Heydər Əliyev
yeni azerbaycan logo

Ana səhifə / Sosial / Türkiyə universitetlərinin təcrübəsi Azərbaycana gətiriləcək

Türkiyə universitetlərinin təcrübəsi Azərbaycana gətiriləcək

03.12.2021 [17:30]

Azərbaycan-Türkiyə birgə universitetinin yaradılması ilə bağlı müzakirələrə başlanılıb. Bu barədə Azərbaycanın təhsil naziri Emin Əmrullayev Türkiyə Ali Təhsil Şurasının sədri Erol Özvarla birgə keçirdiyi brifinqdə bildirib.
Nazirin sözlərinə görə, Azərbaycan-Türkiyə birgə universiteti Türkiyənin qabaqcıl ali təhsil müəssisələri səviyyəsində olacaq. Türkiyə universitetlərinin təcrübəsi Azərbaycana gətiriləcək: "İki ölkənin razılığı ilə ali təhsil ocağının reallaşması ciddi iş tələb edir. Bir az vaxt aparacaq, amma çalışırıq ki, növbəti tədris ilinə hazır olaq. Universitet təkcə ali təhsili əhatə etməyəcək. Həm elmi tədqiqatlar, həm də tələbə-müəllim mübadiləsi aparılacaq. Universitetdə Türkiyənin qabaqcıl universitetlərində olan və Azərbaycanda ehtiyac duyulan ixtisaslar tədris ediləcək".
"Azərbaycan-Türkiyə birgə universitetinin yaradılması iki ölkə arasında təhsil sahəsində yeni əməkdaşlığın əsasını qoyacaq".
Bunu isə Türkiyə Respublikasının Ali Təhsil Şurasının sədri Erol Özvar brifinqdə deyib. O, bildirib ki, universitetin yaradılması iki ölkənin təhsilinə töhfə verəcək.

Ekspertlər hesab edirlər ki, Azərbaycan-Türkiyə birgə universitetinin yaradılması siyasi, iqtisadi, mədəni, tarixi əlaqələrimizə görə labüddür. Hazırda Türkiyədə 15 min azərbaycanlı gənc ali təhsil alır. Türkiyə universitetlərinin əksəriyyəti dünya reytinqində öncül yerlərdədir və məzunları müasir standartlara, əmək bazarının tələblərinə tam şəkildə uyğun gəlir.
Ona görə də onların təcrübəsindən yararlanmağa böyük ehtiyac var. 

Xatırladaq ki, Azərbaycanın birgə universitet təsis etmək təcrübəsi var. Belə ki, hazırda Azərbaycan və Fransa birgə universiteti – UFAZ yaradılıb və fəaliyyət göstərir.
Eyni zamanda, İtaliya ilə birgə universitet açma təcrübəmiz də var. Bundan başqa, Bakı Ali Neft Məktəbinin nəzdində Cənubi Koreya ilə birgə universitet yaradılıb.
Türkiyənin hansı universitetilə birgə universitet açılacağı isə maraq doğurur.

MÜŞFiQƏ

Paylaş
Baxılıb: 177 dəfə

Xəbər lenti

Hamısına bax

Siyasət

İqtisadiyyat

İqtisadiyyat

Siyasət

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31