Heydər Əliyev
yeni azerbaycan logo

Ana səhifə / Sosial / 7 şəhid... 7 körpə oğul...

7 şəhid... 7 körpə oğul...

18.11.2021 [10:08]

Səhiyyə Nazirliyinin statistikası: Dünən yeddi körpə oğul bala Azərbaycan vətəndaşı kimi dünyaya göz açdı

Zalimin zəfəri başdan qələtdir,

Zamanın səsini biz də dinlərik.

Dünya gücümüzə yaxşı bələddir,

Hələ biçilməmiş əkilənlərik!

Böyük şairimiz Bəxtiyar Vahabzadənin bu misraları uzaq 1990-cı ilin Qanlı yanvar şəhidləri üçün yazılmışdı. O vaxt şair bəlkə özü də bilmirdi ki, həmin misralar onun xalqı tərəfindən hələ uzun illər boyu zaman-zaman xatırlanacaq, hər dəfə düşmən gülləsinə tuş gələn igid oğullarını Vətən bayrağı ilə dəfn edən Azərbaycan elə həmin gün də hər igidin əvəzinə yeni oğlan uşaqlarını qoynuna alacaq, ana laylası kimi pıçıldayacaq o kəlmələri...

Noyabrın 8-də hamılıqla Zəfər yürüşünə çıxdıq, 30 il düşmən tapdağı altında inləyən torpaqlarımızın azadlıq gününü bayram etdik.

Dostlar sevindi, təbrik etdi.

Düşmənlər qan ağladı. Ağladığını gizlətmək, miskin halını pərdələmək üçün də xislətinə sadiqliyini nümayiş etdirməkdən çəkinmədi, həyasızcasına Dövlət sərhədlərimizə göz dikdi, gah əsgərimizə qumbara atdı, gah mövqelərimizə hücum etdi... Susduruldu, əlbəttə! İtki verərək, rəzil olaraq, əsir düşərək cavabını aldı.

Noyabrın 16-dan 17-nə keçən gecə Vətən uğrunda yeddi şəhid verdi Azərbaycan. Yeddi igid köksünü düşmən gülləsinə sipər edib canından keçdi. Yeddi ana qara saça, ağ günə həsrət qaldı... Amma həmin gecə yeddi oğul gəldi yer üzünə, Səhiyyə Nazirliyinin İnformatika və Statistika İdarəsindən aldığımız məlumata görə, yeddi körpə oğul bala Azərbaycan vətəndaşı kimi dünyaya göz açdı.

Bu, təsadüfdürmü, taledirmi? İlahi Haqqın bizim yanımızda olmasına, haqq yolumuzu bəyənməsinə, sıralarımızın heç bir zaman seyrəlməsinə yol verməyəcəyinə vədidir, deyərdim!

Cavi Dan

 

Paylaş
Baxılıb: 143 dəfə

Xəbər lenti

Hamısına bax

Prezident bu gün

04 Dekabr 00:11

Prezident bu gün

03 Dekabr 09:59

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31