s

AZ RU EN

Ana səhifə / Siyasət / Dövlət Sosial Müdafiə Fondunun təqdim etdiyi elektron xidmətlərdən ümumilikdə 700 minə yaxın vətəndaş yararlanıb

Dövlət Sosial Müdafiə Fondunun təqdim etdiyi elektron xidmətlərdən ümumilikdə 700 minə yaxın vətəndaş yararlanıb

08.03.2014 [09:56]

“Elektron hökumət” portalının statistikasına əsasən Dövlət Sosial Müdafiə Fondunun (DSMF) göstərdiyi elektron xidmətlər qısa müddət ərzində ən çox istifadə olunan xidmətlər sırasında ilk yerləri tutub. Fond müntəzəm olaraq elektron xidmətlərin ayrı-ayrı bölgələrdə təşviqi və onlardan istifadə sahəsində maarifləndirmə xarakterli regional təqdimatlar reallaşdırır. Növbəti belə tədbir mart ayının 7-də Qubada keçirilib.
AzərTAc xəbər verir ki, “Elektron xidmətlər şəffaflığın əsas vasitəsidir” adlı regional təqdimatda Quba, Qusar, Xaçmaz, Şabran, Siyəzən və Xızı rayonlarından olan sığorta ödəyiciləri və pensiyaçılar iştirak ediblər. DSMF-nin pensiya sənədləri və müraciətlərlə iş şöbəsinin müdiri Famil Qədimov çıxış edərək bildirib ki, bu gün Azərbaycanın sığorta-pensiya sistemi ölkə əhalisinin 40 faizindən çoxunu əhatə edir. Fondun mərkəzi məlumat bazasında 1 milyon 276 min nəfər pensiyaçı və 2 milyon 691 min nəfər sığortaolunan barədə müvafiq məlumatlar toplanıb. Ötən il ərzində DSMF-nin həm öz saytı (www.dsmf.gov.az), həm də “elektron hökumət portalı” (www.e-gov.az) vasitəsilə əhaliyə təqdim etdiyi elektron xidmətlərdən ümumilikdə 700 minə yaxın vətəndaş yararlanıb. Hazırda Azərbaycanda müasir avtomatlaşmış əsaslarla fəaliyyət göstərən sığorta-pensiya sistemi mövcuddur və informasiya texnologiyalarının uğurlu tətbiqi nəticəsində Fond tərəfindən əhaliyə təqdim olunan elektron xidmətlərin sayı 19-a çatdırılıb.
F.Qədimov qeyd edib ki, hazırda bütün ölkə üzrə iri və orta sahibkarlardan hesabatların tam elektron qaydada qəbul edilməsi təmin olunub. “Məcburi dövlət sosial sığortası üzrə hesabatların (B1, B2) və məcburi dövlət sosial sığorta haqqı üzrə sığortaolunanlar haqqında məlumatın (B3) elektron formada qəbuluII adlı elektron xidmət sığortaedənlərlə DSMF orqanları arasında münasibətlərin sadələşdirilməsinə imkan yaradıb, sığorta-pensiya sistemində şəffaflığın daha da artırılmasını təmin edib. Bununla yanaşı, DSMF-nin yerli şöbələrində öz hesabatlarını elektron formada təqdim etməkdə çətinliklə üzləşən sahibkarlara və torpaq mülkiyyətçilərinə kömək məqsədilə “Yardım masa”ları fəaliyyət göstərir.
Bildirilib ki, məcburi dövlət sosial sığorta haqlarının ödənişi real vaxt rejimində onlayn həyata keçirilir. Yaradılmış müasir məlumatlandırma sistemi vasitəsilə istənilən sığortaolunan hər ay üzrə ödənilən məcburi dövlət sosial sığortası barədə məlumatlar almaq və öz pensiya kapitalına nəzarət etmək imkanı qazanır.
Fondun internet səhifəsində yaradılmış müştəri xidmətləri sisteminə daxil olmaqla, hər kəs öz pensiyasını hesablaya bilər. Həmçinin pensiya yaşına çatmış hər bir vətəndaş heç bir sənəd toplamadan və vaxt itirmədən “Çağrı Mərkəzi”nə zəng etməklə real vaxt rejimində dərhal pensiya təyinatı hüququnu reallaşdırmaq imkanına malikdir.
Təqdimat mərasimində DSMF-nin informasiya texnologiyalarının müdiri Sabir Qocayev Fondun elektron xidmətləri barədə slaydlar təqdim edərək, hər bir xidmət barədə ətraflı məlumat verib. Daha sonra iştirakçıları maraqlandıran suallar cavablandırılıb.

Paylaş:

Baxılıb: 1889 dəfə