YAP Sədrinin müavini-İcra katibi Əli Əhmədov Seyşel Adaları Respublikasının keçmiş prezidenti Sir Riçard Mançamla görüşüb

Bakı:

21 °C

56 %

7 m/s

AZ RU EN

Ana səhifə / Siyasət / YAP Sədrinin müavini-İcra katibi Əli Əhmədov Seyşel Adaları Respublikasının keçmiş prezidenti Sir Riçard Mançamla görüşüb

YAP Sədrinin müavini-İcra katibi Əli Əhmədov Seyşel Adaları Respublikasının keçmiş prezidenti Sir Riçard Mançamla görüşüb

15.03.2014 [10:43]

Dünən Yeni Azərbaycan Partiyası (YAP) Sədrinin müavini-İcra katibi, Baş nazirin müavini Əli Əhmədov ölkəmizdə səfərdə olan Seyşel Adaları Respublikasının keçmiş prezidenti Sir Riçard Mançamla görüşüb.
Qonağı salamlayan Əli Əhmədov onun Azərbaycana artıq ikinci dəfədir səfər etdiyini bildirib. Əli Əhmədov bu səfərin Azərbaycanla tanışlıq üçün qonağa yeni imkanlar yaradacağını qeyd edib.
“Siz təkcə təmsil olunduğunuz ölkədə deyil, həm də dünyada tanınan ictimai xadimlərdənsiniz. Sizin Azərbaycana olan xoş dostluq münasibətinizi yüksək qiymətləndiririk. Sizin ilk səfəriniz ötən ilin oktyabrında olub. Bu səfər zamanı siz Azərbaycanda keçirilən prezident seçkilərini beynəlxalq müşahidəçi kimi izləmisiniz. Bu seçkilərin nəticələri ilə bağlı obyektiv və müsbət rəy verdiyiniz üçün təşəkkür edirəm. Biz sizi Azərbaycanın dostu hesab edirik. Bildiyim qədər siz hələ gənc yaşlarınızdan ölkənizin baş naziri olmusunuz, müstəqillik qazandıqdan sonra isə həmin dövlətin ilk prezidenti seçilmisiniz, siyasi proseslərdə iştirak etmisiniz. Eyni zamanda, çox şadam ki, bir müddət öncə sizin rəhbəri olduğunuz jurnal Azərbaycan Prezidenti İlham Əliyevi “İlin adamı” elan etmişdi” - deyə, YAP Sədrinin müavini vurğulayıb.
Qonağa Azərbaycanın inkişafı haqqında ətraflı məlumat verən Əli Əhmədov bildirib ki, Prezident İlham Əliyevin rəhbərliyi ilə ölkədə həyata keçirilən islahatlar öz nəticəsini verib və Azərbaycan Cənubi Qafqazın lider dövlətinə çevrilib. “Neft gəlirlərinin səmərəli istifadəsi Azərbaycanın sosial-iqtisadi inkişafına mühüm töhfə vermişdir. Hazırda bir çox dünya dövlətləri iqtisadi böhrandan əziyyət çəkdiyi halda Azərbaycan dinamik şəkildə inkişaf edir” - deyə, Baş nazirin müavini vurğulayıb.
Səmimi görüşə görə minnətdarlığını bildirən Sir Riçard Mançam deyib ki, vaxtilə dünya iki qütbə bölünmüşdü. Onun sözlərinə görə, Qərb ölkələrinin və bu ölkələrlə əlaqədə olan dövlətlərin, o cümlədən Seyşel Adaları Respublikası ictimaiyyətinin SSRİ-nin tərkibindəki respublikalar haqqında məlumatı yox idi: “Azərbaycan müstəqilliyini bərpa etdikdən sonra isə dünyada tanınmağa başladı. Bu gün isə Azərbaycan müstəqil dövlət kimi özünü dünyanın siyasi arenasında təsdiq edə bilmişdir. Azərbaycanın demokratik inkişaf yolu tutması gələcəkdə onun daha da güclənməsinə gətirib çıxaracaq”.
Azərbaycanda böyük inkişafı müşahidə etdiyini söyləyən sabiq prezident ölkəmizə böyük maraq göstərdiyini vurğulayıb. O, bundan sonrakı fəaliyyəti zamanı da Azərbaycanın uğurlarını təbliğ edəcəyini deyib.
Görüşdə qarşılıqlı maraq doğuran məsələlərlə bağlı geniş fikir mübadiləsi aparılıb.
Görüşdə YAP İcra katibinin müavinləri, millət vəkilləri Siyavuş Novruzov və Mübariz Qurbanlı, partiyanın beynəlxalq əlaqələr şöbəsinin müdiri, millət vəkili Asəf Hacıyev iştirak ediblər.
N.BAYRAMLI

Paylaş:

Baxılıb: 916 dəfə