Ümummilli lider Heydər Əliyevin ömür yolu Vətənə xidmətin parlaq nümunəsinə çevrilib

Bakı:

22 °C

73 %

10 m/s

Əlaqə

AZ RU EN

Ana səhifə / Siyasət / Ümummilli lider Heydər Əliyevin ömür yolu Vətənə xidmətin parlaq nümunəsinə çevrilib

Ümummilli lider Heydər Əliyevin ömür yolu Vətənə xidmətin parlaq nümunəsinə çevrilib

06.05.2016 [10:18]

Mayın 5-də Qaradağ rayonunun Lökbatan qəsəbəsində yerləşən Heydər Əliyev Mərkəzində Ulu öndərin anadan olmasının 93-cü ildönümü ilə bağlı yığıncaq keçirilib.
Qaradağ rayon İcra Hakimiyyətindən AZƏRTAC-a bildiriblər ki, əvvəlcə tədbir iştirakçıları Ulu öndərin abidəsi önünə güllər düzüb, dahi şəxsiyyətə hörmət və ehtiramlarını bildiriblər.
Sonra Ümummilli liderin həyat yolu haqqında film nümayiş etdirilib.
Tədbirdə çıxış edən Qaradağ rayon İcra Hakimiyyətinin başçısı Süleyman Mikayılov bildirib ki, Ulu öndər Heydər Əliyev Azərbaycan tarixinə müstəqil dövlətçiliyin siyasi, iqtisadi əsaslarını yaradan, xalqın müstəqil və güclü dövlətə sahib olmaq arzusunu reallığa çevirən şəxsiyyət kimi düşüb.
“Yeni Azərbaycan” qəzetinin baş redaktoru, Milli Məclisin deputatı Hikmət Məmmədov deyib ki, dövlət idarəetmə sistemində davamlı uğur və nailiyyətlərə yol açan vacib amillərdən biri də siyasi varislik ənənələrinin təmin olunmasıdır. Azərbaycanda müstəqil dövlətçilik ənənələrini formalaşdıran Ulu öndərimiz müəllifi olduğu siyasi strategiyanın davamlılığını təmin edib. Ümummilli liderin inkişaf strategiyasını inamla davam etdirən Prezident İlham Əliyev Azərbaycanı Cənubi Qafqaz regionunun sürətlə inkişaf edən, sabit və qüdrətli dövlətinə çevirməyə müvəffəq olub.
YAP Qaradağ rayon təşkilatının sədri, Milli Məclisin deputatı Aydın Hüseynov Azərbaycanın son onilliklər ərzində qazandığı uğurların birbaşa Ulu öndər Heydər Əliyevin adı ilə bağlı olduğunu bildirib. Qeyd edib ki, bu gün Azərbaycanda həyata keçirilən böyük tədbirlər məhz Heydər Əliyevin ölməz ideyalarının həmişəyaşar, əbədi olduğunu bir daha sübut edir. Artıq ölkəmiz dünyada sayılıb-seçilən, hörmət edilən dövlətlərdən biridir. Prezident İlham Əliyevin yürütdüyü uğurlu siyasət nəticəsində tolerantlıq, sabitlik nümunəsinə çevrilən Azərbaycan getdikcə daha da çiçəklənir.
“Səs” Media Qrupun rəhbəri Bəhruz Quliyev müasir müstəqil Azərbaycanın memarı və qurucusu Heydər Əliyevin xalqımız qarşısında əvəzsiz tarixi xidmətlərindən danışıb. Bildirib ki, Azərbaycanın bugünkü inkişafı məhz Ulu öndər Heydər Əliyevin həyata keçirdiyi məqsədyönlü siyasətin bəhrəsidir.
Digər natiqlər də çıxışlarında Azərbaycanın son onilliklər ərzində qazandığı uğurların Ulu öndər Heydər Əliyevin həyat və fəaliyyəti ilə birbaşa bağlı olduğunu bildiriblər. Onun 1969-cu ildə Azərbaycana rəhbər seçilməsi əslində çağdaş tariximizə ölkəmizin sürətli və uzunmüddətli inkişafının əsasını qoyması kimi daxil olub. Azərbaycanın Ulu öndər Heydər Əliyevin adı ilə bağlı olan sürətli inkişafının bu gün də yüksək dinamika ilə davam etməsi o dövrdən başlayan yüksəliş strategiyasının böyük zaman kəsiyini əhatə edən dövlətçilik konsepsiyasını yerinə yetirdiyini qətiyyətlə sübut edir.
Ümummilli liderimiz Heydər Əliyev həmişə Azərbaycan xalqının mənafeyini düşünən bir öndər olub. Bu istiqamətdə apardığı ardıcıl və məqsədyönlü siyasət Onun bütün fəaliyyətinin əsasını təşkil edib.
Qeyd olunub ki, bu gün Azərbaycanda həyata keçirilən böyük tədbirlər məhz Heydər Əliyevin ölməz ideyalarının həmişəyaşar, əbədi olduğunu bir daha sübut edir. Ulu öndərimizin uzaqgörənliyi, müdrikliyi və fədakarlığı bu şəxsiyyəti təkcə Azərbaycan xalqının deyil, bütün dünya azərbaycanlılarının liderliyinə yüksəldib, ömür yolu isə Vətənə xidmətin parlaq nümunəsinə çevrilib.

Paylaş:

Baxılıb: 774 dəfə