Həqiqəti söyləməyin bədəli

Bakı:

13 °C

82 %

3 m/s

Əlaqə

AZ RU EN

Ana səhifə / Siyasət / Həqiqəti söyləməyin bədəli

Həqiqəti söyləməyin bədəli

14.08.2010 [09:05]

Yaxud da Mirşahin Ağayev özündə vətəndaşlıq borcu hiss edərək “Bədbəxt adam” filmi ilə əsl həqiqətləri bir daha xalqımıza çatdırmaq istəyib
Artıq bir neçə gündür ki, Mirşahin Ağayev bəzi qələm əhlinin və bəzi dairələrin hədəfinə tuş gəlib. Buna səbəb isə, ANS TV-də nümayiş etdirilən və Eynulla Fətullayevə həsr olunmuş “Bədbəxt adam” adlı sənədli filmidir.
Xatırladaq ki, sözügedən filmdə E.Fətullayevin jurnalist fəaliyyəti, ermənilərə simpatiyası, onun məhbusluğu, Avropa İnsan Haqları Məhkəməsinə qədər gedən işi barədə fikirlər öz əksini tapıb. Lakin nədənsə bu film bəzi kəsimlərin narazılığına səbəb olub və bir neçə gündür ki, müxalifət mətbuatı narazıların fikirlərini dərc etməkdədir.
Bu qüvvələr məsələni o qədər aktuallaşdırırlar ki, sanki işğal altındakı Dağlıq Qarabağa səfər edərək, separatçıların rəhbərləri ilə canı-dildən söhbət edən, Xocalıdakı soyqırımı ermənilərin deyil, azərbaycanlıların törətməsi haqqında yalan iddianı qələmə almağa özündə cəsarət tapan Eynulla Fətullayevin əməlləri haqqında film çəkməklə Mirşahin Ağayev cinayət edib. Halbuki, bu gün ölkəmizin gələcəyini düşünən hər bir azərbaycanlı filmdə əksini tapan məqamların bir daha xatırlanmasına görə, Mirşahini təqdir etməlidir ki, bu cür filmlər, bu cür xatırlatmalarla bizlər özümüzü daha yaxından tanıya bilirik.
Və yaxud Mirşahin Ağayevin öz dili ilə desək onun E.Fətullayev barədə filmi- “Bədbəxt adam”- deyəsən doğru anlaşılmayıb. Əgər anlaşılsaydı bəlkə də o zaman narazılar kimi təqdim olunan qüvvələr reallıqla barışmalı olardılar. çünki Mirşahin özünün də qeyd etdiyi kimi, həmin filmdə “Eynullanı jurnalist hesab etmədiyini” deyib. Yeri gəlmişkən, Mirşahin “Onu dəqiq və qərəzsizliyə öyrədə bilmədiyimizdən işdən govmuşuq.. özü də mən!!! Şəxsən mən govmuşam! Bu da faktdır”, “Anarı müdafiə edirəm. Və mənə elə gəlir ki, Azərbaycana Eynullalar yox Anar kimi insanlar lazımdır. Anar DƏYƏRDİ. Eynullaya isə... dəyməz!”, “Eynulladan tarixdə nə qalacaq! Azərbaycana qarşı iş. Anardan isə AZƏRBAYCAN üçüN GöRüLƏN İŞ!” deyib.
Mirşahin Ağayev E.Fətullayevin bir zamanlar Xocalıda qətlə yetirilənlərin guya AXC batalyonları, yəni, özümüzünkülər, azərbaycanlılar tərəfindən güllələnməsinə dair yazdıqlarının ermənilərin işinə necə yaradığını xatırladıb. Mirşahin Eynullanın işğal altındakı Dağlıq Qarabağda separatçılarla birgə çəkdirdiyi gülərüzlü şəkillərin əsl mənasını izah etməyə çalışııb.
Qısası, Mirşahin Ağayev özündə vətəndaşlıq borcu hiss edərək “Bədbəxt adam” filmi ilə əsl həqiqətləri bir daha xalqımıza çatdırmaq istəyib. Elə bir həqiqətləri ki, onları heç zaman unutmaq olmaz...

Paylaş:

Baxılıb: 1090 dəfə