Antimilli ünsürlər xalqımızın hansı faciələri yaşamasına səbəb olduqlarını unutmamalıdırlar

Bakı:

24 °C

64 %

8 m/s

Əlaqə

AZ RU EN

Ana səhifə / Siyasət / Antimilli ünsürlər xalqımızın hansı faciələri yaşamasına səbəb olduqlarını unutmamalıdırlar

Antimilli ünsürlər xalqımızın hansı faciələri yaşamasına səbəb olduqlarını unutmamalıdırlar

19.08.2021 [09:50]

Hər zaman dövlətimizə və xalqımıza qarşı fəaliyyəti ilə “fərqlənən” radikal müxalifət öz xislətindən əl çəkmir. Dağıdıcılar bu dəfə də Vətən müharibəsindəki tarixi qələbəmizi hədəfə alıblar. Lakin “ayıbına kor olmaq” əvəzinə yenidən çirkin yalanlarla özünü siyasət meydanına atmağa cəhd göstərənlər - radikal düşərgə təmsilçiləri unudurlar ki, Vətən müharibəsi zamanı minlərlə igid oğullarımızın qanı bahasına işğaldan azad edilmiş torpaqlar 29 il əvvəl məhz onların hakimiyyət hərisliyinin qurbanına çevrilmişdi. Məhz Şuşa şəhərinin, ardından isə Laçın rayonunun ermənilər tərəfindən işğal olunmasına şərait yaradan AXC-”Müsavat” cütlüyü bundan “tramplin” kimi istifadə edərək silahlı çevriliş nəticəsində hakimiyyəti qəsb etmişdi. Bu isə Azərbaycan xalqına edilmiş bir xəyanət idi. Bu cütlük tərəfindən atılan növbəti addım isə 1993-cü ilin aprelində Kəlbəcərin xəyanət nəticəsində düşmənə təslim edilməsi oldu. Yeri gəlmişkən, bu günlərdə Kəlbəcər və Laçın rayonlarına səfəri çərçivəsində Kəlbəcər şəhərində Dövlət bayrağının ucaldılması mərasimində çıxış edən Prezident İlham Əliyev vurğulayıb ki, Kəlbəcərin işğal altına düşməsi xalqımızın böyük faciəsi idi. Çünki Laçın və Şuşa 1992-ci ilin may ayında işğal altına düşəndən sonra ermənilərin növbəti hədəfi Kəlbəcər idi. Şuşa və Laçının işğalı ilə bağlı artıq Azərbaycanda çox dəqiq təsəvvür var. Hər kəs bilir ki, Şuşa və Laçının işğala məruz qalması AXC-”Müsavat” cütlüyünün xəyanəti nəticəsində baş vermişdir.

Məsələ ilə bağlı fikirlərini bölüşən Milli Məclisin deputatı, YAP İdarə Heyətinin üzvü Şahin İsmayılov bildirib ki, 1990-cı illərin əvvəlində Azərbaycanda gedən hakimiyyət uğrunda mübarizədə qalib gəlmək üçün AXC - “Müsavat” cütlüyü hər bir xəyanətə imza atmağa hazır idi. 1992-ci ildə Şuşa və Laçın indiki radikal müxalifətin vəzifə hərisliyi ucbatından işğal edildi: “Beləliklə AXC-”Müsavat” cütlüyü silahlı dövlət çevrilişi nəticəsində hakimiyyətə gəldi. Məhz onların yaratdığı xaos, siyasi böhran, özbaşınalıq 1993-cü ilin aprelində Kəlbəcərin də ermənilər tərəfindən işğal edilməsi ilə nəticələndi. Avqustun 16-da Kəlbəcər şəhərində Dövlət bayrağının ucaldılması mərasimində çıxış edən Prezident İlham Əliyev bildirib ki, Şuşa və Laçının işğal altına düşməsi sırf AXC-”Müsavat” cütlüyünün xəyanətidir, satqınlığıdır. Kəlbəcər rayonu işğal altına düşəndə artıq AXC-”Müsavat” cütlüyü öz çirkin məqsədlərinə çatmışdı, hakimiyyətdə idi. Bəli, bugünkü nəsil o tarixi oxumalıdır, öyrənməlidir. Vətən müharibəsindəki qələbəmizə qara yaxmaq istəyənlər, antimilli ünsürlər xalqımızın hansı faciələri yaşamasına səbəb olduqlarını unutmamalıdırlar”.

Milli Məclisin deputatı Vüqar İskəndərov da Vətən müharibəsi zamanı igid oğullarımızın qanı bahasına işğaldan azad edilmiş torpaqların 29 il əvvəl məhz indiki radikal müxalifət təmsilçilərinin hakimiyyət hərisliyinin qurbanına çevrildiyini diqqətə çatdırıb. Millət vəkilinin sözlərinə görə, avqustun 16-da Kəlbəcər şəhərində Dövlət bayrağının ucaldılması mərasimində çıxış edən Prezident İlham Əliyev bildirdi ki, Kəlbəcər 1993-cü il aprel ayının əvvəlində işğal altına düşmüşdü və bunun da günahkarı AXC-”Müsavat” cütlüyüdür, AXC-”Müsavat” hakimiyyətidir. Onların xəyanətkar, satqın, antimilli hakimiyyəti Kəlbəcərin işğalını şərtləndirdi: “Görünən isə budur ki, 1990-cı illərin əvvəlində Azərbaycan torpaqlarının işğalına rəvac verən bugünkü radikal müxalifət ötən müddətdə baş verənlərdən nəticə çıxarmayıb, əksinə, İkinci Qarabağ müharibəsindən sonra da ordumuza, haqq işimizə şər ataraq düşmən “dəyirmanına su tökürlər”. Bu da onların xəyanətkar xislətlərindən heç zaman əl çəkməyəcəklərini bir daha təsdiqləyir”.

Pərviz SADAYOĞLU

Paylaş:

Baxılıb: 668 dəfə