Daşkənddəki səfirliyimizdə tədbir keçirilib

Bakı:

24 °C

64 %

7 m/s

Əlaqə

AZ RU EN

Ana səhifə / Siyasət / Daşkənddəki səfirliyimizdə tədbir keçirilib

Daşkənddəki səfirliyimizdə tədbir keçirilib

13.05.2009 [10:38]

ümumilli lider Heydər Əliyevin anadan olmasının 86-cı ildönümü ilə əlaqədar Azərbaycanın özbəkistandakı səfirliyində böyük mərasim keçirilib. Tədbirdə Azərbaycan Prezidenti Administrasiyası ictimai-siyasi şöbəsinin bölmə müdiri Qafar Əliyev, Milli Məclisin deputatı Vasif Əliyev, tarixçi alim Vəli Əliyev, “Yeni Azərbaycan” qəzetinin baş redaktoru Hikmət Babaoğlu, diasporumuzun üzvləri, jurnalistlər iştirak ediblər. Mərasim iştirakçıları Heydər Əliyevin səfirliyin foyesindəki abidəsi önünə əklillər və çiçək dəstələri qoyublar. Ulu öndərin xatirəsi bir dəqiqəlik sükutla yad olunub, ruhuna dua oxunub. Azərbaycanın özbəkistandakı səfiri Namiq Abbasov “Heydər Əliyevi tanıdığım 40 ilin 20-ni bu böyük şəxsiyyətlə bir yerdə işləmişik. O bütün varlığı ilə öz xalqına və millətinə bağlı idi. Müstəqil Azərbaycanın bu səviyyəyə çatmasında, dünya birliyi arasında öz layiqli yerini tutmasında ulu öndərin misilsiz xidmətləri danilmazdır. Böyük siyasi xadim hər kəslə, hər bir sənət sahibi ilə öz dili ilə danışmağı bacarırdı. Bu, hər adama nəsib olmur”, - deyib.
Qafar Əliyev deyib ki, Azərbaycanla özbəkistan arasında hərtərəfli əlaqələrin yüksək səviyyəyə çatmasında Heydər Əliyevin böyük xidmətləri var. Onun sözlərinə görə özbəkistan prezidenti İslam Kərimov Ermənistan-Azərbaycan, Dağlıq Qarabağ münaqişəsində Azərbaycanın haqq işini birmənalı şəkildə dəstəkləyən siyasi liderlərdən biridir. Q.Əliyev Azərbaycanın iqtisadi dirçəlişi haqqında da mərasim iştirakçılarına geniş məlumat verib. Milli Məclisin deputatı Vasif Əliyev qeyd edib ki, Heydər Əliyev hələ SSRİ dövründə Azərbaycanın rəhbəri işləyərkən ölkənin enerji təhlükəsizliyi sistemini yaradıb. O, Bakıda Dərin özüllər zavodunun tikintisinə nail olub və çoxsaylı belə layihələri həyata keçirib. SSRİ dövründə bu heç də asan məsələ deyildi.
Vəli Əliyev və Hikmət Babaoğlu ulu öndərin Azərbaycanın maddi mədəniyyət abidələrinin aşkar edilməsi və bərpası işindəki xidmətlərindən danışıb, Azərbaycan tarixi, ədəbiyyatı, mədəniyyətinin inkişafında Heydər Əliyev kursunun layiqli davamçısı Prezident İlham Əliyevin böyük işlər gördüyünü diqqətə çatdırıblar.
Azərbaycan Respublikasının xalq artist Zaur Rzayev öz ansamblının müşayiəti ilə muğam, xalq mahnıları və təsniflərimizi ifa edib. Mərasim iştirakçıları Heydər Əliyevin həyat və fəaliyyəti, Azərbaycan iqtisadiyyatının bugünkü vəziyyəti ilə əlaqədar kitablardan ibarət sərgiyə də baxıblar.

Paylaş:

Baxılıb: 1510 dəfə