Heydər Əliyev
yeni azerbaycan logo

Ana səhifə / Siyasət / Azərbaycan terrorçuluğa qarşı mübarizəni gücləndirir

Azərbaycan terrorçuluğa qarşı mübarizəni gücləndirir

29.06.2022 [10:02]

Qarabağ separatçıları isə Azərbaycan-Rusiya arasında yeni Sazişlə bağlı təşviş içindədirlər

Nardar BAYRAMLI

Bakıda Azərbaycanın xarici işlər naziri Ceyhun Bayramovla Rusiyanın xarici işlər naziri Serqey Lavrov arasında   “Azərbaycan Respublikası Hökuməti ilə Rusiya Federasiyası Hökuməti arasında beynəlxalq informasiya təhlükəsizliyinin təmin edilməsi sahəsində əməkdaşlıq haqqında Saziş” imzalanıb. İyunun 24-də S.Lavrovun ölkəmizə səfəri çərçivəsində imzalanmış saziş   informasiya təhlükəsizliyi sahəsində mövcud təhdidlərin qarşısının effektiv şəkildə alınması məqsədi daşıyır.

Ermənistan və Qarabağdakı separatçılar isə Azərbaycan və Rusiya arasında bu sənədin imzalanmasından narahatdır. Buna səbəb nədir? Məsələ ilə bağlı qəzetimizə açıqlama verən Milli Məclisin deputatı Ramin Məmmədov bildirib ki, hazırda Ermənistanda və  separatçıların arasında yaşanan gərginlik, Azərbaycanın və Rusiyanın imzaladığı yeni sazişlə bağlı narazılıqlarını ifadə etməsi bu sənədin nə qədər mühüm olduğunu sübuta yetirir. Onun sözlərinə görə, saziş Azərbaycan ilə Rusiya arasında müttəfiqlik münasibətlərinə dair Bəyannamənin müddəalarına uyğundur: “Şübhəsiz ki, bu, çox önəmli sənəddir. Saziş, ilk növbədə, Rusiyadan Azərbaycan məkanına daxil ola biləcək təhdidlərin, eyni zamanda, erməni lobbisinin, erməni diasporunun Azərbaycan əleyhinə fəaliyyətinin qarşısının alınması istiqamətində böyük əhəmiyyət daşıyır. Digər tərəfdən, sənəddə tərəflərin bir-birinin suverenliyi, ərazi bütövlüyü ilə bağlı məqamlarda vahid mövqedən çıxış etməsi və qarşılıqlı olaraq təhdidlərin qarşısının alınması məsələləri yer alır ki, bunun da Azərbaycan üçün önəmi xüsusi vurğulanmalıdır. Bu, eyni zamanda, separatçılıq təbliğatının qarşısının alınması istiqamətində mühüm addımlardan biridir”.

Deputat  sazişin qarşılıqlı münasibətlərin inkişafına töhfə verəcəyinə əminliyini ifadə edib. Onun fikrincə, Azərbaycan imzalanmış yeni sənəd vasitəsilə  terrorçuluğa qarşı mübarizəni gücləndirmək və bu sahədə daha fəal olmaq imkanı əldə edir. Şübhəsiz ki, saziş Azərbaycan-Rusiya münasibətləri ilə bağlı son dövrdə imzalanmış önəmli sənədlərdən biridir. R.Məmmədov onu da söyləyib ki, informasiya mənbələrində terrorçuluğun təbliğinin qarşısının alınması ümumilikdə terrorizmə qarşı mübarizə sahəsinə ciddi töhfələr verə bilər.

Məhz bu məqamın da Azərbaycanla Rusiya arasında sözügedən sənəddə yer alması terrorizmə qarşı birgə mübarizə imkanlarını yaradır. Bütün bunlardan əlavə, millətlərarası, irqlərarası və konfessiyalararası ədavətin qızışdırılması, separatçılığın və ekstremizmin, nifrət və diskriminasiya yaradan, zorakılığa və qeyri-sabitliyə təhrik edən irqi və ksenofobiya fikirlərin təbliğ olunması da ciddi təhdidlər sırasında müəyyənləşdirilib. R.Məmmədov deyib ki, bu istiqamətdə təhdidlərin qarşısının alınması ümumilikdə qlobal təhlükəsizliyin təmin olunmasına mühüm təsir kimi nəzərdən keçirilə bilər: “Beləliklə, Azərbaycanla Rusiya arasında “Beynəlxalq informasiya təhlükəsizliyinin təmin edilməsi sahəsində əməkdaşlıq haqqında Saziş”in imzalanması, strateji sahələrdə təhlükəsizlik tədbirlərinin effektiv, sülhə və təhlükəsizliyə birbaşa xidmət edən addımlar atılması hər iki tərəf üçün mühüm əhəmiyyət kəsb edən əməkdaşlıq sistemini şərtləndirir”.

Paylaş:
Baxılıb: 209 dəfə
Multi-media

Xəbər lenti

Hamısına bax

Xəbər lenti

Dünya

Xəbər lenti

Xarici siyasət

İqtisadiyyat

İqtisadiyyat

İqtisadiyyat

Prezident bu gün

Prezident bu gün

18 Avqust 10:30

Siyasət

Bu da sübut!

18 Avqust 10:29

Xəbər lenti

Xəbər lenti

Xəbər lenti

Gündəm

Xəbər lenti

Xəbər lenti

Sosial

Xəbər lenti

Sümük köçü

17 Avqust 10:47

İqtisadiyyat

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31