Qubadlı Rayon İcra Hakimiyyətində 2019-cu ilin sosial-iqtisadi inkişafının yekunları və qarşıda duran vəzifələrə dair iclas keçirilib

Bakı:

23 °C

50 %

3 m/s

AZ RU EN

Ana səhifə / Sosial / Qubadlı Rayon İcra Hakimiyyətində 2019-cu ilin sosial-iqtisadi inkişafının yekunları və qarşıda duran vəzifələrə dair iclas keçirilib

Qubadlı Rayon İcra Hakimiyyətində 2019-cu ilin sosial-iqtisadi inkişafının yekunları və qarşıda duran vəzifələrə dair iclas keçirilib

26.02.2020 [09:24]

Sumqayıt şəhərində yerləşən Qubadlı Rayon İcra Hakimiyyətində 2019-cu ilin sosial-iqtisadi inkişafının yekunları və qarşıda duran vəzifələrə dair iclas keçirilib. Tədbirdə geniş məruzə ilə çıxış edən rayon İcra Hakimiyyətinin başçısı Malik İsaqov bildirib ki, məcburi köçkün taleyi yaşayan Qubadlı rayonunda da ötən il ərzində qarşıya qoyulan vəzifələrin yerinə yetirilməsinə çalışılıb.
M.İsaqov vurğulayıb ki, rayonun 38 min 500 nəfər əhalisi respublikanın 41 müxtəlif şəhər və rayonunda məskunlaşıb. Bildirilib ki, st. Sumqayıt adlanan ərazidə və Sumqayıt şəhər 12-ci mikrorayon ərazisində məcburi köçkünlər üçün inşa edilmiş şəhərciklərdə məcburi köçkün ailələrinin yeni mənzillərə köçürülməsi işi tam başa çatdırılıb. Yeni qəsəbələrin əsas kontingentini Qubadlı rayonundan olan məcburi köçkünlərin təşkil etdiyini deyən rayon İcra Hakimiyyətinin başçısı bildirib ki, bununla yanaşı, Qaradağ rayonunda yerləşən “Ümid” qəsəbəsində 19 ailə, Şirvan şəhərindəki şəhərcikdə 9 ailə, “Qobu Park” yaşayış kompleksində 22 ailə, Pirallahı rayonunda salınmış şəhərcikdə 9 ailə, Kürdəxanı qəsəbəsində salınmış yaşayış kompleksində isə 5 ailə evlə təmin olunub: “St. Sumqayıt adlanan ərazidəki şəhərcikdə rayonun Hal kənd, Dəmirçilər kənd və Qubadlı şəhər 4 saylı tam orta məktəbləri, Gigiyena və Epidemiologiya mərkəzi, 140 yerlik Qubadlı şəhər 1 saylı körpələr evi-uşaq bağçası, Mahruzlu kənd həkim məntəqəsi və rayon Rabitə qovşağının Poçt agentliyi, Sumqayıt şəhər 12-ci mikrorayon ərazisində salınmış şəhərcikdə isə rayonun Kavdadıq və Əliquluuşağı kənd tam orta məktəbləri və Qubadlı şəhər 2 saylı körpələr evi-uşaq bağçası fəaliyyətə başlayıb. Bunun da nəticəsi olaraq 80-ə yaxın məcburi köçkün işlə təmin edilib. Bunlardan əlavə, Sumqayıt şəhəri 76-cı məhəllədə məcburi köçkünlərin məskunlaşdığı peşə liseyinin inzibati binasının tavan hissəsinə 600 kvadratmetr dam örtüyü döşənib, 40-cı məhəllədə məcburi köçkünlərin məskunlaşdığı 2 beşmərtəbli binaya dam örtüyü vurulub, binanın həyətinə asfalt örtüyü döşənib. Sumqayıt şəhər 8-ci mikrorayon ərazisində məcburi köçkünlərin məskunlaşdığı 17 saylı orta məktəbin yardımçı binasında qəzalı vəziyyətdə olan sanitar qovşağının çöl divarlarında beton-bərkitmə işləri aparılaraq istinad divarları tikilib. Sakinlərin çoxsaylı müraciətləri əsasında Sumqayıt şəhər “Yaşıldərə” yaşayış massivində, “Ceyranbatan bağları” yaşayış massivində, Sumqayıt şəhər “Beton zavod” adlanan ərazidə məcburi köçkünlər yaşayan ərazilərdə məhəlləarası yollara asfalt örtüyü döşənib”.
Bildirilib ki, hesabat dövründə rayonun ümumi gəlirlərinin proqnoz məbləği 2 milyon 515 min manat, yerli gəlirlər üzrə proqnoz məbləği isə 2 milyon 278 min manat olub. Yerli gəlirlərdən daxil olmaların icrası 2 milyon 278 min manat proqnoz rəqəminə qarşı 4 milyon 371 min 889 manat və ya 1,9 dəfə çox icra olunub ki, bu da nəzərdə tutulduğundan 2 milyon 93 min 889 manat artıq vəsaitin daxil olması deməkdir.
Məruzə ətrafında çıxış edən natiqlər 2019-cu ildə görülən işlərin qənaətbəxş olduğunu bildiriblər. Qeyd edilib ki, Qubadlı ictimaiyyəti hər zaman ölkə Prezidenti İlham Əliyevin apardığı siyasi kursu dəstəkləyir və məcburi köçkünlərə göstərilən dövlət qayğısından razıdır.
PƏRVİZ

Paylaş:

Baxılıb: 412 dəfə