Heydər Əliyev yeni azerbaycan logo

Ana səhifə / Sosial / Xoşbəxtliyin rəsmi... çəkə bilərsinizmi?

Xoşbəxtliyin rəsmi... çəkə bilərsinizmi?

30.04.2022 [11:01]

MÜŞFİQƏ

Açdım əllərimi dilənçi kimi

Bu könlüm sevgidən sədəqə istər

Kiçik bir körpənin sevinci kimi

Ovuc içi qədər xoşbəxtlik yetər...

Hamımız xoşbəxtlik axtarışındayıq. Hələ qədim zamanlardan psixologiya, fəlsəfə, sosiologiya, incəsənət, eləcə də ədəbiyyatda xoşbəxtlik anlayışını izah etməyə çalışıblar. Xoşbəxtlik elə bir ehtiyacdır ki, insanlar onun sorağına ölkə-ölkə gəzib səadəti axtarırlar. Xoşbəxt ölkələrin siyahısına baxıb köks ötürür, orada yaşamaq arzusu ilə qanadlanırlar.

Amma unudurlar ki, xoşbəxtlik hissi yoxdursa, dünyanın heç bir guşəsində səni tapmayacaq. Hər şey beyində başlayır və bitir. Unutmayaq ki, münasibətlərimiz həyatımızın sonunadək nə qədər sağlam və xoşbəxt olacağımızın ən mühüm ölçüsüdür. Məşhur rəssam Bob Rossun dediyi kimi: “Buraya çox xoşbəxt bir ağac çəkək. Bu ağacın xoşbəxt budaqları, o budaqlarda cəh-cəh vuran quşları olsun. Ağacın üstünə günəşin parlaq və xoşbəxt şəfəqləri saçsın...”

Xoşbəxtlik nədir?

“Xoşbəxtlik nədir” sualına ən sadə və gözəl cavabı Nazim Hikmət vermişdi. Şairə görə, xoşbəxtlik səhər sevinclə işə gedib axşam eyni istəklə geri qayıtmaqdır:

Kiçik bir xoşbəxtlik istəyirəm,

O qədər kiçik olsun ki,

İstəməsin kimsə məndən onu

Yetər ki, tək mənim olsun.

Bəxtiyar Vaha?zadə də ömrü boyu səadət axtarışına çıxdığını deyir:

Səadət nə demək?.. - bu sualla mən

Özümü çox yordum, tapa bilmədim.

Və tapır:

Bəlkə də səadət elə budur, bu:

“Hardasan, hardasan, gəl-gəl” - deməkdir.

Bəlkə də səadət ömrümüz boyu

Nəyisə... gözləmək... hey... gözləməkdir.

Milyon yarımlıq

“Xoşbəxtlik resepti”

Dahi Albert Eynşteyn xoşbəxtliyin reseptini yazıb. Bu xoşbəxtlik sirri isə, sadəcə bir nəfərə nəsib olub. O, 1922-ci ildə Tokioya mühazirə oxumağa gedəndə “Nobel” mükafatı aldığını xəbər gətirən kuryerə bəxşiş verməyə pulu olmur.

Hotelin kitabçasından cırdığı iki vərəqə alman dilində “Dinc və sadə həyat gərgin halda uğur dalınca qaçmaqdan insana daha çox xoşbəxtlik gətirir. Əgər iradə varsa, vasitə də tapılar” - deyə yazır. Həmin kağızı kuryerə verərkən “Ola bilsin, bu  qeyd bəxşişdən daha qiymətli olacaq”, - deyə əlavə edir.

Həqiqətən də, belə olur. “Vinners” hərrac evinin verdiyi məlumata görə, alimin əl yazısı 240 min dollara satılır. Bu gün  həmin kağız parçası milyon yarımlıq sərvətə bərabərdir. “Xoşbəxtlik resepti” sonuncu dəfə Yerusəlimdə 1,56 milyon dollara satılıb.

Paylaş:
Baxılıb: 282 dəfə

Xəbər lenti

Hamısına bax

Xəbər lenti

Sosial

İqtisadiyyat

Prezident bu gün

Prezident bu gün

28 May 10:15

İqtisadiyyat

Xəbər lenti

Arxiv
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31