Kurildən sonra Kareliya?

Bakı:

17 °C

88 %

4 m/s

Əlaqə

AZ RU EN

Ana səhifə / Siyasət / Kurildən sonra Kareliya?

Kurildən sonra Kareliya?

18.02.2022 [23:27]

Rusiyaya qarşı təzyiq vasitələrinin sayı arta bilər

Pərviz

Gərginləşmiş Rusiya-Ukrayna münasibətləri Avropanın bəzi dövlətlərini hərəkətə gətirib. Belə ki, Rusiya ilə həmsərhəd olan bəzi dövlətlər hərbi müdafiə hazırlıqlarını yüksəltmək istiqamətində addımlar atırlar. Məsələn, Finlandiyanın müdafiə qüvvələri Ukrayna ətrafındakı situasiya ilə bağlı hazırlıq səviyyəsini qaldırıb. Bu barədə “Yle” saytı xəbər verib. Bildirilir ki, müdafiə qüvvələrinin hazırlıq səviyyəsi “B” işarəsinə qədər qaldırılıb. Bu şkalada isə cəmi 4 bənd var - “A”-dan “D”-yə qədər. “A” ən aşağı, “D” isə ən yüksək hazırlıq səviyyəsi sayılır. Finlandiya parlamenti Müdafiə komitəsinin sədri İllaka Kanervanı bildirib ki, hazırlıq səviyyəsinin qaldırılmasına səbəb Ukraynadakı gərgin vəziyyətdir. Finlandiya dövləti müdafiə qüvvələrinin hazırlıq səviyyəsin bir bənd qaldırılmasını ölkəyə qarşı yönəlik təhdidlərlə bağlı olduğunu istisna etsə də, baş verənlərin Rusiya ilə əlaqədar olması ortadadır.

Bu arada, Qərb mətbuatı Finlandiyadakı hazırlıqların iki ölkə arasında vaxtilə baş vermiş torpaq problemi ilə də əlaqələndirib. Bildirilir ki, Rusiyaya qarşı Qərbin təzyiqləri sırasına Kareliya məsələsi də artırıla bilər. Belə ki, ABŞ bir müddət əvvəl Kuril adalarının Yaponiyaya məxsus olması ilə bağlı fikir bildirmişdi. Bu mənada, növbəti təzyiq vasitəsinin Kareliya ola biləcəyi də istisna olunmur.

Məsələ ilə bağlı fikirlərini “Yeni Azərbaycan”a bölüşən Milli Məclisin Azərbaycan - Finlandiya parlamentlərarası əlaqələr üzrə işçi qrupunun rəhbəri Razi Nurullayev Kareliya ərazisinin II Dünya Müharibəsinndən sonra Rusiyaya birləşdirildiyini diqqətə çatdırıb. O qeyd edib ki, Kareliya hazırda Rusiya ərazisidir. Parlamentlərarası işçi qrupunun rəhbəri kimi bu mövzu ilə bağlı Finlandiya rəsmiləri ilə müəyyən söhbətlərinin olduğunu deyən R.Nurullayev qeyd edib ki, rəsmi Helsinkinin Kareliyaya dair heç bir siyasi iddiasına rast gəlməyib: “Finlandiyanın Rusiyaya ərazi iddiası mövcud deyil. Hətta bu ölkənin xarici siyasət kursunda, hərbi doktrinasında da belə bir nüans qeyd olunmur. Mən deyərdim ki, finlər Kareliyaya mey?l də göstərmirlər. Onlar Kareliyanı itirilmiş və xarabazara çevrilmiş bir ərazi kimi qəbul edirlər. Özləri danışırlar ki, həmin ərazilərə baxanda ürək ağrısı keçirirlər, Rusiyanın bu torpağı qaytaracağı təqdirdə belə həmin ərazilərinin bərpasını lazımsız sayırlar. Deyərdim ki, bu məsələdə finlər çox soyuqqanlılıq nümayiş etdirirlər. Bu baxımdan, Finlandiya dövlətinin öz istəyi ilə Kareliya məsələsini gündəmə gətirdiyini düşünmürəm. Fikrimcə, bu sadəcə bir informasiya təzyiqi vasitəsidir. Bunu Qərb mətbuatı tərəfindən şişirdilmiş və ortaya atılmış iddia hesab edirəm və məlumatın doğruluğuna inanmıram”.

Paylaş:

Baxılıb: 713 dəfə